ممكن لنك عن موضوع الحادثة ؟
عرض للطباعة
ممكن لنك عن موضوع الحادثة ؟
الخبر كان على مصراوى و من تقرير المرور انه كان على 180 تخيل !!
http://www.masrawy.com/News/MidEast/...?ref=extraclip
http://www.masrawy.com/News/Cases/Ge...onsy_fire.aspx
السرعه قاتله
وبرضه متعه غريبه
انا عن نفسى والله دافع مخالافات فى السعوديه بعد ما طبقوا نظام ساهر الله يحرقه ودى كاميرات موجوده فى الشارع بتلقط المخالفات بلا فخر 1400 ريال ومن ساعتها وانا ماشى ع السرعه المقرره واقل منها كمان زى البوبى
thnx for the link. بس يا جماعه هيا مش غريبة شوية أن عربية تعمل كل دا ؟؟ حتي لو كانت ماشية كام
الصورة اللي أنا شوفتها مش منطقية بالمرة أن كل الدمار دا يكون بسبب عربية.!
http://productnews.link.net/general/...0/tonsi3_L.jpg
ومين اللي قال أنها كانت سيراتو ؟؟
ربنا يغفر ويرحم الناس اللي أنضرت في الحادثة دي واللي كانو في العربية.
الإلتزااام بالسرعة هيقلل نسبة الحوادث بصورة كبيرة
لو تقرير المرور كاذب و مزود السرعه هنقول انه كان ماشي علي 140 كم الله يرحم اللي كانوا فيها جميعا
هل دي سرعه جوة بلد مش ممكن ابدا حرام اللي الناس بيعملوة في نفسيهم و ف اهلهم دة
الاقي ناس اصحابي تقولي دة انا كنت سايق علي 160 و مراتي جنبي قاعده في الدواسه او اصحابي كانوا بيعيطوا علشان اقلل السرعه طب ايه الشجاعه في كدة يعني انا مش سايق طايرة و لا دبابه رايح احارب بيها الصهاينه مثلا
العربيه هي وسيله انتقال من مكان لأخر و محبي السواقه و السرعه يطلعوا علي الطريق السريع او طريق مفيهوش بني ادمين يعملوا اللي هما عاوزينه
اسمحوا لى ان اضيف رائى المتواضع
1- اغلب الحوادث اللى بتحصل بسبب خطأ بشرى - يعنى مش مهم نوع العربية .
2- عدم وجود مرافبة مرورية علي الطرق - يعنى كل واحد يعمل اللى هو عاوزة .
يعنى باختصار اللى بيقولة تقرير المرور دا اية عرفنا انة صح ولا غلط ممكن يكون ماشى علي 60 ك/س هو حد شايفة او مراقبة , و فى شهود عيان بيقولوا ان العربية كانت نازلة من فوق الكوبرى مشتعلة و انفجرت اول لما خبطت فى الارض - الله اعلم طبعا .
باختصار فى التانى السلامة و فى العجلة الندامة و ربنا يستر
الموضوع غرضى منه التحذير من السرعه المبالغ فيها عموما و خصوصا فى حالة غياب الوعى سواء عند السائقين او المسؤلين مهما كان نوع السياره .
فى السرعه الفيرارى زيها زى ال128 اذا كانت هذه هى حال طرقنا و لا اقصد السيراتو فانا من مالكيها و بعد استخدام سنه راضى عنها تماما من جميع النواحى
و الجدال حولها تماما كمثل الشجره المثمره لانها سياره منافسه فعلا من جميع النواحى
كتير اوي 180 !!! بس معتقدش انه يجيب 180 لانه علي كوبري وعادة السرعات فوق الكباري مبتكونش عاليه اوي !!
هو السؤال لا على السيراتو لا غيرها السؤال ليه السرعه اصلا فى شوارع مش مؤهله ولا عربيات مؤهله و لا ناس مؤهله؟؟
و الناس بتستغرب من ايه الحوداث ؟؟..السرعه بقت فكره و مرادف انت بتجرى يبقى انت محصلتش و مفيش منك اتنين مع ان الفكره انك تفرم دواسه البنزين تحت رجلك ..دى بقى المهاره و الشجاعه ؟؟ فى كام واحد مات له حد قريب فى حادثه؟ اللى يغيظ فعلا انه تلاقى ناس بتدافع عن حقها الطبيعى انها تقفل العداد؟؟ هو بجد البلد دى كده و ارواح الناس لعبه ؟؟ و لا هو خلاص الواحد
ينزل كل يوم الصبح و يتشهد قبل ما يعدى الشارع ؟؟ انا يا جماعه شايف انه احنا نبدا بنفسنا و نبطل نتكلم عن السرعه من اساسه مش عارف تتعمل ازاى فى منتدى سيارات بس على الاقل متبقاش فى مواضيع مخصصه لاسرع لفه بين مصر و اسكندريه و لا جبت سرعه اد ايه فين.. لان بصراحه دى حاجه تحرق الدم