مشكلة في سحب لانسر كريستاله ..

السلام عليكم و رحمة الله و بركاته على احلى شباب في احلى منتدى ..
انا عندي لانسر كريستاله موديل 2000 اول يد و الحمد لله .. بس مشكلتها ان السيارة لا تستجيب لدوسة البنزين كما يجب ان يكون ... بمعنى اخر .. ادوسلها تدريجيا مش بتاخد و بعدين تقوم زايده مرة واحده(( بتحرجني في اليوتيرن و الخروج من فرعي لرئيسي احيانا )) .. و مش بدوس لمرحلة kick down .. مع العلم ان السخان ماكنش شغال و رحت لواحد ضبطه و ضبط السلانسيه و نظف الكاربيراتير من غير فك... ما سبب هذه المشكلة...و هل اعادة ضبط الكاربيراتير في التوكيل حل جذري لهذه المشكلة .. و يا ريت اللي عمل الموضوع ده او عانى من هذه المشكلة يفيدني عن التكلفة او يشاركنا خبرته ...
و جزاكم الله خيرا

بص ياباشا انت اول حاجة لازم تشيك عليها الفلاتر والبوجيهات......
بقالهم قد ايه....؟؟

المشكلة عندك يامان فى حاجتين

اولا__ فلتر البنزين

ثانيا____ الكهربة مش مظبوطة


بس انا اشك فى الاول __ فلتر البنزين

بص على فلتر البنزين ممكن يكون عايز يتغير
وكهربه العربيه مظبوطه ولا ايه
يعني العربيه بترجرج معاك ولا ايه واابوجيهات غيرتها امته اخر مره

بالنسبة لفلتر البنزين لسه مغيره من اسبوين بأخر أصلي ... و البوجيهات متغيرة معاه من نوع ngk .. و هل كهربة الموتور هي اللي مسئول عنها الاسبلاتير اللي جنب الموتور و هي دي اللي محتاجه ظبط ؟؟؟؟.. و بالنسبة للرجرجه احيانا بيحصل رعشه بعد التبطيل .. و شكرا على التفاعل

لما بتدوس جامد ومش بتستجيب بتسمع صوت تسقيف خارج من الموتور
ولا الموتور بيخنق معاك وبعدين يفك؟
بتستخدم بنزين كام؟

اقتباس:

---

المشاركة الأصلية كتبت بواسطة hema_lancer

لما بتدوس جامد ومش بتستجيب بتسمع صوت تسقيف خارج من الموتور
ولا الموتور بيخنق معاك وبعدين يفك؟
بتستخدم بنزين كام؟

---

بيبقا في صوت تسقيف .. و الموتور بيخنق بعدين يفك .. بس دا في المشي بس .. بستخدم بنزين 90 و احيانا 92

دا فى معظم الحالات ولا العربية وهية باردة بس

لو العربية باردة بس راجع ظبط كهرباء

مع ظبط التكيهااات

لاكن لو بيحصل والعربية سخنة

برضوا اشك فى فلتر البنزين او فلتر الهواء

لو لسة مغير الفلتر فكة انتا وشوف البنزين اللى نازل من الفلتر لونة الطبيعى


ولا ملوث بشوائب وصداء

صدقنى الحل فى دول

ممكن تقراء الرسالة اللى هبعتهالك على الخاص

أولا استقر علي نوع بنزين واحد ويستحسن 90
وبالنسبه للخنقه كده العبيه محتاجه تظبط كهربا (توطي ويه يعني)

اقتباس:

---

المشاركة الأصلية كتبت بواسطة sonyericsson

دا فى معظم الحالات ولا العربية وهية باردة بس

لو العربية باردة بس راجع ظبط كهرباء

مع ظبط التكيهااات

لاكن لو بيحصل والعربية سخنة

برضوا اشك فى فلتر البنزين او فلتر الهواء

لو لسة مغير الفلتر فكة انتا وشوف البنزين اللى نازل من الفلتر لونة الطبيعى


ولا ملوث بشوائب وصداء

صدقنى الحل فى دول

---

شكرا على التفاعل .. انا مش بمشي الا لما العربية تسخن و لكن لو مشيت و هي بارده يكون السحب مش تمام خالص و اول دوسة تحديدا كأني مدستش فعلا ... و الفلاتر نظيفة و البنزين تمام .. ممكن فلتر الهواء لأنه لم يتغير من فتره لكن انا بنظفه بالهوا كلما اتيحت الفرصه يعني مع الغسيل و تغيير الزيت ..

اقتباس:

---

المشاركة الأصلية كتبت بواسطة hema_lancer

أولا استقر علي نوع بنزين واحد ويستحسن 90
وبالنسبه للخنقه كده العبيه محتاجه تظبط كهربا (توطي ويه يعني)

---

شكرا على الرد .. و دا يمكن اللي أنا شاكك فيه بنسبة كبيره .. بس ممكن حضرتك تقولي تتظبط ازاي .. من الاسبلاتير اللي جنب الموتور ..
و هل دا معناه ان الكاربيراتير الحمد لله تمام ؟؟

زي ما هيما ما قال لحضترتك
طالما في تسقيفه والعربيه لما تبطلها ترجرج يبقي كده كهربه العربيه مش مظبوطه
الرجرجه دي غالبا بتحصل فعلا لما تكون العربيه عاليه
طيب حضرتك ممكن تقولنا ال rpm على كام والعربيه سخنه ؟؟

او ممكن يكون البنزين البك بتاعه مقفول زياده و ده عايز ظبط من الكربراتور

اقتباس:

---

المشاركة الأصلية كتبت بواسطة dr_eshta

شكرا على الرد .. و دا يمكن اللي أنا شاكك فيه بنسبة كبيره .. بس ممكن حضرتك تقولي تتظبط ازاي .. من الاسبلاتير اللي جنب الموتور ..
و هل دا معناه ان الكاربيراتير الحمد لله تمام ؟؟

---

ايوا هو اللي جنب الموتور ده هتلاقي صامولتين 10 ماسكيه فكه سنه صغيره ولفه لتحت سنه بس نصيحه خلي ميكانيكي يعملها علشان بيكون ليها سينس كده هو اللي ممكن يحس بيه

اقتباس:

---

المشاركة الأصلية كتبت بواسطة bmya

زي ما هيما ما قال لحضترتك
طالما في تسقيفه والعربيه لما تبطلها ترجرج يبقي كده كهربه العربيه مش مظبوطه
الرجرجه دي غالبا بتحصل فعلا لما تكون العربيه عاليه
طيب حضرتك ممكن تقولنا ال rpm على كام والعربيه سخنه ؟؟

---

ال rpm مضبوط على 1000 عادي و 1100 مع التكييف ممكن اقل من كده حاجه بسيطه (هل كده مضبوط و لا عالي )
بس فعلا انا شاكك بنسبة كبيرة انها كهربة زيادة .. و شكرا على الرد

اقتباس:

---

المشاركة الأصلية كتبت بواسطة m.aligamal

او ممكن يكون البنزين البك بتاعه مقفول زياده و ده عايز ظبط من الكربراتور

---

مستحييييييل يكون ده السبب .. دا أنا حاسس ان البنزين مفتوح على البحري :) .. شكرا على الرد

اقتباس:

---

المشاركة الأصلية كتبت بواسطة hema_lancer

ايوا هو اللي جنب الموتور ده هتلاقي صامولتين 10 ماسكيه فكه سنه صغيره ولفه لتحت سنه بس نصيحه خلي ميكانيكي يعملها علشان بيكون ليها سينس كده هو اللي ممكن يحس بيه

---

شكرا بجد مش عارف اقولك أيه .. انا كنت مش عارف هو لفوق ولا لتحت :) بس انت عرفتني .. حجرب كده و ربنا يسهل و شكرا جزيلا على التواصل

اقتباس:

---

المشاركة الأصلية كتبت بواسطة dr_eshta

شكرا بجد مش عارف اقولك أيه .. انا كنت مش عارف هو لفوق ولا لتحت :) بس انت عرفتني .. حجرب كده و ربنا يسهل و شكرا جزيلا على التواصل

---

عموما لما تلف هو يا دوب ملي واحد
وعايز تعرف العربيه مظبوطه ولا لأ
زود بنزين جامد مره واحده لو سقف يبقي الكهربا عاليه ولو زودت من غير تسقيف يبقي ظبتط :)

يباشا انا كانت عربيتى البنزين بتاعها مفتوح على الاخر و لما رحت للميكانيكى قفل بك البنزين شويه فخنقت معايا فى الدواره و بترجرج منى بس لما تسخن بتبقى زى الفل و استهلاكها رجع للطبيعى بتاعها 180 او 200 فى 20 لتر
ملحوظه العربيه اوتوماتك و البنزين 80

بعد ازن صاحب الموضوع . موضوع اني ادوس بنزين مرة واحدة وانا ماشي فعلا بيخلي العربية تسقف مع العلم اني حاطط بنزين 810 في مكوة فده من البنزين ولا علي حسب اراء الناس هنا انه ممكن تكون كهربا زيادة او محتاجة ظبط البك او اي حاجة غير البنزين.

ملاحظة صغنونة بس زي مريم السكر ده : ربنا يباركلك فيها ويفرحك بيها علي فكرة هتجيبلك عرسان كتير اوي لما تكبر ان شاء الله لانها ماشاء الله عليها زي القمر بجد وانتا بقي حط رجل علي رجل وعيش دور ابو العروسة الحلوة

بنزين 80 مين قال بنزين 810 ركزو ياشباب بلاش كدة

اقتباس:

---

المشاركة الأصلية كتبت بواسطة dr_eshta

ال rpm مضبوط على 1000 عادي و 1100 مع التكييف ممكن اقل من كده حاجه بسيطه (هل كده مضبوط و لا عالي )
بس فعلا انا شاكك بنسبة كبيرة انها كهربة زيادة .. و شكرا على الرد

---

لا ياباشا كده عاليه عن الطبيعي فعلا

اقتباس:

---

المشاركة الأصلية كتبت بواسطة mr_vampire

بعد ازن صاحب الموضوع . موضوع اني ادوس بنزين مرة واحدة وانا ماشي فعلا بيخلي العربية تسقف مع العلم اني حاطط بنزين 810 في مكوة فده من البنزين ولا علي حسب اراء الناس هنا انه ممكن تكون كهربا زيادة او محتاجة ظبط البك او اي حاجة غير البنزين.

ملاحظة صغنونة بس زي مريم السكر ده : ربنا يباركلك فيها ويفرحك بيها علي فكرة هتجيبلك عرسان كتير اوي لما تكبر ان شاء الله لانها ماشاء الله عليها زي القمر بجد وانتا بقي حط رجل علي رجل وعيش دور ابو العروسة الحلوة

---

يا مسهل يارب ادينا مستنين ابن الحلال

شكرا يباشا و ربنا يبارك فيك وكلك زوق و الله

سوال هى العربية لما تكون العربيه كهربتها عالية تخنق
ودور الهواء ايه فى عمليه الضبط

وهل ضبط الكهرباء يكون والعربيه بردة ولا سخنه
لان والعربيه باردة لايمكن تسقف مهما كبست بنزين جامد شكرا