الحمد لله طبعآ الفضل لله سبحانه وتعالى
على فكره مكنش ينفع امشى فى الحاره الشمال لان كان فى ملف على شمالى
فطبعآ مقدرش امشى فى حاره الشمال الا اذا كنت داخل الملف
عشان مش اضايق اللى داخل واكسر الملف على اللى جاى زي ما الحلاليف اللى ماشيه بتعمل كده
فالطبيعى انى امشى فى الحاره الوسط واما اعدى الملف اخد شمالى
بالنسبه للفرامل انا مش بكلبش فيها علطول انا بهدى بهدى بسرعه واقوم شادد
المفروض الحاره اليمين للسرعه البطيئه والوسط للسرعه المتوسطه والشمال للسرعه العاليه
بس فى بلدنا دى العكس صحيح وكل داخل فى قلب بعضه
متستغربش انك تلاقى تريله على الصحراوى واخده الحاره الشمال !!!
على العموم الحمد لله جت سليمه انا كل خوفى كان على والدى والله
بس الحمد لله
شكرآ يا جماعه وربنا يكفيكم شر الحوادث والطريق
فى الطرق السريعه دى بالذات لازم تبقى عينك فى وسط راسك
متخليش حاجه تشد اتباهك غير الطريق بلاش عشان غيرك عشان نفسك على الاقل
انا نفسى بس الناس تلتزم والحوادث والزحمه وكله هيخف
بس على مين بقى دى مصر :verygood: