الحمد لله استلمت التريوس من كام يوم ورخصت
العبد لله اللي كان له مداخلة من اسبوعين مع حضراتكم بعنوان ( رسالة للسادة ملاك التريوس ) وبعد الاستخارة ونصح البعض من حضراتكم اقدمت علي تفعيل الحجز اللي كنت قد اقدمت علية ايام معرض اوتوماك و استلمت الحمد لله من معرض البيع بالشيخ زايد وهي ( vxr ) اي بدفع رباعي وكنت قد طلبت من الاستاذ محمد بالمبيعات ان اركب سلالم جانبية وحساس وغطاء وبعد الدفع لكامل ثمن السيارة 149 الف مع استلام قسيمة شراء بقيمة 5000 جنية من شركة تعمل في مجال الماس و الذهب و دفعت ثمن الطلبات الزائدة و استلمت السيارة بعد يومين بالضبط ورخصت يوم الخميس الماضي و الحمد لله وكنت قد طلبت تركيب دفندرات امامية و خلفية وبصراحة نصحوني في التوكيل بأن ذلك سيعرضني لمشاكل مع المرور وقمت بالتأمين من خلالهم وطبعا غالي أوي 8300جنية المهم الحمد لله وجدت جراج بجانب العمارة و لقد قطعت بها حتي الان حوالي 420 كم
و الي حضراتكم الملاحظات الاولية:-
1- احساس جميل جدا انك اعلي في مستوي الرؤية ممن حولك يعني
بانوراما صغيرة
2- احساس عظيم بأنك لست فريسة للميكروباص و الربع نقل و التوك
تك ان وجد يارب سلم سلم
3- السيارة من الداخل بها كل ما يلزم من صالون مناسب وكذالك
اتساع في الكنبة الخلفية و الشنطة واسعة
4- السيارة من الخارج بها قدر من الفخامة توحي بأنها ابنة شرعية
لسيارات الدفع الرباعي الكبيرة
5- طبعا تشغيلي للتكيف كان متقطع وبسيط جدا علشان لسة
معدتش الالف ومع ذلك حاسس اني مش هاتكيف اوي مش عارف
الاحساس دة لية مسيطر علي حتي الان
6- حكمي علي البنزين اكيد مش هيكون سليم لان لسة السحب و
احساسي بدواسة البنزين محصلش تطبيع بيني و بينها و مع ذلك و
علي العموم هي لن تزيد عن 200كم في الصفيحة (والله اعلم)
7- الاحساس العام جميل جدا
ان شاء الله سوف اوافيكم بالمستجدات وتفاصيل السيارة
لكم مني كل تحية وتقدير اخوكم
م. حاتم السباعي
