الكاوتش الجديد بيتحط ورا مش قدام

**caysersosaih** · 24-06-2010 07:15 PM

الفيديو بيتكلم عن الطرق المبلله فهل تنطبق القاعده علي الطرق العادية ام لا؟

**gazzar91** · 24-06-2010 07:59 PM

شكراً يا أستاذ محمد ... صححتلنا مفهوم مغلوط عندنا...
في رعاية الله...

**mahmoudysf** · 25-06-2010 01:08 AM

الصح ان الاربعة يتغيروا مرة واحدة ودة الطبيعي
واعتقد ان انفجار الاطار الخلفى اقل خطورة من انفجار الامامى ولا انفي عدم وجود خطورة فى الحالتين ولاكن بشكل اكثر فى الامامى

**Mzeid** · 25-06-2010 04:41 PM

المشاركة الأصلية كتبت بواسطة windsofchange

فيديو جميل يا ممدوح باشا بس هو بيتكلم في الطرق المبلله او في الشتاء وممكن الزيت كمان؟ بس يعني مالآخر اركب الجداد ورا بس مشكلة لو القدام انفجروا العربية ممكن تتقلب طبعا للماديات متوفرة الأربعة مرة واحدة

انا أعتقد برضه كدة علشان العربية متعومش زي ما عملت في الفيديو

**MMamdouh** · 25-06-2010 04:42 PM

المشاركة الأصلية كتبت بواسطة caysersosaih

الفيديو بيتكلم عن الطرق المبلله فهل تنطبق القاعده علي الطرق العادية ام لا؟

lهى الخطورة دايما بتبقى فى الطرق المبللة... انت عارف ان الكاوتش الممسوح بيمسك فى الاسفلت الناشف احسن من الكاوتش الجديد؟؟... بس شوية مية صغيرة حتخللى العربية تتزحلق لحد ما يبان ليها اصحاب

هى معادلة صعبة بصراحة لان الفرامل اكتر شغلها على قدام... و لو قدام ممسوح العربية حتتزحلق فى الفرملة على مية... و لو ركبتهم ورا و دخلت ملف العربية حتلف منك

اشترى دماغك و هات 4 فرد جداد... الفلوس مش كتير لو حسبتها انك بتشترى نفسك

MMamdouh

**Akram** · 25-06-2010 09:53 PM

المشاركة الأصلية كتبت بواسطة mahmoudysf

الصح ان الاربعة يتغيروا مرة واحدة ودة الطبيعي
واعتقد ان انفجار الاطار الخلفى اقل خطورة من انفجار الامامى ولا انفي عدم وجود خطورة فى الحالتين ولاكن بشكل اكثر فى الامامى

+1

موضوع المياه مش بنعاني منه في مصر سوا فترة بسيطة (خاصة في القاهرة و الصعيد) ,
و لو افترضنا عربية ماشية على 100 و العجل الأمامي مستعمل و اللي ورا جديد و كاوتش من الأمامي انفجر ,
ايه اللي هيحصل , العربية هتلف و صعب نسيطر عليها ,
و لو العكس اللي قدام جداد و اللي ورا مستعمل و واحدة من اللي ورا انفجرت ,
العربية هتعوم بس ممكن نسيطر عليها ,

و عن تجربة كنت ماشي على 100 تقريباً و الكاوتش اللي ورا نام بسرعة لدرجة اني مشيت شوية و هو نايم و لقيت العربية بتعوم مش عارف ليه و ركنت على الجنب لقيت فردة من اللي ورا نايمة و الحمد لله ربنا ستر....

**mahmoudysf** · 25-06-2010 10:53 PM

المشاركة الأصلية كتبت بواسطة akram

+1

موضوع المياه مش بنعاني منه في مصر سوا فترة بسيطة (خاصة في القاهرة و الصعيد) ,
و لو افترضنا عربية ماشية على 100 و العجل الأمامي مستعمل و اللي ورا جديد و كاوتش من الأمامي انفجر ,
ايه اللي هيحصل , العربية هتلف و صعب نسيطر عليها ,
و لو العكس اللي قدام جداد و اللي ورا مستعمل و واحدة من اللي ورا انفجرت ,
العربية هتعوم بس ممكن نسيطر عليها ,

و عن تجربة كنت ماشي على 100 تقريباً و الكاوتش اللي ورا نام بسرعة لدرجة اني مشيت شوية و هو نايم و لقيت العربية بتعوم مش عارف ليه و ركنت على الجنب لقيت فردة من اللي ورا نايمة و الحمد لله ربنا ستر....

انا لما قلت الخطورة اكتر في الامام ده فعلا عن تجربة لاني كنت ماشي على الدائري بسرعة تقريبا 100 والكاوتش اللي ورا مش نام لا انفجر و اتقطع لدرجة انو طبق الرفرف والباب ولم احس بشيء الا بخبط الكاوتش فى الباب والكارتيرة لاكن لو اللي قادام فى نفس السرعة غالبا العربية بتتقلب
عشان كدة يفضل لو حد هيغير اتنين بس انهم يكونو قدام

**MaZaGAngeE** · 19-07-2010 06:00 PM

هل فيه علاقة بين طريقة الدفع و تركيب الكاوتش الجديد قدام او ورا ؟

**MMamdouh** · 19-07-2010 07:00 PM

لو العربية جر خلفى حيبقى ميل العجلات الخلفية انها تفقد تماسكها اكبر و بالتالى تلف منك... و عليه حيبقى الحالة اللى الفيديو حذر منها اكثر عرضة انها تحصل للى معاه عربية جر خلفى بعجل خلفى ممسوح

MMamdouh

-

الموضوع: الكاوتش الجديد بيتحط ورا مش قدام

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

بالونات فى الكاوتش اللى قدام , هل من نصيحه للتغيير ؟

الكاوتش الجديد ؟ ورا ولا قدام

ربنا ستر : الكاوتش طار قدام عيني

هو صحيح السيتى ضغط الكاوتش قدام غير ورا!!

وضع الكاوتش الي قدام ->>> وراء ! صح و لا ؟

الكلمات الدلالية لهذا الموضوع

المفضلات

المفضلات

ضوابط المشاركة