ترشيح زيت ؟؟؟؟؟؟؟

**jojowork1** · 23-06-2010 06:50 PM

معلش يا جماعه سؤال كده في السريع لحسن شكلها خربت عندي وعاوز اعرف ايه بس اللي حصل
العربيه لانوس 2000 رحت غسلت العربيه من فتره الراجل قالي ان الحوض فيه زيت كتير كنت فاكر انه من التكيهات عشان كان بيرشح عندي وغيرت الجوان من فتره وخلص الموضوع بس بعد كده لاحظت وجود زيت علي حساس الحراره اللي في المتور تحت الموبينه مسحته كنت فاكر انه ما اتغسلش كويس عشان مكان مختفي شويه المهم ببص لقيت ترشيح زيت تاني وكل ما امسحه الاقي تاني لدرجه اني لما حطيت ايدي لقيت زيت زي اللي في المتور نقطه نازله علي ايدي بس مقدرتش احدد من فين ده غير اني ملاحظ ان في تبخير زيت كده تحت البوجيهات خاصه من ناحيه الموبينه برده يعني تحت بوجيه رقم 4 وليه اثار علي الجير بوكس
انا بغير زيت في الميعاد وفلتر وكله تمام وبغير بزيت موبيل 3000 كيلوا وقربت اغير قريب والزيت تقريبا مش بينقص عندي ولا حاجه او لو بينقص يبقي حاجه غير محسوسه خالص

**daewoo909** · 23-06-2010 07:26 PM

اهم الموضوعات
الصفحة الثالثة
تجربتى فى تغيير اويل سيل الموبينة
للدكتور bat

**solom_eslam_2008** · 23-06-2010 11:12 PM

متخفش دي حاجة بسيطة جداااااااااا وفي كل الدايو في استك ور الموبينة الاستك دة بينشف فا بينزل زيت من روا الموبينة المووضوع كدة مايخدش 5 دقايق فك وتركيب

**jojowork1** · 24-06-2010 12:37 AM

شكرا يا انا دخلت فعلا علي الموضوع بتاع الاويلسيل وشوفت طريقه التغير بس المشكله اني لما سئلت عليه قالي قولي مقاس يعين مش معروف بس كل المقسات موجوده ياريت لو حد يعرف مقاسه يقولي بدل ما افك العربيه واروح موصلات اجيبه
شكرا