ناوى اشترى الجيتز ايه رايكو؟

**ABDULLAH AHMED** · 25-06-2010 01:22 AM

بص يا سيدي ده رد ليا لاحد الاعضاء لما سالني على العربية

العربية معايا من شهر 10 وعامل 13000 كيلو
العربية ما شاء الله عليها حلوة اوي بس مش لعيلة
هيا عربية شبايي يعني المساحة الخلفية كويسة بس ديقة شوية يعني لما يقعد معايا اهلي في العربية لازم ااقدم الكرسي بتاعي ممكن عشان انا طويل شوية (189 سم ) بس عموما 5 افراد بيقعدوا في العربية من غير مشاكل ومش حتحك في مطب خالص عشان هيا اعلى من الفيرنا بمراحل
دي اهم نقطة في المساحة الداخلية

تاني حاجة بالنسبة للثبات العربية انا سافرت بيها الغردقة والعين السخنة ما شاء الله عليها عربية ثابتة انا ما جبتش فوق ال 160 بس اقدر اقولك في طريق السفر العربية لحد 150 الثبات حلو اوي
فانت لو سواقتك هادية او حتى لو بتحب السرعة اوقات فالعربية دي ممتازة في الحالتين
والثبات ممكن يزيد مع الجنوط وده اللي حعملوا قريب ان شاء الله

تالت حاجة الشنطة مساحتها حلوة مش كبيرة ولا صغيرة
تشيل شنطتين وسط او شنطة كبيرة

استهلاك العربية تقريبا كل 100 كيلو 10 ليتر وتقريبا بتاخد من 40 ل 45 ليتر بنزين

التكييف بتاعها حلو اوي اوي انا في الاول بشغلو على درجة 2 وبعد كده على 1 على طول والتكيف تاثيره خفيف على السحب

شوف يا باشا لو حابب تعرف اي حاجة تانية انا تحت امرك
وان شاء الله تبقى جيتزاوي معانا

**placebo_sh82** · 15-07-2010 04:04 AM

طيب انا سمعت انها بتسخن اوى هل ده صحيح؟

**alihussien2** · 15-07-2010 11:37 PM

الجيتز ما بيسخنش؟ انا عندي النترا وليا اصحاب عندهم جيتز بيشكروا فيها جداااااااااا

**M.Radwan** · 17-07-2010 07:11 AM

الجيتز من أفضل العربيات اللى نزلت مصر من هيونداى
فتوكل على الله لو عايز عربية شبابي
انما لو عايز عربية عائلية، يبقى هات اللوجان،

**megaman** · 17-07-2010 03:27 PM

ليه ما تفكرش فى الاكسنت ممتازه والفرق بينما وبين الجيتس قليل

**placebo_sh82** · 18-07-2010 02:54 AM

شكرا على مساعدتكم بس انا كنت عايز اعرف اخبار قطع الغيار...

**ADELHASANALSHAAIRYN6** · 06-08-2010 08:25 PM

فى مصر ادى ظهرك للعربيات الرينو واجرى سيبك منها علشان لاتندم - رقم 1 فيرنا بالنسبة لقطع الغيار والاتساع سيارة عائلية محترمة - رقم 2 الجيتس برغم انها افضل سيارة كورى الان لكنها شبابى اكتر - اما الدايو اللى سموا خط انتاجها شيفروليه لازم تعرف ان شركة دايو اساسا بتصنع راديو وادوات كهربائية منزلية وسكة السيارات دى مش سكتهم خالص حتى ولو سموا خط الانتاج مرسيدس - مش فاهم منصور شال الليلة دى لمصلحة مين ؟؟

**placebo_sh82** · 06-08-2010 09:26 PM

انا كنت خلاص هحجزها بس لقيتها غليت 3500 جنيه مرة واحدة....مش عارف افكر فى ال i 10مثلا ولا ايه

**gazzar91** · 07-08-2010 12:31 AM

المشاركة الأصلية كتبت بواسطة adelhasanalshaairyn6

فى مصر ادى ظهرك للعربيات الرينو واجرى سيبك منها علشان لاتندم - رقم 1 فيرنا بالنسبة لقطع الغيار والاتساع سيارة عائلية محترمة - رقم 2 الجيتس برغم انها افضل سيارة كورى الان لكنها شبابى اكتر - اما الدايو اللى سموا خط انتاجها شيفروليه لازم تعرف ان شركة دايو اساسا بتصنع راديو وادوات كهربائية منزلية وسكة السيارات دى مش سكتهم خالص حتى ولو سموا خط الانتاج مرسيدس - مش فاهم منصور شال الليلة دى لمصلحة مين ؟؟

حضرتك قلت كلام أحب حضرتك توضحهولي أكتر لو أنا فاهمك غلط؟؟
أنا ركبت كوري و ندمت اني ماجبتش رينو.
الفيرنا ضيقة بالذات لو حد طويل اللي سايق..
متفق معاك بالنسبة لأن الجيتز شبابي.
شركة دايو موتورز خرجت عربيات محترمة جداً بالنسبة لكونها كوري و ده مش هزار لكن اللانوس فعلاً عربية سيئة (بعيداً عن ثقافة السوق العجيبة)
منصور شال ليلة ايه؟؟؟

بانتظار اجابة
في رعاية الله...