سلام عليكم
ليا سوال يا اخوانى الكرام بالنسبة للقربة بتاعة مياة الريداتير لو ملتها على الاخر مش لحد العلامة بتاعتها ها يحصل حاجة ولا لازم التزم بمليها لحد العلامة المبينة فى القربة وشكرا لكم
سلام عليكم
ليا سوال يا اخوانى الكرام بالنسبة للقربة بتاعة مياة الريداتير لو ملتها على الاخر مش لحد العلامة بتاعتها ها يحصل حاجة ولا لازم التزم بمليها لحد العلامة المبينة فى القربة وشكرا لكم
تخيل كده بلونة قاعد تنفخ فيها لبعد طاقتها هيحصل ايه
نفس الشكل بالظبط ولك ان تتخيل
المساحة الفاضية للقربة علشان الهواء لو مليتها على الاخر الهواء مالوش مكان يتحرك و بالتالى المياة هاتغلى و تضغط على غطاء القربة و يحصل تسريب فى دورة المياة
شكرا للردود وبارك الله فيكم
طيب و كيف يتم ملء الردياتيير ؟!!
سمعت أنه ليه طريقة في الملي بتاع الردياتير ،، لو العربية سخنه أو بارده
ممكن النصيحة ؟؟
أعتقد المياه الزيادة حتطلع من خرطوم الفايظ
المية مش هتلاقى مكان تقلب فيه
لو العربية سخنة لازم تدور العربية الاول قبل ما يتم تزويد المياة
طب لو باردة مكن تزود المياة بدون تدوير ( لو باردة يعنى العربية تكون مبيتة بدون تدوير )
بس انا بفضل تدور العربية الاول قبل تزويد المياة سواء سخنة او باردة
الخطوة الثانية تقفل القربة او الردرياتير و تسخن العربية لغاية لما المروحة تشتغل و بعد كدة تفتح سنة بسيطة جدا لغاية لما تسمع صوت الهواء يخرج و بعد خروج الهواء تقفل الغطاء كويس وكدة يبقى كلة تمام
شكراً ليك يا فندم على التوضيح ،، بس مش فاهم الجزء بتاع تنفيس الهو ، و كمان أنا ليا واحد أريبي أتحرق من مية الرادياتسر ،، أو بمعنى أصح "أتسلق" عشان كده دايماً بتعامل مع القربة و بخاف أقرب للريدياتير إلا لما تكون العربية باردة بمعنى الكلمة يعني بقالها يوم بايتة مش دايرة