لو سمحتم انا معايا لانسر بومه 2008 لما بضرب فرامل صوت الكاوتش مع الارض بيصفر ممكن حد يفيدنا
عرض للطباعة
لو سمحتم انا معايا لانسر بومه 2008 لما بضرب فرامل صوت الكاوتش مع الارض بيصفر ممكن حد يفيدنا
حضرتك غيرت التيل فين
او غيرته ابل كدا!!؟
حضرتك الصفارة مش من التيل من الكاوتش لما بضرب فرامل
مش فاهم يباشا ازاي ايه دخل الكوتش ف التيل
التيل بيضرب ف الطنابير مش كدا ؟؟!
الصفارة دى من التيل مش من الكاوتش
التيل خلص
او الجديد اللى ركب نوعة وحش
غير التيل وانت تعرف
شوف التيل ياباشا انتا غيرته ابل كدا
التيل متغير فى التوكيل الكاوتش بيصفر على الاسفلت
اه اه
يعني لما تدوس فرامل بيصفر بس !؟! عادي ياباشا دا
يمكن عشان حراره الجو بيعمل الصوت دا والاسفلت بكون نار
الصرخة اللي بتطلع مع الفرامل بتكون من الكاوتش مش من التيل..
عندي الموضوع دا برضه مع اقل فرملة مع ان الكاوتش ماكملش 15000
ايه السبب في الموضوع دا..
هو ده فعلا قصدى حضرتك
الجو الحر لا اكتر ومتقلقش مفيش خوف وافتكر الكوتش حالته كويسه عشان لو ممسوح اوي مش حيطلع الصوت دا
الف شكر يا جماعة على الردود
يا باشا دية مشكله زوايا بس....كانت عندو و اتحلت لما ظبطت زوايا
مهوا بقولك دا جي من الكوتش مش من المساعد
مع احترامي لكل الاخوة اللي ردو علي الموضوع بس انا شايف ان الكاوتش حالتة مش كويسة وبالتجربة ممكن حضرتك تبدل مكان الكاوتش يعني اللي في الامام تجيبها ورا واللي في اليمين تجيبها شمال 90% الصوت هيروح او هيتنقل مع تبديل الكاوتش يعني مثلا حضرتك بتلاحظ الصوت بيطلع من الفردة الشمال بعد التبديل هتلاقي الصوت ( ده لو لقيته ) طالع من المكان اللي وديت في الفردة دي
اما ال 10 % اللي باقين فدول موزعين علي كذا حاجة منها ظبط الزوايا والطريق لأن انا بلاحظ ان في طرق الكاوتش لازم يصفر فيها وكمان درجة الحرارة بتاعة الاسفلت
طيب وعن تجربه فعلا حصلت معايا هيا حاجه من اتنين تظبيط زوايا واتزان دا اولا والاهم من كدا الكاوتش مقلوب يا باشا اكيد الكاوتش عندك ليه اتجاه وبتاع كاوتش ابن حلال حمار قلبه دى حصلت معايا ولما عدلت الكاوتش الصوت راح تماما والعربيه والسحب بقا ناعم جداااااااااااااااااا
شوف الرسمه اللى فى الكاوتش اكيد ليها اتجاه ومتركب عكس دا سبب الصرخه اللى بتسمعها
جرب وادعيلى
ممكن حاجة من اتنين يا تيل يا اما عايز ظبط زوايا وربنا يوفقك
نفس المشكله وهاجرب ابدل الكاوتش
أنا عندي نفس المشكله و رحت أعمل ضبط للزوايا كذا مره و مفيش فايده رغم ان الكاوتش جديد (دانلوب) و التيل جديد
مش عرف موضوع اتجاه الكاوتش ده يار يت توضيح أكثر من فضلكم
شوف الرسمه بتاع الكاوتش هتلاقيها معكوسه او ممكن تصور لى رسمة الكاوتش واقولك اكسر الدركسيون لاخر وهات صوره واضحه وربنا يقدم اللى فيه الخير دى فعلا حصلت معايا كانت عربيتى بتصفر وواحد صدفه والله قاللى الكاوتش دا مش راكب عدل اتجاهه معكوس افتكرت انا فعلا كنت غيرت كاوتش من حوالى شهر رحت لواحد ومن غير نقاش قلتله اقلبى الكاوتش يعنى اللى جوه بره واللى بره جوه وما اقولكش الدنيا كلها اتغيرت سحب ناعم جدااااااااااااااااااااااا اااا والاهم مبقتش تصفر مع الفرامل دا غير ان العربيه كانت بتحدف طبعا بقت زى الفل وسحب البنزين قل كمااااااااااااااااااااااا اااااااااان وعموما دى تجربتى اتمنى حد يستفيد بيها واكيد دا موضوع معروف وللعلم اللى كانت مقلوبه عندى فردة كاوتش واحده يعنى رسمتها عكس الباقى فكان سهل اعرفها قبل كدا مكنتش واخد بالى
انما تفسير علمى مش هاقدر افيدك
ظبط زوايا واعمل rotation للعجل وظبط ضغط الهوا بتاع الكاوتش .. ان شاء الله الصوت هيروح او ممكن يقل مايروحش خالص عشان طبيعة فردة الكاوتش والطرق كده ... اعتقد لو الكاوتش عندك دانلوب هو احيانا بيصفر مع الفرامل والملفات عادي
الموضوع عندي وعملت كل الي قلتلوا عليه غيرت التيل والكاوتش وظبط الزوايا ورصصت وبرده بسمع صوت
الصوت من الكوتش مش من المساعد اصلا
المشكلة دى بتحصل معايا هو حل من الاتنين اما نوع التيل تعبان اما العجلة فيها تراب من جوة فبيحتك بالتيل فبيعمل صوت التصفير وشوف برده البلى بتاع العجل
الحمد الله يا جماعة الصوت راح انا فى نفس اليوم الى كتبت فيه المشكلة فكرت اقلب الكاوتش عند بتاع الكاوتش بمعنى اعمل x زى ما العضو احمد فعلا قال والصوت اختفى بس الراجل قلى طبعا لازم تعمل ترصيص من الاول