ياجماعه محتار بين الكيا سيراتو العاديه الهاي لاين وكيل - والكيا سيراتو كوبيه خليجي

**goodzila** · 24-06-2010 12:12 AM

السلام عليكم
معلش انا هطول في الموضوع شويه لان استفساري غريب ! واستنتاجي اغرب !
النهارده انا روحت فرع لتوكيل كيا الموجود جنب مديريه امن الجيزه - الدقي
عشان اشوف السيراتو الكوبيه والعاديه
السيراتو الشكل العادي الهاي لاين سعرها 126 الف
السيراتو كوبيه العاديه ( مش الهاي لاين ) سعرها 120 الف
طبعا الكوبيه العاديه مفيهاش حاجات كتير ! وللاسف لما عرفت حزنت جدا لاني كنت ناوي اجيبها
زي مثلا مفيهاش اير باج للكرسي اللى جنب السواق
ومفيهاش فتحه سقف
ومفيهاش سينسور
ومفيهاش فرامل abs
دول اكتر حاجات خلتني مش عايز الكوبيه

لكن استفساري بقي
انا لما سألت في المعارض عرفت ان في خليجي
ولما قريت كتير ع النت ولما سألت كمان الموظف اللى في التوكيل
قالي ان الخليجي ملوش ضمان من كيا والعربيه لو حصل فيها حاجه هما مش ملزمين بيها في توكيل كيا
في حين اني لما كنت في المعرض الراجل صاحب المعرض اكدلي تماما ان الخليجي بيتصلح في التوكيل عادي ومفيش اي مشكله وقالى انه مستعد يروح معايا للتوكيل بنفسه ويخليني اتأكد ! وقبل مادفع اي جنيه حتي !
طيب انا دلوقتي اصدق مين ؟!!!
وغير كده كمان الكوبيه الخليجي بـ 126 الف هل دي بقي بتكون الهاي لاين ؟ ولا عاديه ؟!!!
لان لو عاديه يبقى الوكيل ارخص لانها بـ 120 في التوكيل
لكن لو الهاي لاين كوبيه تبقي في المعرض ارخص لانها بـ 126 في حين ان الهاي لاين كوبيه في التوكيل بـ 138 الف
وكمان مش متوفره لازم بالطلب واقعد شهرين علي مايجبوها !
منتظر رأيكم واسف علي التطويل وتنصحوني بأيه
لان لو كده هكون مضطر اني اضعف ادام الاوبشن اللى في السيراتو العاديه الهاي لاين اللى بـ 126 لان الاوبشن فيها عالي جدا

**goodzila** · 24-06-2010 11:32 AM

منتظركم يا شباب

**bolok** · 24-06-2010 11:42 AM

الصديق العزيز ... انا للأسف مش حقدر أفيدك في الكوبية كتير ,,, بس اكيد اللى 126 الف خليجي فيها اوبشنز اكتر بكتيررر من اللى 120 الف في التوكيل ...
تاني حاجة التوكيل لا يقبل الخليجي وليس لها ضمان عنده .. بس لو دفعت 4 الاف جنية للتوكيل يقبل صيانة الخليجي فقط وليس ضمان ضد عيوب الصناعة .. ولكن يمكن شراء ضمان للخليجي من شركة أمان الشرق بمبلغ 1500 جنية تقريبا
بالتوفيق ان شاء الله لك

**goodzila** · 24-06-2010 12:35 PM

طيب ماهو لو انا جبت الخليجي اللى بـ 126
ودفعت 4 الاف للتوكيل
ودفعت 2000 جنيه تقريبا عشان الضمان من شركه امان الشرق
يعني تقريبا 132 الف
عملت انا ايه بقي طب ما ازود كمان 3 واجيب الكوبيه هاي لاين من التوكيل نفسه هههههههه :d
حيرتني اكتر بصراحه ياباشا والله هههههههه

**bolok** · 24-06-2010 01:05 PM

هي حاجة محيرة فعلا
بس في ناس بتجيب الخليجي وبتتوكل على الله ومش بتجيب ضمان وبتعمل صيانة في مراكز بره التوكيل زي تكنو وان مثلا ..
الموضوع في مخاطرة اكيد علشان عيوب الصناعة طبعا بس الفرق كبير في السعر
استخير وربنا يعملك الخير

**goodzila** · 25-06-2010 01:17 PM

الخليجي مش ضامنه وكمان حرام احط فلوس في عربيه مش مضمونه بصراحه !
طيب انا ممكن اجيب الكوبيه اللى بـ 120 الف اللى في التوكيل
لكن هل حد سمع ان فيها عيوب او مشاكل ؟؟

**ahmedbahi76** · 25-06-2010 04:09 PM

أنا معايا سيراتو سعودي سيدان زيرو اشتريته في اخر ابريل واشتريت ضمان ليها وعملت صيانه الالف الاولى ودلوقتي عامل 4000 كم تقريبا وان شاء الله مستني صيانه ال10000كم .
على فكره السعودي أعلى مواصفات والمواصفات المصري فقيره جدا بالنسبه حتى للاردني
أخوك
أحمد بهي

**goodzila** · 25-06-2010 04:49 PM

طيب وجايب السعودي منين ؟؟
واشتريت الضمان ازاي ؟ والصيانات بتعملها في التوكيل عادي ؟؟

**goodzila** · 26-06-2010 02:24 PM

؟؟؟؟؟؟؟؟؟؟؟؟؟؟؟

**ldsaklf** · 26-06-2010 05:06 PM

انتا متجوز ولا لسه في الاول؟

الموضوع: ياجماعه محتار بين الكيا سيراتو العاديه الهاي لاين وكيل - والكيا سيراتو كوبيه خليجي

LinkBack

أدوات الموضوع

عرض

-

-

المواضيع المتشابهه

ارجوكم اخواني الافاده الكيا سيراتو كوبيه جديده 2011 خليجي ام الجيتا 2010 خليجي

نيو سيراتو وكيل ولا خليجي

استفسار بين سعر النيو سيراتو الهاي لاين في التوكيل و جابر عبد الشهيد

طلب من الأخوة الأعضاء بخصوص نيو سيراتو الهاي لاين

لانسر شارك خليجي هاف سبورت Vs نيو سيراتو خليجي هاي لاين

الكلمات الدلالية لهذا الموضوع

المفضلات

المفضلات

ضوابط المشاركة