الموضوع: خايفة اسوق في مصر !!

المشاركة الأصلية كتبت بواسطة Miss_Pharma

انا خايفة اسوق في مصر !!!!!
اه والله ..
يعني الحمد لله انا بسوق بره بقالي سنة او اقل من سنة
وماشي الحال يعني .. مش حريفة بس بعرف اسوق وبمشي جنب الحيط وبروح كل حتة وبسوق في الحر والبرد والمطر والتراب والحياة كويسة ..

من ساعة ما جيت مصر خايفة جدااااا اسوق
لسببين
اول سبب انا عربيتي هناك كانت بيجو 206 صغنونة وبسلك بيها في اي حتة
هنا العربيتين اللي موجودين واحدة سوزوكي sx4 والتانية دايهاتسو قديمة
الاتنين كبار وعاليين والابعاد بتاعتهم عملالي مشكلة
السبب ده مش مهم .. بالتعود هعرف اتعامل مع حجم العربية واحفظ ابعادها ..

السبب التاني بقى والمشكلة الاكبر .. هي ان السواقة هنا مش سواقة
دي اقل ما يقال عليها حرب بالدراع وبلطجة وقلة ذوق وعدم التزام ..
معلش اني بقول كده .. اكيد فيه ناس محترمة وعندها ذوق وملتزمة .. بس تعمل ايه ابرة في كوم قش ..
اذا كان فيه 1 ولا 10 ولا حتى 100 عندهم ذوق .. بقيت ال 80 مليون متشردين وبلطجية

الناس بتقولي مهو كل الناس بتسوق عادي .. هتتعودي .. بالممارسة ..
بس مش عارفة ليه خايفة جداااااااااا اخد الخطوة دي ..

ده انا والله ببقى راكبه مع حد من اخواتي واعصابي بتبقى بايظة وعيني في وسط راسي وبكتم نفسي من اول لما العربية تتحرك لحد لما نقف عشان اعرف اخد نفسي ..

ايه ده .. هو فيه كده ؟؟؟؟ اي حد بيرمي نفسه في اي حتة .. اشارة حمراء خضراء بنفسجي اللي عايز يعدي بيعدي ..شارع اتجاه واحد يقلبوه 3 اتجاهات ( ازاي معرفش ) حتى الركنة بقى فيها افتكاسات والناس بتركن على شريط مترو مصر الجديدة .. حتى الشارع العريض اللي فيه 3 حارات تاخد 3 عربيات .. بيقلبوه 7 حارات .. واي حد بيلاقي اي فسفوسة فاضية بيحشر نفسه فيها منغير مايفكر هيحصل ايه بعد ما يحشر نفسه !!!

انا من ساعة ما جيت وانا كارهة البلد والناس كل حاجة ..
انا والله زمان كنت بحب مصر اوي ..
بس دلوقتي بجد انا مش طايقاها ..
مش عايزة افتح في مواضيع تانية من قرفي وزهقي .. لاني لو فتحت عايزة اربع صفحات عشان اقول اللي جوايا ..

شوفى انا حاجيب ليكى من الاخر
السواقين فى مصر اقصد معظمهم يخافوا ما يختشوش
لما بتلاقى عربية نقل او نص نقل او اتوبيس تلاقى الناس بتوسع من قدامه .. لان البقاء للاقوى و اللى تقدر يعمل دمار شامل للى حواليه
و انا شايف انك لحد ما تتعودى تركبى ال sx4 بس بشروط:
1: هى تعتبر زى الماتريكس و الفيتارة و الشيروكى .. عنى عالية
2: تركبى لها فيندرات امامية و فندر الشيروكى الخلفى اللى زى الماسروة لان شكلة احسن من بتاع الماتريكس و اشيك .. و كمان تركبى الفندرات الجانبية
3: حتلاقى كله بيوسع من قدامك لانك لو لمستى حد فيهم حاتضريه
4: و بما ان معظم اللى حواليكى يخافوا ما يختشوش
5: و بما ان البقاء للاقوى
6: حتلاقى نفسك معاكى حصانة و ماحدش حايقرب منك
7: و حتلاقى انك مش محتاجة للكلاكس او الفرامل .. لان الكل حايوسع
جربى الموضوع ده و ادعيلى .. انا صاحبى كان عاملها فى شيروكى .. و كان مبدئه الجزاء من جنس العمل .. يعنى اللى حايتغابى مايلمش اللا نفسه

المشاركة الأصلية كتبت بواسطة mrsailor

شوفى انا حاجيب ليكى من الاخر
السواقين فى مصر اقصد معظمهم يخافوا ما يختشوش
لما بتلاقى عربية نقل او نص نقل او اتوبيس تلاقى الناس بتوسع من قدامه .. لان البقاء للاقوى و اللى تقدر يعمل دمار شامل للى حواليه
و انا شايف انك لحد ما تتعودى تركبى ال sx4 بس بشروط:
1: هى تعتبر زى الماتريكس و الفيتارة و الشيروكى .. عنى عالية
2: تركبى لها فيندرات امامية و فندر الشيروكى الخلفى اللى زى الماسروة لان شكلة احسن من بتاع الماتريكس و اشيك .. و كمان تركبى الفندرات الجانبية
3: حتلاقى كله بيوسع من قدامك لانك لو لمستى حد فيهم حاتضريه
4: و بما ان معظم اللى حواليكى يخافوا ما يختشوش
5: و بما ان البقاء للاقوى
6: حتلاقى نفسك معاكى حصانة و ماحدش حايقرب منك
7: و حتلاقى انك مش محتاجة للكلاكس او الفرامل .. لان الكل حايوسع
جربى الموضوع ده و ادعيلى .. انا صاحبى كان عاملها فى شيروكى .. و كان مبدئه الجزاء من جنس العمل .. يعنى اللى حايتغابى مايلمش اللا نفسه

طيب و دي طريقة ..... أحنا مش في حرب و لا معركة
ياجماعة انتوا نسيتوا ان القيادة : فن - ذوق - أخلاق

مش ممكن يكون ده المبدأ العين بالعين و السن بالسن لأن كلنا هانخسر
الواحد قبل كل شئ بيراعي ضميره و بيعامل ربنا لأننا ماشيين علي أرع عجلات و عايزين ربنا يسترها معانا

مش كده و لا أيييييه

[quote=miss_pharma;
انا من ساعة ما جيت وانا كارهة البلد والناس كل حاجة ..
انا والله زمان كنت بحب مصر اوي ..
بس دلوقتي بجد انا مش طايقاها ..
مش عايزة افتح في مواضيع تانية من قرفي وزهقي .. لاني لو فتحت عايزة اربع صفحات عشان اقول اللي جوايا ..[/quote]

على فكرة دي مشكلة كل اللي عاش خارج مصر فترة من الزمن انا والله بقالي سنة راجع من السعودية ولحد دلوقتي مش طايق البلد والمشكلة اللي مضايقاني اكتر هما ولادي مع ان اكبرهم في رابعة ابتدائي الا ان كلهم دايما يقارنوا بين مصر والسعودية في كل حاجة من اول النظافة لحد المياه اللي بنشربها مرورا بكل حاجة ممكن تتخيلوها
أقول ايه الله يهدي مدير المخروبة الحكومية اللي انا شغال فيها في مصر ويسمح لي بالسفر تاني حاكم هو الله يسامحه اللي رجعني والا كان هيفصلني طيب وماله ما كان فصلني بس اقول ايه ان فاتك الميري الله ياخده (قصدي الميري مش مديري) هو انا بقول ايه شكلي كده هيست أيييييه قلبتوا على المواجع

[QUOTE=SE_coralsea;3872791717]طيب و دي طريقة ..... أحنا مش في حرب و لا معركة
ياجماعة انتوا نسيتوا ان القيادة : فن - ذوق - أخلاق

كانت

مش ممكن يكون ده المبدأ العين بالعين و السن بالسن لأن كلنا هانخسر

الواقع بيفرض كده

الواحد قبل كل شئ بيراعي ضميره و بيعامل ربنا لأننا ماشيين علي أرع عجلات و عايزين ربنا يسترها معانا

بس لازم يبقى عندنا سلاح ردع على راى الفنان حسن حسنى

واللى بقوله نتيجة لتجربة شخصية .. من فترة كان عندى تريللا .. كنت باسوقها دلع يعنى .. فرق كبير و انت ماشى بيها و لما تسوق عربية ملاكى احساس مش ممكن وصفه .. تلاقى حتى الميكروباصات و اللى عاملين فيها بلطجية و اسود بيجروا قدامك زى الصراصير .. انت بس تفقع السرينة و تدوس جاز و تسمى وتخش .. و الراجل يقف قدامك

لا بكره ح تتعودي عادي يعني كلنا كنا كدا