الموضوع: وقفة ضد الإنقظاع المستمر والمتعمد للكهرباء

المشاركة الأصلية كتبت بواسطة mohamed.raafat

يا جماعة انا والدي بيشتغل في الكهرابء في مبنى التحكم هنا في اسماعيلية

المهم بيقولي على السبب الرئيسي ورا موضوع الكهرباء

اساسا مصر من 20 سنة كان فيها عدد من محطات توليد الكهرباء
و لحد دلوقتي نفس العدد هو هو و مفيش حاجة جديدة اتبنت
و طبعا الاحمال من 20 سنة كانت اقل بكتييييير من احمال دلوقتي
فهما بيلجئوا انهم بدل ما يبنوا محطات جديدة عشان تواجه الحمل لأ يقطعوا الكهرباء عن الناس ( و على المضطر اللجوء للقضاء )
و طبعا موضوع انقطاع الكهرباء بيحصل على الناس الغلابة بس
استحالة تلاقي الكهرباء مقطوعة عند واحد كبير ولا منصبه عالى حبتين

و والدي عالطول بيحكيلي انهم بتجيلهم اوامر انهم ما يقطعوش الكهرباء على فلان بيه عشان شغال فين و علان بيه عشان قريب مين
حاجات بقت بجد مستفزة

بجد انا لما بسمع منه الحاجات دي دمي بيشيط و دماغي بتغلي
بس مش هعرف اقول غير
حسبي الله و نعم الوكيل في كل مسئول بيضيقها على الناس و فاكر انه متعين في مال ( والده ) و هو بيتكرم على الشعب و بيديه منه

حسبي الله و نعم الوكيل

كلام مظبوط 100%

يا جماعة الموضوع مش من الموظفين بتوع شركات توزيع الكهرباء
فيه حاجة اسمها التحكم الأقليمي و دا عبارة عن مجموعو من محطات التحكم موزعة علي الجمهورية كلها وظيفتها نها تراقب الشبكة الكهربية في مصر و اللي بتتكون من محطات توليد و محطات محولات و أحمال
طيب فين المشكلة بالظبط ؟؟
المشكلة زيما قال اخونا محمد رأفت علي لسان و الده ان الدولة معملتش حسابها لللأيام دي و معملوش محطات توليد زيادة عشان تقدر تواجه التزايد في إستهلاك الكهربا في البلد خصوصا في الأيام دي مع زيادة الأحمال بصورة رهيبة جدا جدا بسبب التكييفات و المراوح و غيره من أحمال كهربية و خصوصا مع زيادة التكنولوجيا اللي أدت الي استخدام الكهربا في كل حاجة
المسؤولين نايمين في العسل طبعا ما فيش خطة او اجندة محددة زي اي دولة محترمة في العالم تعمل حساب لتزويد محطات التوليد عشان تستوعب زيادة الإستهلاك يجي وزير و يمشي وزير و لا جديد و لا خطة و لا تطوير و لا استغلال لموارد البلد بطريقة علمية و لا اي حاجة
يعني مثلا احنا في مصر مفكرناش ابدا اننا نستغل الطاقة الشمية خالص مع اننا من اكتر الدول تميزا بيها
يعني مثلا القري السياحية و المنتجعات اللي بتتبني من فلوس البنوك اللي هيا فلوس الشعب ليه تاخد كهراب مدعمه مع انهم المفروض يعملوا محطات كهربا خاصة بيهم و لمفروص كمان يستغلوا الطاقة الشمية الرخيصة جدا و الكلام دا يكون تحت اشراف الدولة

كمان عندك المصانع اللي كل يوم بتتبني و لا حدش عامل حساب انها محتاجة كهربا
طبعا مصانع الأسمنت و الحديد و السيراميك و يرها كتير من المصانع اللي بتحتاج كهربا كتيرة و طبعا اصحاب المصانع دي من الصفوة بياخدوا كهراب من البلد ببلاش مقارنة بالأسعار العالمية و طظ في الناس طالما البشوات بيكسوبا و بيظبطوا المسؤولين
طبعا اول ما الأحمال تزيد يقطعوا الكهراب عن الشعب عشان المصانع متتأثرش و الإنتاج يتعطل و المكاسب تتأثر و العمولات و الذي منه للسادة المسؤولين

و كمان الأسوأ زي ما بيقول أ/محمد انه فيها كوسة و محسوبية بطريقة مستفزة جدا يعني بيعملوا حسابهم لما يقطعوا الكهراب عن منطقة ما يكونش فيها فلان بيه و لا علان باشا المسوؤل الكبير عشان ما نقلقش سعادتة و نضايقة
و ملعون ابوا باقي السعب

يا جماعة خلاص البلد دي مش بتاعتنا
عجبني تعليق واحد في موضوع مش فاكر هنا و لا في مكانتاني بيقول
" يا ماعة مصر خلاص بتقفل و بتجيب درفها الكل يهرب احسن تقفل عليه "

بجد البلد خربانة و النهاية قربت خلاص

معملوش محطات توليد زيادة عشان تقدر تواجه التزايد في إستهلاك الكهربا في البلد خصوصا في الأيام دي

هوه مش كان الريس افتتح محطة توليد كهربا و قالوا ان انتاجها يفوق انتاج مولدات السد العالي ؟
كانت 10 مليون كيلو وات تقريبا ؟!