http://img534.imageshack.us/img534/7060/basmala1.gif
والله يا أخوانا انا شوفت أعلان لفيات 124 و لقيت أن سعرها دايما رخيص فشوفت أعلان و معاه صورتها كدة
و كمان معمول منها تاكسى كتير فقولت برضة أكيد بتستحمل ولا أنتوا أية رأيكم ؟
ولا أصبر شوية و أجيب حاجة تانيه ؟
و أية الكماليات إلى ممكن تركب عليها يعنى أزاز كهربا و تكييف و الكلام دة ولا مينفعش ؟
و هل ماتورها له صوت عالى ولا مالوش و هل مريحه فى السواقة ؟
برجااااااااااء الرد ضرورى
http://img717.imageshack.us/img717/289/fiat124.jpg
هوا محدش يعرف عنها حاجة كدة ولا أية يعنى أفكر فيها ولا أصرف نظر عنها و أستنى شوية ؟
العربيه دي كانت مع و احد من اصحابي كان شريها يتعلم عليها السواقه
مشكلتها الوحيده انها غول بنزين و كان شريها بعد ما اتعملها عمره كامله
غير كده هيه عربيه عاديه خالص بتادي الغرض و السلام بس اعطالها مكنتش كتير
زي ال 128
بس الي مقلقني عليك انك تشتريها ب 7000 و تصرف عليها 7000 لان ما تنساش بردوه
الموديل دي داخله علي 40 سنه بيجري ع الطريق
دا نص الأعلاناقتباس:
المشاركة الأصلية كتبت بواسطة moonish_galaxy
فحكاية الماتور دى تطمن شوية يعنى هل ممكن يتركبلها تكييف و أزاز كهربا و تبقى تمام ولا أية ؟اقتباس:
1400 سى سى السيارة فابريقة حوض وشنطة بها موتور 131 بها
جنوط اسبور وبطارية جديدة وطارة اسبور وبها رخصة لاخر شهر
1 - 2011
تقريبا اى عربيه ممكن يركبلها ازاز كهربا او تكييف
مش مشكله يعنى
لأ مش أى عربيه على فكرة يتركبلها تكييف يعنى الماروتى مينفعش و ممكن تركب على 128 بس هتبقى فى السحب وحشه جدااااااااااااااقتباس:
المشاركة الأصلية كتبت بواسطة srm
طيب أصل عليها ماتور 131 يعنى كمان هل صوتها هيبقى عالى ؟ أصل مش بحب صوت الماتور و الكلام دة فى العربيات
يعنى الواحد يتكل على الله و لا يصبر و ميتسرعش و يجيب حاجة تانيه أنضف ؟
بس بالسعر دة يعنى لو الواحد صرف عليها شوية هتبقى حاجة جميله أوى من جوة
انت بتسأل على عربيه اكيد اكبر منى و منك فى السن دى مفروض هى اللى تسأل عنك ههههههه .. بص يا باشا ال 124 ممتازه بس سيبك من اللى فى دماغك من تكييف لكن الزجاج ممكن ,, العربيه لو حالتها كويسه هتبقى روعه بس للحق العربيات دى حسب استعمالك يعنى كلما استعملتها اكثر زادت زياراتك للميكانيكى لانها عربيه مٌعمره و انا شايف انها احسن من الفيورا و الـ 128 بكتير و ربنا يوفقك للاصلح و شوف تاريخها لو كانت تاكسى اوعى تجيبها هتبقى مهلهله
اولا هى اكيد كانت تكسى لو حد اكد فى الرفرف اللى قدام هيلاحظ اللون الابيض تحت الدهان
ثانيا العربية 124 سعرها لما تكون حالتها كويسة من 11000الى 13000 الف
والاخ الى بيسأل اصلا مش بيحب صوت المتور العالى والدوشة والحجات دى فانا نصيحتى يصبر شوية ويجيب النترا او اوكتافيا ربنا يرزقة ويرزقنا جميعا
اولا هتلاقى الباروما وكلاها
شكلها خردة حرام عليك تبلى نفسك بيها
اصبر شوية
حاول تزود وتجيب العربية المعمرة الاولى فى العالم فولكس بيتلز
فعلا دى عجـــــوزة أوى :36_1_31:اقتباس:
المشاركة الأصلية كتبت بواسطة mexmarine
مذكرش بصراحه كانت تاكسى ولا لأ بس حالتها هتوضحها و إلى مطمنى من ناحيتها حاجة بسيطة ماتور الـ131
لو ركزت فى الكبوت برضة هتلاقى فيه لون أبيض دا التراب بس مغطيها كلها كانها طالعة من الترب هههههههههههههههههاقتباس:
المشاركة الأصلية كتبت بواسطة x100
بس على فكرة الـ124 بالأخص سعرها واقع لأنها شوف موديل كام و لو هتعمل من 11 إلى 13 يبقى فيه بدايل أفضل بمليون مرة يعنى فيه الفيات 132 و دى معشوقتى بصراحه و عندك برضة بيجو 305 و دى بتعمل 10 ألاف دلوقتى لو حالتها ممتازة كمان و دا لغلو قطع الغيار و هكذا و كلهم أشيك و أقوى
ماهو الغريب إنها شوف موديل كام و بيقول فابريكة حوض وشنطة :ma(30):اقتباس:
المشاركة الأصلية كتبت بواسطة ahmedfouad
و لو زودت شوية بصراحه هيبقى الأفضل من الفولكس بالنسبه لى لأنى مش بحب البابين أوى ممكن تبقى بيجو 305 أو فيات 132
و ألف شكر يا رجاله على الردود
بس برضة الواحد فى حيرة والله :shyy:
طيب يا جماعة سؤال مهم هو الواحد ازاي يعرف ان العربية دي كانت تاكسي قبل كده و لا طول عمرها ملاكي . ده سؤال عام للفائدة العامة و ليس المقصود منه السيارة دي بالتحديد
فعلا يا ريت التوضيح لأنى بشوف ساعات تاكسيات حتى انواع غير معتاده زى السويفت و الماتريكس و هكــذااقتباس:
المشاركة الأصلية كتبت بواسطة fdido26
و ممكن أى حد يتضحك عليه بالطريقة دى فلازم نعرف أزاى كانت شغاله تاكسى
بعيدا عن الكيلومترات لأنها بيتلعب فيها
فيات 124 بلاش منها لانها عربية عمرها الافتراضي انتهي من زمان وهتحتاج مصاريف كتير وبالرغم من ذلك عمرك ما هتبقي راضي عنها فكر في حاجة غيرها