فى انتظار رد سعادتك على سعر العلبة ر
بالنسبة للابولو
انا عارفه و فعلا نفس الفكرة بس بصراحة ما شفتوش بعينى علشان كده انت ادرى بنقطة الخامات دى
بس انا عندى وجهة نظر كده فى الفلاتر للعربيات اللى فيها تربو و عايز حد من الاخوة الاعلى خبرة يفكر معايا فى الموضوع ده و يعلق عليه
البيجو ال ار سى و المينى كوبر نفس الموتور (تربو+سوبر شارجر)
عندى فى الفيات تربو بس و تربو صغير مش كبير
الفلاتر فى العربيات العادية بتعمل فرق فى حاجتين
الاولى هى تخفيف الحمل عن المكنة اثناء شفط الهوا و بالتالى دخول هو اكتر و بطريقة اسهل ... ودى طبعا نقطة معروفة لينا كلنا
التانية و هى تختلف حسب مكان الفيلتر و بالتالى التاثير على برودة الهوا اللى داخل المكنة و بالتالى حدوث انفجار اقوى و قوة اعلى علشان كترة ذرات الاوكسجين مع الهوا البارد
بالنسبة للتربو
الهوا اللى بيدخل العربية مشحون عن طريق التربو كده كده بيكون سخن علشان سخونية التربينة بتاعت التربو بتسخنه و تولع فيه كمان و بالتالى مش فارق مكان الفيلتر و لكن بتفرق نوعية الفيلتر و قدرته على تسهيل سحب الهوا من قبل التربو و بالتالى سهولة دخوله المكنة علشان كده العبرة بوجود مبرد داخلى من عدمه