وبعدين بقى مع تكييف البولو ده
مبدأيًا السلام عليكم
ثانياً انا زعلان جدا لان فى موضوع زيت كاسترول انا ذكرت ان العربية عملت حادثة ومحدش عزانى فيها وعمتًا الحمد لله برضه والحاجات اللى اتغيرت حبيت اقولكم اسعارها
السدر فاضى : 500 جم
فانوس استيراد : 100 جم
اشارة استيراد : 25 جم
المهم دلوقتى فيه حاجة مديقانى قوى. التكييف عندى ضعيف شوية ما بحسش بيه غير على 3 وفى الحر النار بيبقى اى كلام وبالليل لازم 2 مش 1 زى كل الناس
المهم بعد الحادثة شحنت فريون امريكى ولسه التكييف ضعيف والراجل بتاع التكييفات قاللى انه ممكن يكون الاكسبشن عايز يتغير ( البتاعة الصفراء اللى فى سدر العربية قبل ما تدخل على التابلو علطول )
وفيه حاجة تانية انا العربية عندى الحمد لله مبتسخنش خالص بس المروحة عندى سرعة واحدة ده ممكن يكون بيأثر على التكييف ولا لأ ومستنيكم تردوا عليا