الموضوع: اقصى سرعه ممكنه

205 كم\ساعه نيو سيراتو هاى لاين من غير بصمه 2010 1- طريق مصر اسكندريه الصحراوى 2- الطريق الدائرى القاهره .
مرتين فقط فى حياتى الاولى قاصدها لتجربه الموتور و الثانيه for fun
مش هعمل كده تانى لانى كنت خايف اوى اصل دى اول مره اجرى اصلا فى حياتى و كرهته الحمد لله عشان شفت عربيات كتير مقلوبه نقل و تريلات و ملاكى و ميكروباصات تويوتا الجديده (الطرق ده مخلاش ,الناس كلها بتجرى جرى موت عليه )
الان اقود الساره بسرعه 100 كم \ساعه اقصى حاجه فى السفر و فى الحاره الوسطى.
100 كم\ساعه فى اى عربيه بتحس انك بتمشى بالتصوير البطىء و تقدر ان شاء الله تتحكم فى العربيه تمام(طبعا العربيه ثباتها بسم الله ماشاء الله عالى و كمان باخد الملفات زى بتوع فورميولا 1 بقسم الملف على جزئين فممكن اخد اى ملف باى عربيه بسرعه و لا كانى فى ملف اصلا و الحمد لله بطلت جرى ,لانى كنت بجرب فقط و بسيب مسافه اههههههههههه كبيره اوى بينى و بين اللى قدامى و بشوف من زجاج اللى قدامى الطريق اه ظروفه عشان لو هاخد غرزه و كمان لو اللى قدامى فرمل مره وحده.

اسوأ موقف حصلى على السرعات العاليه
كنت مستعجل و بجرى على طريق مصر اسكندريه الصحراوى بليل متاخر طبعا و عديت من جنب نيو سيراتو زى عربيتى بالظبت و اديته كلكس (كان قصدى زى السلام عليكم فقط و الله )لقيته بيشد معايا جرى موت و فهمنى غلط اغلب الطريق و خد 170 ملفات و 190 طوالى اصل الهوا كان شديد موت و المصيبه انه كان لازق ورايا عدل زى منكون وقفين فى اشاره ,انا قلبى وقف موتت منه و كمان باخد غرزه على السرعه 180 من وسط عربيتن تريلات فى حته طوالى و برده الباشا لازق ورايا و ضارب الزينون و مش همه .لقيتلك فجاه بعد لما دخلت بين التريلتان عربيه بيجو 7 راكب بتدخل اصادى و الباشا ضارب الزينون و مش شايف حجه من ورايا (انا قلت فى نفسى انا قبرى هنا و خلاص ميت ميت ..........فى اللحظه دى افتكرت موضوع كنت شفته هنا على المنتدى عربيتين ليموزين كرولا و سيراتو جداد كانو ا بيشدو مع بعض و لبسوا فى بعض فى الاخر و انقلبوا و اللى فيهم ماتو و كانت السيراتو هى اللى قدام زى حالتى بالظبط و التانيه خبطه من ورا زى ما كان هيحصل معايا بالظبط .
والحمد لله ربنا هدانى انى رعشت نور و كلاكسات جامد للبيجو و شعرت فرامل خفيف و البيجو كان فقط دخل بربع عربيته لقاته الحمد لله اخد شمال جامد بسرعه الحمد لله و انا خدت يمين مع كبس بنزين على الاخر و الحمد لله ربنا نجانى ,و فى اللحظه دى مش عارف السيراتو اللى ورايه كانت فين اصل انا كنت مرعوب و مركز فى اللى قدامى و الموقف اللى زى الزفت . انا قلبى وجعنى بجد ( و كنت حاسس انى فى فيلم رعب او كابوس مش عارف اصحى منه .
و لما وصلت للكارته هدانا عشان المطبات لقاته شاب سعودى و مروش العربيه اوى زينون و حجات تانيه كتير (قالى اول مره اشوف واحد مصرى بيسوق جامد كده ) اصله معرفش يعدى منى خالص ,اصل انا فاتح الموتور و بعمل صيانتى الدوريه بنتظام ,)ميعرفش ان انا جديد لسه و انا عنايه ربنا هى اللى انقظتنى عشان الظرف اللى انا كنت نازله و مستعجل عشانه .
فى الاخر الجرى وحش جدا .
على الاقل مش هجرى تانى عشان خاطر اسرتى و الناس اللى بحبهم و كمان عشان محرقش دمى ,ربنا يسترها علينا كلنا و يرحمنا برحمته محدش يجرى تانى .
و الحمد لله ان فى رادار نخاف منه .
و السلام ختام

المشاركة الأصلية كتبت بواسطة ahmedfouad

والله ما قصرت

طبعاً بشكر حضرتك على الاعتراف بأن السرعة فى منتهى الخطورة عليك وعلى غيرك وهنا يظهر العقل السليم الناضج

فلو السرعة الجنونية تؤثر فقط على القائم بها لما تدخل احد ولكن القصد انى ممكن اسوق بسرعة وانت تمشى فى سلام واطيح بسيارتك او بسيارات الاخرين وقد اتسبب فى قتل احد او قتل نفسى او احداث عاهة فى الاخرين

وكل ما اقرأ اسم اى موضوع اقصى سرعة جبتها كام وفين والكلام ده بحس بالاستهتار و بعتبرها دعوة الى الغير لتجريب عربياتهم فى الوصول لاقصى سرعة ليتباهى بها على صفحات المنتدى

فلنتق الله جميعاً لان الوفاة لا قدر الله فى حادثة على هذه السرعة ما هى الا انتحار وسوء خاتمة والعياز بالله

ولو انا منصحتش حضرتك يبقى مش بخاف عليك كمسلم واخ
والله اعلم

++++++111111111111111111111111

خد الحته دى
فى السرعه الهلاك
و بيعلى الاستهلاك
و يا فتى كفياك
انك بتتنفس هواك
و ربك هداك
للبعد عن الهلاك
و اللى مش شايفاه عنيك
الهى رب العرش يحميك