-
منع دخول الهواء للعربية
السلام عليكم
عندي عربية 28 ياجماعة موديل 83
عندي مشكلة عربيتي زي كل العربيات القديمه بتبقى مش محكمة قوي يعني بتدخل هوا من بين الأبواب
ياتري الموضوع ده ممكن يكون ليه حل اللي عنده حل يدلني الله يكرمكو عشان الدنيا سقعه جدا اليومين دول
الحاجه التانية هل لو غيرت مساعدين العربية بمساعدين جداد مونرو مثلا هاتكون العربية أنعم على المطبات لأني بحس اني ماش فى الشارع لما اخش شارع فيه مطبات
-
اولا" بنسبه للابواب هات الكوتش الابواب بتاع البيجو 504 حيحكم الابواب شويه
ثانيا" بنسبه للمساعدين معظم اراء اخواننا الكرام في المنتدى ان المنرو مساعدين ناشفين انتظر اراء اهل الخبره في منتدى الفيات
-
بص يا سيدى
بالنسبة للأبواب عليك بطقم خراطيم باب جديد، هيكلفك فى حدود 100 جنيه تقريبا، وبعد ما تركبه تشوف لو فيه اى تنفيس من بين الباب والخرطوم هتحتاج تستعدل الشفة اللى بيبات عليها الخرطوم علشان تقابس على الباب
اما بالنسبة للمساعدين فعادة لما العربية توصل لمرحلة انها بتشخشخ فى المطبات فمش بتكون المساعدين هى السبب لكن بتكون المساعدين باظت واتنست لحد ما بوظت وراها حاجة تانية
لذلك اكشف على مساعدينك واكشف كمان على علبة الديريكسيون والمقصات ، لأن معظم الخبط فى ال128 بييجى من علبة الديريكسيون، ولو كانت بابظة غيرها ، ولو انت عارف ان مساعدينك بايظة انصح بالمساعدين من نوع مايلى الألمانى ، انعم كتير من المونرو
Content Relevant URLs by
vBSEO 3.6.0 PL2