يا جماعة اللوجان بتاعتي كانت حتتسرق مش عارف اعمل ايه
عاوز اركب جهاز انذار ومش عارف اركبه فين واجيب اي نوع كويس
وايه رايكم حرام دا انا لسة شاريها من 7 ايام بس
:U_thin1[1]::dontudear::dontudear::U_thin1[1]:
عرض للطباعة
يا جماعة اللوجان بتاعتي كانت حتتسرق مش عارف اعمل ايه
عاوز اركب جهاز انذار ومش عارف اركبه فين واجيب اي نوع كويس
وايه رايكم حرام دا انا لسة شاريها من 7 ايام بس
:U_thin1[1]::dontudear::dontudear::U_thin1[1]:
الحمد لله
اطمئن العربيه مش هاتدور الا بمفتاحها والدركسون هيقفل يعنى العربيه من هتحود
احكلنا الى حصل بالظبط وأيه خلاك تقول كده
عموما الانذار بيركب عند ادريان شوف الفرع الى قريب من سكنك
هو هيمنع أن حد يأخد حاجه من العربيه والخوف من كده
الحمد لله ان ربنا ستر ... وياريت فعلا تحكيلنا التفاصيل
اسبير كار عنده حاجات حلوه
الراجل من أسوان
حضرتك شوف محل كماليات كبير ومعروف ومضون وأشترى منه جهاز انزار نضيف او استنى لما تكون نازل القاهرة بالعربية وعمتا العربية مش هتدور ير بمفتحها والحمد لله انها جت سليمة بس أحكلنا إيه اللى حصل ؟؟
الحمد لله علي كل حال ونصيحه هات spy 2 way 5000 جهاز حلو وممتاز فيه ريموت بيبقي معاك لو حد بيفتح الباب الجهز بيقولك في حد بيفتح العربيه ولو حد دور العربيه بيقولك العربيه دارت بس مشكلته المدي بتاعه ضايع 50متر في حته مغلقه 100 متر في حته مفتوحه وانا ركبته عند سبير كار وشغله كويس بس مشغلشي كل حاجه فيه
واخبار العصايا الي بتتحط في الدركسيون ايه نظمها ممكن تمنع السرقه ولا لا
ياريت نعرف اوستفيد
طيب اشتري ايه انا في اسوان واروح التوكيل واركبه هنا ولا ايه
انا معرفتش انام امبارح
بالطبع خذ احتياطاتك وركب انذار حتى ولو كان فيها اموبيلازر ويفضل في التوكيل
ياريت متخدش الموضوع من ناحيه المظهر انا بتكلم من ناحيه الافاده هل ممكن تمنع السرقه ام لا اما موضوع المظهر انا عن نفسي مبحبش شكلها خالص بس بشوف ناس مركباها في الدركسيون عشان مصر اتملت حراميه
وعلي فكره موضوع الامبلوليزر ده ملهوش لازمه خالص وبيعرفوا يسرقوا العربيه وهي فيها الامبولايزر كمان يعني الحرميه مش بيغلبه في اي حاجه
حمد الله على سلامة لوجي بس التوكيل بيعمل مشكلة على الانذار اتصل ب 16202 و اتأكد الاول
ممكن يا استاذ احمد تشرحلنا كانت هتتسرق ازاى ؟
اكيد زى كل المحترمين عاوزين نعرف كانت حتتسرق ازاى علشان ناخد بالنا من عربياتنا وشكرا للجميع
على فكره مش ضرورى انى لما اقول العربيه كانت هتتسرق يبقى الحرامى هيدورها وياخدها على بعضيها
لكن فيه كاسيت شكله حلو وعايز يتسرق وعلى فكره الحرميه ولاد تيييييييييت ومش عندهم رحمه بيدغدغ ام الطبلون عشان يفك الكاسيت ، يعنى موبايل لطيف فى الطبلون ، نضاره ريبان ولا بوليس ولا حتى اوكسيدو , ازازة برفان ايفوريا , الأستبن والكوريك وعدة العربيه
يعنى سرقة محتويات ودى بتغييييييييييييييييييظ
ماهوة علشان كدة انا مبسيبش الكاسيت في العربية نهااااااااااااااااااااااا اائي و في اللادا التابلوه اسود و الكاسيت تحت و لونه اسود فبطفي الساعة و اسيبو ولا بيبقى باين
يعني اعملو زيي بفك الكاسيت و مبسيبوش في العربية لأن الحرامية عارفين ان الكاسيت بيتحط في درج الطابلوه باخدو و احطو في شنطة اللاب و انزل
دلوقتى كمان فيه موضة سرقة عن طريق كسر شباك العربية خصوصاً فى المناطق الهادية والمدن الجديدة.. علشان كده ما حدش يسيب شنطة او اى حاجة ملفته للنظر جوا العربية .. وربنا يسترها
أنا آسف على التأخير في الإجابة علشان كنت موقوف
نيجي بقى للموضوع اللي كان هنا على المنتدى اللي الراجل سرق بيه BMW و حاجات كده....
نشوف هو عمل إيه بغض النظر عن اللعب في الـ ...VIN
1-طفش كالون الباب.
2-عمل Deactivation للـ Immobilizer باستخدام جهاز تشخيص الأعطال بتاع العربية.
3- دور من الكونتاكت بمفتاح مشابه.
طيب ليه اللوجان مايتعملش فيها كده...
1- الإنذار بينطلق بمجرد فتح الباب بدون ريموت (و دي مش متأكد منها في اللوجان بس كانت عندي)
2-جهاز كشف الأعطال بتاعها بـ30000 بندق
3-دي بقى الي مش هتتم مع وجود اللي فات ده كله
بالنسبة للأستاذ صاحب الموضوع ماتخفش
مافيش حد في أسوان هيعمل كل ده و بالإحترافية دي و لا هيبقى معاه Renault clip علشان يطفي الـ Immobilizer
كل اللي على حضرتك إنك ماتسيبش حاجة فيها الطمع في العربية.. و دايماً تقفلها بالريموت...
و مافيش داعي للعصيان والحاجات اللي بتتحط على الطارة علشان صدقني كل اللي هتعمله إنها هتتعبك
والله أعلم...
في رعاية الله...