السلام عليكم
يا جماعة واحدة واحدة على الشباب إللي عاوز يتجوز و أظن إللي بيقول 3000 جنية شهريا مصروف بيت بس يبقى اكيد مش من الطبقة المتوسطة إللي زي حالاتنا.... ولو مش من الطبقة المتوسطة يبقى مش حتفرق معاه لان الحال ميسور والحمد لله!
نرجع بقى لاخينا متوسط الحال
انا شايف مبلغ 800-1000 جنية في الشهر يعيشوك إنت وطفل لحد 3 سنوات عيشة كريمة وذلك يتضمن:
1- مصروف البيت ( في لحمة وفراخ على الاقل 4 ايام في الاسبوع+ فاكهة)
2-كهرباء ومياه
3-فاتورة تليفون بس المدام ما تكونش رغاية
4- خروجة او خروجتين في المعقول سينما وسندوتش او تمشية على الكورنيش)
الاشياء الزائدة:
1- سجاير
2-مواصلات (إنت وشطارتك تاكسي كل يوم او ميكروباص او اتوبيس)
3-مصروف شخصي لو ليك هواية معينة
4-فاتورة محمول
5- إيجار شقة لو مش تمليك
6-عزومات وجمايل
7-مصاريف عملية او دواء غالي (كفانا الله وإياكم شر المرض والبلاء)
والمهم والاهم القناعة والرضا وإنك تعرف إن دي بداية في حياتك وإن شاء الله في زيادة طالما بتكافح!
وعلشان ما أطولش اكتر من كدة في رأيي:
1000-1500 جنية يوفروا عيشة كريمة (مستقلة عن معونات الاهل) في ظل مجتمعنا الحالي وطبعا من غير ديون او أقساط.
والاهم:
بسم الله الرحمن الرحيم
" ومن يتق الله يجعل له مخرجا ويرزقه من حيث لا يحتسب"
صدق الله العظيم
المفضلات