انا رحت النهارده عشان اجيب شوية حاجات للعربية
بس قبل ما اقول الاسعار لازم اقول ان اسعار ابو الحسن مبالغ فيها جدا جدا وانا اشتريت منه الحاجة كلها ب 950 جنيه ورجعتها كلها تانى يوم الصبح بعد اكتشاف الفرق بينه وبين المنير
دى اسعار ابو الحسن والمنير
سير كاتينه جتز ابو الحسن 50 المنير 40 حيتز
سير تكييف و دينامو ابو الحسن gm 60 المنير 50 واحد gm والتانى dayco
طقم دبرياج valeo ابو الحسن 290 التوفيقيه 280 الاصلى gm ابو الحسن 450 التوفيقية 425
طلمبة المياه ابو الحسن GM 165 التوفيقية Gm 125 انا جبت الاسبانى ب 110 من المنير
طقم قواعد الموتور ابو الحسن GM 240 المنير GM 210 انا جبت الكورى ب 105 حسيت ان شكلهم انضف من ال gm
طقم بلى خلفى vaico ابو الحسن 90 المنير 90
بلية الكاتينة المنير فية ب 50 و 70 كورى وال gm 150 انا جبت 70
كمان المنير فى الاخر عملى خصم من غير ما اتكلم ودفعت كله 450 جنية واشتريت من بره طقم الدبرياج 280 يعنى كله 720 جنيه ..... ابو الحسن كان الاجمالى 990 وبالعافية دفعت 950 بعد ساعه فصال
انا كنت اشتريت من ابو الحسن 2 علبة زيت فتيس 30 وبلية الدرك 65 ورجعتهم مع كل الحاجات اللى رجعت
الواحد اتعلم انة قبل ما يشترى حاجه يسأل عليها فى حته تانية عشان فرق الاسعار دى وارجو انكو تكونوا استفدوا من الغلطه اللى وقعت فيها دى