تقييم وتفتيح كيداهم على الدولى الساحلى وتقييم شخصى
انا اخيرا جت الفرصة اللى مستنيها بقالى كتير انى افتح الماتور واختبرها على السرعات العالية بعد 5000 كم علشان مجتش فرصة لسفر على طرق مفتوحة قبل كده
وبصراحة مش بحب اهلك فيها بهلك ف الرينو
المهم انا قاعد اسمع ف اشاعات وكلام غريب من يوم مجبتها ومن قبل ما اجيبها ان اخرها 180 و التكييف مش اد كده وان ثباتها نص نص
انا بعون الله سافرت اسكندرية من سيناء ف طريق الدولى الساحلى لبلطيم ل.....
التقييم بتاع العربية فوق كل التوقعات الحمد لله
السرعة 190 كم/س مرتاح جداا ومش اخر الدواسة العربية صوتها عالى بس كويس بالنسبة للسرعة (ملحوظة العربية مانيوال )
وممكن تجيب اكتر مع وجود التكييف .
التكييف شغال (ممتاز مش حاسس بالدنيا برااا) الكلام ده بعد صلاة الضهر
الحمولة 3 ركاب + الشنطة متقفلة
العيب الوحيد الى شايفه فيها بس ميعتبرش عيب للشباب المشكلة لو والدتك قاعدة ورا ،العربية بتتنطط على مطبات الهوا اوى من ورا وطبعا مش لزيز لو اللى راكب ورا حد كبير
طبعا كل عارف ده علشان المساعدين اللى ورا قصيرة شوية علشان حوار الثبات ده بس انا مش تاعبنى او عاملى مشكلة
عيب تانى بسيط بس انا شايفه ف كل الجديد ( لما يبقا الريح ف جنب العربية او فى وشها بيأثر تأثير ملحوظ لما تيجي تعدى من جنب عربية وانت ماشى بسرعة تفوق ال 150 كم /س
الخلاصة :-
العربية تستحق كل مليم اتدفع فيها وربنا يبارك فيها ويبارك لكل اللى راكبينها
ويبارك للى راكبين حاجة تانيا بردو
اه فيه ميزة ممتازة نسيتها (العداد محدش يشوفه غير اللى سايق ) :verygood: