مساء الخير عليكم جميعا,انا ساكن فى مصر الجديده -ارض الجولف بالتحديد-وكنت عايز اروح الدرب الاحمر فى مكان اسمه الحلميه الجديده-معرفش ده كدا صح ولا الحلميه حاجه والدرب الاحمر دى حاجه-ياريت لو حد يعرف الطريق يوصفلى مشكورا
تحياتى
عرض للطباعة
مساء الخير عليكم جميعا,انا ساكن فى مصر الجديده -ارض الجولف بالتحديد-وكنت عايز اروح الدرب الاحمر فى مكان اسمه الحلميه الجديده-معرفش ده كدا صح ولا الحلميه حاجه والدرب الاحمر دى حاجه-ياريت لو حد يعرف الطريق يوصفلى مشكورا
تحياتى
بص يا سيدى صلاح سالم لغايه القلعه وكوبرى السيده عائشة انزل من تحت الكوبرى يمين فى اخر الشارع لف الميدان وخش شمال بقيت فى الحلميه الجديدة
شفت سهله ازاى
فعلا الحلميه الجديده دى منطقه تابعه للدرب الاحمر
والحلميه الجديده تقع تحديدا فى شارع محمد على وده بيبداء من جامع الرفاعى (القلعه) وينتهى فى العتبه ويقطعه شارع بور سعيد
ومدخل الحلميه هما طريقين فقط لا غير اما من شارع بور سعيد اما من القلعه لانه اتجاه واحد
ياعنى ممكن تيجى من التحرير وتدخل باب اللوق هتلاقى قصر عابدين فى وشك تمشى يمين والقصر على شمالك وتلف شمال وتمشى فى محاذاه القصر هتلاقى شارع بور سعيد عدى التقاطع هتلاقى شارع ضيق بس رئيسى ده اخره هتلاقى الحلميه الجديده وهى معروفه للناس هناك باسم البيبانى
منطقه جامده جداااااااااا وهى دى مصر بجد وهناك شارع سوق السلاح ومحمد على وسينما يوسف وهبى ومسجد قيسون والرفاعى وباب الوزير والدالى حسين والغوريه