عرض للطباعة
السلام عليكم ورحمة الله ..
حد عنده تفسير ؟
التكييف بيشتغل زي الفل والعربية مشية ومتحركة بسرعة فوق ال 50 مثلاً . ولو وقفت والعربية على السلانسية أو ماشي على سرعات بطيئة الاول والثاني الكمبريسور شغال ولكن ما بيطلعش هوا بارد ( حتو لو دوست على البنزين وانا واقف عشان أعلي الأر بي إم ) .
إيه تفسيرك للحكاية دي ؟ إيه العلاقه ؟
سربنتينة التكييف الي قدام الرادياتير مسدودة عشان كده محتاجة هوا يخش عليها
حضرتك فك شبكة العربية في بنزينة وخلي عامل البنزينة يحط خرطوم الهوا بضغط منخفض فيها ويغسلها من برة هي والرادياتير
+111111111111111111اقتباس:
المشاركة الأصلية كتبت بواسطة caysersosaih
دة احتمال والاحتمال التانى ان الفريون ناقص شوية ومحتاج يتزود ويتكشف اذا كان فية تسريب ولا حاجة
ممكن ... وهشوف موضوع الهواء ده .
سألت الفني اليوم رد علي بأن ضغط الكمبريسور ضعيف بس أنا مش مقتنع لأني لما أزود الأر بي إم والعربية واقفة المكيف يكون تعبان برغم إن الكمبريسور شغال .
واول ما أتحرك بسرعة فوق ال 50 يبدأ يبرد بكفاءة
ده عيب واضح
زي ما الزملاء قالوا ان ده السربنتينة متوسخة فالفريون مش بيبرد
وضيف عليهم احتمال تاني وهو ضعف سرعة المروحة اللي على السربنتينة او انها مش متثبتة كويس او بعيدة شوية
ممكن يكون اتجاه الهوا بالعكس من ناحية صدر العربية لبرة ولو ان الطبيعي العكس
وغالبا السبب من المروحة
بالملاحظة والتدقيق .. السربنتية سالكة والمروحة شغالة كويس
المكيف لا يعمل ( في وضع السكون ويكون الجو شديد الحرارة ) أما لو تحركت المكيف يبدا يبرد بكفائة
الموضوع مرتبط بحاجة بتسخن لما اقف على السلانسية
وجار التدقيق والملاحظة لحد ما اعرف المشكلة فين
من الجائز لو كان هناك فلتر تكييف على سحب المروحه
أن يكون هو السبب
لا اعلم باشمهندس سمير ..
الفلتر طبعا طلع واتنظف قبل كده من تحت التابلوه .. انا شاكك في الدراير ( المجفف ) لما بيسخن مع التوقف والسلانسيه ما بيشتغلش ..
لاحظت انه طول ما العربية سخنه وفي الشمس بيحصل الموضوع ده واول ما تتحرك وتتهوى يشتغل
والله اعلم
نفس الكلام دا حصل معايا و لما غسلت سربنتينة التكييف اللى ورا الشبكة نزلت تراب و طينة كثير و الوضع اتحسن كثير.و الفريون كان زى الفل و كل حاجة تمام.و دلوقتى التكييف كويس
متابع باهتمام
عشان العيب غريب قوى
حتى لو ضغط الكباس قليل المفروض مع البنزين يعلى عادى مش لازم المشى
نفس العيب ده ظهر الآن في سيارتي الجديدة الهيونداي سنتافي ومدوخني .. غالبا زي ما تفضل الاخوة بإنه محتاج مروحة اضافية للسربنتينه بتاعة المكيف ... او حاجة اسمها بلف الكمبريسور الالكتروني
هل المشكله دي اتحلت ولا لسه ؟؟
حليت المشكلة في سيارتي الجديدة السنتافي بتغيير الكمبريسور بواحد جديد على الضمان وتغيير الزيت والفريون والمكثف وتنظيف السربنتينة
يعني المشكله كانت سدد في الدوره وغالبا في الجزء الخاص بالضغط العالي
كويل خارجي ( او سربنتينه) او المكثف + والمجفف الرسيفر دراير ( اسمه في السوق فلتر بس دا اسم خظأ)+ اوالكومبروسر عشان لو في اي خلل فيه او في بلف الكونترول
وبالنسبه للاوريفيس او الاكسبنشن او صمام التمدد ايه اللي تم بالنسبه ليه ؟؟؟
وترموستات البرشر ؟؟؟؟؟
اتغيرو نفس النظم؟؟
انا بستفسر عشان اوصل لحل جذري للمشكله دي عشان كتير ناس بتشتكي منها
المشكلة كانت في الكمبريسور تحديدا .. كان الضغط بتاعة منخفض جدا في السلانسيه التوكيل استخدم جهاز كده لقياس ضغط الكمبريسور
http://i1104.photobucket.com/albums/...psyxi8x985.jpg
http://i1104.photobucket.com/albums/...pszx6jesui.jpg
http://i1104.photobucket.com/albums/...pstx3qyz6w.jpg
لم يكن هناك سدد في الدورة نهائي .. لان المكيف كان بارد جدا مع تحرك السيارة .. في المنتديات الاجنبية قالوا واحد من 3 اسباب لعدم التبريد اثناء التوقف :-
1- مروحة السربنتينه ضعيفة او تدفع بالعكس للخارج او الاوتوماتيك بتاعها مش شغال
2- صمام الكمبريسور الالكتروني
3- الكمبريسور نفسه
انا عندي طلع الصمام ميكانيكي مش الكتروني كما في الصورة
التوكيل بعد ما غير الكمبريسور غير الاضافات المستهلكة مثل الدراير او المجفف اللي عامل زي الفلينة البيضا ،، وغير الفيريون وزيت دورة التبريد طبعا بالأصلي ...
حاجة مهمة اقولك عليها وهي الوردات او الوشرات او قطع الكاويتش الدائرية التي توضع بين ربطات الوصلات ... الاصلية غالية جدا الوردة الواحدة ب 30 جنيه مثلا .. اما المضروبة فبتتشقق مع الزمن وتسرب الغاز
مساء الخير على احلى اعضاء الحقيقة الموضوع دة شدني لان عندي نفس المشكلة بالظبظ في نيسان صني 2013 الشكل القديم
وهي ان التكيف اثناء سير العربية شغال كويس لكن وانا راكن خصوصا في الشمس والحر الكباس بيفصل وانا قرأت الموضوع كله بس ياريت لوحد وصل لحل تاني غير تغيير الكباس ياريت يفيدنا .....ووشكرا مقدما ...
الركنة في الحر والشمس لازم تشغل المكيف والنوافذ مفتوحة لمدة دقيقتين على اعلى سرعة مروحة لطرد الهواء الساخن ثمن قفل الزجاج واصبر 5 ل 10 دقائق على ما تبدأ تحس بالبرودة ... ده الطبيعي في اي سيارة ...
مشكلتي كانت لما السيارة تقف والمحرك شغال على السلانسيه يبدأ التبريد يقل
شكرا لردك واهتمامك يا دكتور محمود بس كلام حضرتك انا عارفه وفاهمه بس انا اقصد ان انا بكون ماشي بالعربية التكيف شغال كويس والكباس شغال بس لما اقف وافضل في العربية والعربية دايرة وواقف في الشمس الكباس بيفصل وبيبقى شغال هواء بس .... ارجو اكون قدرت اوصل المشكلة
هل تلاحظ بنفسك بالنظر داخل حوض الموتور ان الكباس فصل ؟؟ لأن دي اعراض في الغالب نقص غاز ولو كان شغال ومافيش تبريد يبقى المشكلة نفس مشكلتي ... ويفضل توديها لفني تكييف ويكشف ع الوصلات واماكن التسريب الشائعة
ده شكل الكباس لما يشتغل ويقصل
https://www.youtube.com/watch?v=K1OJDEHGhtI
دليل كفاءة التبريد والسيارة ماشية هو وضع تيرموستات امام فتحة المكيف الوسطى وقفل باقي الفتحات وتركه للقياس لفترة .. الطبيعي درجة الحرارة تكون من 5 ل 7 درجات سيليزي ... وانا واقف كان التبريد يصل لدرجة حرارة 20 .. ولما اتحرك كان التبريد 7 درجات ،، وبعد تغيير الكباس درجة الحرارة 7 في كل الاحوال
http://img.photobucket.com/albums/v3...e/5dbb8887.jpg
شكرا مرة تانية لاهتمامك بس المشكلة عندي ان الكباس فعلا بيفصل ومابشتغلش بعد كدة لو فصلت زرار التكيف وشغلته بيشتغل بس لما افصل العربية وادورها تاني ....
هو انا كنت اتكلمت مع الفني في التوكيل وقالي ان الكباس مابيعرفش يبرد الفريون عشان الحرارة عليا عشان كدة بيفصل نوع من الحماية للكباس عشان ما يضربش...
يعني الحل لما يبقى التكييف ما بيبردش والعربية واقفة أنك تغيير كومبروسير والا أية لأن المشكلة دي عندي في الأفانزا وشحنت مرتين وغسلت السربنتينة مرتين والتلاجة ومفيش فايدة
بوص اى كباس فى الدنيا بيفصل عند درجه حراره معينه و مهما حصل مش هيشتغل
1- السلانسيه التبريد قليل غالبا فريون مش اكيد انما تتاكد ازاى حط العداد على المواسير و شغل التكييف و دوس بنزبن المفروض الضغط 45-50 كدا مش فريون قليل و كله تمام
2- انما التبريد تمام مع الجرى و قليل فى السلانسيه دا دايما نقص فريون بنسبه 90% او كباس لقدر الله
مش عايز عايز اوصلك تجرب حاجه ممكن تحل المشكله فضى الفريون و نظف دوره التبريد كلها و اشخن بفريون نوعه 134 لو مش عند الراجل قولو يحيبهولك او اشترى الاسطوانه انتا هات واحده 3 كيلو احتمال الفريون المحطوط نوعه وحش و تقيل على الكباس
شكرا يا باشا وجاري البحث عن حد للصيانة والشحن للمرة الرابعة قيا ريت لو حد يعرف واحد كويس وبيعرف يعمل فاكيوم في الزقازيق أو مدينة نصر . وشكرا
نوع الفريون بيفرق في كفاءة التبريد .. ف الامريكي والانجليزي والصيني .. طبعا الصيني ارخص حاجة وضايع
العربية لو في الضمان اطلب تغيير الكباس .. في حاجة غلط كده مش طبيعي ابدا والفني ده بيفتي غالبااقتباس:
المشاركة الأصلية كتبت بواسطة dr.men3m
كلامك مظبوط يا دكتور محمود .... فعلا هو توكيل نيسان دة حاجة تقرف بس انا فعلا هطلب تغيير الكباس ضمان بجد انا بتابع معاهم دايما في الصيانة... وشكرا لاهتمامك
كل اللي حضراتكم قلته عليه ده مش تشخيص للمشكلة..
انا عندي حاليا نفس المشكلة دي بالظبط في كورولا 2006...عملت كل اللي الاقتراحات ديومفيش حل للنهارده..
غرمت شحن فريون وتنظيف الدورة وتركيب فلتر وتنظيف سربنتينة ومفيش اي فايدة...الكومبرسور لو فيه مشكلة عندي اعتقد انه مش هيشتغل لو دوستب نزين والسيارة واقفة..مجرد دوسة بنزين خفيفة والسيارة واقفة الهواء يطلع ساقع اشيل رجلي منع عالبنزين الهواء يطلع مش ساقع!!!!
بامانه انا بطلت اروح توكيل وبطلت اروح لصنايعيه لان كل دول فئة نصابين ومش فاهمين اي حاجه..
وكله بيعك عشان يقبض وخلاص وبعد ما ترجعله تاني الفتاوي تشتغل ويقولك غير الكومريسور
ماهي دي نفس المشكلة اللي كانت عندي في السنتافي .. الحل بتغيير الكمبريسور .. على السرعة السلانسيه كان الكمبريسور لا يضخ الغاز ولما اضغط بنزين وازود السرعة كا بيبرد زي ثلاجة .. ماكنتش مقتنع زيك ... لما رحت التوكيل وقاس قوة كبس الكمبريسور بجهاز معين لقي مافيش اي كبس والعربية واقفة ... عمل تقرير وتم تغييره واتحلت المشكلة تمامااقتباس:
المشاركة الأصلية كتبت بواسطة boing
لو مش سدد او نقص فريون تبقى احد بلوف كونترول اللي في الكومبروسر او الكلتش وممكن يبقى اكسبنشن معلق بسبب الضغط ونقص الزيت ونوع الفريون وممكن يبقى عيب صناعة في الكومبرسور وخطوات التركيب والشحن ويظهرالعيب بعد فترة من الاستخدام او بسبب قلة الصيانه وعدم التشغيل للتكييف في الشتا والتحميل بشكل مفاجئ مع بداية الصيف والحر والعيب بيختلف من حالة لاخرى على حسب ظروفها مع ان نفس العوارض تظهر لان الدوره بتعتمد على بعضها
الوردات او الوشرات دي اسمها اويل سيل او اولسيهات بالعاميه بتاعت الصنايعيه عندنا المهم انا بشكرك لاهتمامك يادكتور محمود بجد انت راجل محترم جدا وخدوم بشكرك مره تانيهاقتباس:
المشاركة الأصلية كتبت بواسطة د.محمود صلاح
طب انا عندي في لانسر شارك الكييف بارد و العربية واقفة .. اول ما ابدأ اتحرك و اعدي سرعة ال 80 يبدأ الهواء يجي من غير فريون كأنه هوا مروحة بس . و بعدين الكباس او الكمبروسر يرجع يشتغل فأحس بالسقوعية و لما يفصل أحس بفصلته لما الاقي الهواء قلب فاتر من غير برودة !!!
ممكن حد يفدني ؟؟ مع اني شحنت مرتين بنوعين فريون مختلفين الا ان الاعراض لسه زي ما هي ..و احد الصنايعية قالي ده عيب الترموستات اللي جوه التلاجة تحت التابلوه ما بيديش اوردر صح !!!
فمش عارف أحل المشكلة ازاي ؟؟ مع انه من المعلوم ان الواحد و هو راكب اي عربية المفروض مابيحسش نهائي بفصلة الكمبروسر! !!
انت بتحس بالفصل ازايي من هوا التكييف ولا الموتور اداؤه بيفرق وبعدين الفصل دا بيحصل على ار بي ام اوعدد لفات موتور عالى يعني وانت بتحرق على الغيار ولا عادي مالوش علاقه والفصل دا بيقعد اد ايه وقتوتفسير الاعراض اللي بتظهر:
ممكن لو عندك سويتش ضغط عالى بيسموها ساعة الضغط وقليل انك تلاقيها غير في انواع العربيات الجديده واحيانا بيبقى فيه واحد تاني للضغط الواطيوبديل السويتش او معاه على حسب تصميم نظام صانع العربية بلف الكونترول بس بيشتغل بشكل ميكانيكي وبيبقى موجود في الكومبروسر ودا الاكتر انتشارا الاولاني السوتش بيقرا الضغط العالي فايفصل الكهربا عن الكلتش فايفصل الكومبروسر حمايه للبلوف الداخليه للكومبروسر بلف الكونترول بيفرغ الضغط العالى بشكل ميكانكي عادي جدا برده لحماية الكومبروسر نفس الفكره
الاحتمالات لو فعلا فيه مشكله وبيبقى على حسب الحاله
١:شحنة فريون زياده
٢:شحن من غير عمل تفريغ بشكل كافي اوسليم
٣:سدد جزئي في الدوره (وممكن يبقى في اي جزء منها) نتيجه تلوث دورة التكييف داخليا ولو كدا بتتنظف بمذيبات خاصه او في اجزاء بتتغير زي الرسيفر دراير بيسموه الفلتر وزي السربنتيه الخارجيه لو مسدوده وعملية التنظيف مش هاتفرق قبل وبعد لو دا حصل على حسب الحاله او عدم عمل تفريغ كافي او الاتنين
٤:صمام التمدد (الاكسبانشن او الاوريفيس تيوب او بيسموها انبوب الاكسبانشن) بيعلق عند الفتح او القفل او تالف والحل يتغير بجديد مش يتنظف اوتركب مستعمل. والرسيفر دراير بيتغير بجديد
٥:السربنتينه او التلاجه محتاجه تتنظف خارجيا كويس او الاتنين .
٦:ممكن تبقى ثرموستات داخليه ودي امرها سهل وليها حل ومانصحكش تلغيها ممكن تزبط او تترجلش