عندى رسيفير فى الصالة وعايز اجيب تلفزيون تانى فى اوضة النوم وسمعت عن موزع لاشارة الرسيفير لاسلكيا بدل ما اجيب طبق تانى او رسيفير مش عارف اسمه التجارى ايه حد عنده فكره عنه ؟؟ سعره ؟؟ ماركاته ؟؟؟
عرض للطباعة
عندى رسيفير فى الصالة وعايز اجيب تلفزيون تانى فى اوضة النوم وسمعت عن موزع لاشارة الرسيفير لاسلكيا بدل ما اجيب طبق تانى او رسيفير مش عارف اسمه التجارى ايه حد عنده فكره عنه ؟؟ سعره ؟؟ ماركاته ؟؟؟
ايوة ، عندنا فى البيت و شغال كويس
كنا جبناه من شارع عبد العزيز على ما اذكر ، كان ب 120 جنيه
هو عبارة عن بوكس اسود صغير اكبر من الموبايل بشوية ، بيتوصل على الريسيفر ( هتروح راديو شاك تجيب وصلات AV تطلع اتنين من كل فتحة ، عشان واحدة ال output بتاع التليفزيون الرئيسى ، و التانية للجهاز ، و هو فيه ايريال ، بيبعت الاشارة و حضرتك بتستقبلها على التليفزيون التانى بدون اى مشاكل
هو كان اللى موجود صينى ، و بقاله 3 سنين شغال من غير اى مشاكل
100 :S_thum1[1]::S_thum1[1]::S_thum1[1]:120
شكرا للرد
طيب اسمه التجارى ايه؟ وهل هو عملى؟ وهل البعد بين الجهازين محدد بلامتار ؟؟
اسمه ناقل اشارة
هو بيدى مدى كويس، بس عشان يكون الاستقبال واضح اعتقد ان لازم يبقى فى مدى مفتوح بين التليفزيونين ، يعنى مثلا احنا عندنا التليفزيون الرئيسى فى الصالة ، و بعدين فى طرقة مفتوحة ، وبعدين الاوضة اللى فيها التليفزيون التانى ، مفيش حوائط تسد بين الاتنين ، ده عشان يكون الاستقبال احسن
اسمه ناقل اشارة وسعره ما بين 60 ل 75 جنيه وكله صينى فى باب اللوق وانا بستعمله من حوالى 4 سنين واللى عندى نوعه
Gaintech
بس خلي باللك ده بينقل الاشاره بس بمعني انك هتشغل التلفزيونين علي قناه واحده
لانه ناقل اشاره بس يعني مينفعش تنقل علي قناه تاني لو نقلت التلفزيون التاني ينقل معاك
اقتباس:
المشاركة الأصلية كتبت بواسطة النوبي
يعنى مينفعش اغير القناة من خلال التلفزيون الثانى؟؟
:majd(4):
لأ ، دى بقى عشان تعملها ، ممكن تجيب حاجة اسمها ناقل اشارة ريموت
بس لازال التليفزيونين هيبقو جايبين نفس القناة ( مينفعش تبقى بتشوف قناة على واحد و قناة تانية على التانى )
اقتباس:
المشاركة الأصلية كتبت بواسطة shery103
ايوه انا قصدى على ده هل ممكن اغير القناة بتاعت الرسيفير عادى من التلفزيون التانى
اسفة جدا لسه شايفة الرد دلوقتىاقتباس:
المشاركة الأصلية كتبت بواسطة hossam_elwani
ايوة ممكن تغير قناة الرسيفر عادى من التليفزيون التانى بس باستعمال ناقل اشارة ريموت
يعنى تجيب حاجتين ، ناقل اشارة ( عشان ينقلك صوت و صورة من الرسيفر للتليفزيون التانى ) و ناقل اشارة ريموت عشان تعرف تحول بين القنوات من عند التليفزيون التانى
شكرا لكل من شارك بالافاده
بصراحة أنا منصحش حضرتك بيه خالص. يعني حضرتك حتجيب جهاز و تركبه بتوصيلاته ب100 جنيه تقريبا و تفضل مضطر تشغل التليفزيونين على نفس القناة. رأي حضرتك تجيب ريسيفر و دش منفصلين, حتتكلف 400 - 500 جنيه بس حتشغل كل تليفزيون بشكل منفصل.
أنا شايفة ان ناقل الاشارة ده كان مفيد لما كان الريسيفر بكذا ألف جنيه, انما دلوقتي ملوش لازمة.
الجهاز اسمه فيديو سندر و كنت شاريه بحوالى 60 جنيه من باب اللوق و تشترى معاه كابل اوديو فيديو بحوالى 5 جنيه و مهمة الجهاز فقط هى نقل اشارة الجهاز اللى متركب عليه سواء كان ( رسيفر او فيديو او اى جهاز تصدر عنه اشارة مرئية و صوتية عن طريق مخارج اوديو فيديو ) لاسلكيا الى اى تلفزيون فى المدى اللى لا يتعدى 20 متر على ان يكون للتلفزيون اريال داخلى حتى تستطيع ان تستقبل اشارة الجهاز
و فعلا يمكنك الاستغناء عن هذا الجهاز و شراء رسيفر من الاجهزة التى تباع ب 90 جنيه و تركبه على نفس الطبق الموجود لديك او ان تشترى له طبق خاص و بهذا تكون حليت مشكلة التحكم بالريموت و الحصول ايضا على قناة مستقلة فوق البيعة
عشان تستخدم كل تلفزيون بشكل مستقل كل اللي محتاجة رسيفر رخيص و lnb اتنين مخرج وتركبها على الطبق اللي عندك الموضوع كله مش هيزيد عن 120 جنية
ناقل الاشاه شيء واللي استاذ عايزه شيء تاني
هو قصده ان الطبق lnb يخرج منها مخرجين واحد لكل رسيفر
بس ده ماينفعش غير انك تغير lnb
او لو لقيت مخرج من الرسيفر اسمه lnb out
ده بقي وصله بالريسيفر التاني وهيشتغل 100 100