نفاذ كل سيارات BMW 5-Series من التوكيلات علي مستوي العالم

BMW 5-Series sedan sold out in all markets

http://pictures.topspeed.com/IMG/cro...n-s_460x0w.jpg

اعلنت BMW عن نفاذ كل الكمية المنتجة من سيارتها الفئة الخامسة الجديدة و علي الراغبين في شراء السيارة الانتظار لفترة قد تمتد من 3 الي 4 شهور و تخطت مبيعات السيارة خطة المبيعات الموضوعة من قبل الشركة مما استدعي مراجعتها.

المصدر

بصراحة خبر مفاجئ بالنسية لي
لان عند رؤيتي للسيارة اول مرة خاب املي فيها خصوصا انها فقدت الكاريزما المصاحبة للجيل الحالي و تحولها الي نسخة مصغرة من الفئة السابعة
لكن واضح ان ده مش راي كل الناس

طب مش يقولوا هما انتجوا كام عربية الأول !!!

واضح ان انهم كانوا خايفين من المبيعات فعملو كام ألف كده يجسوا السوق

و خلصوا

فايذلونا بقى ههههههههه

احلي عربية بي ام دبليو اتعملت من عشر سنين

و افضل كتييييييييييير من الفئة الخامسة الي قبلها الشكل الغبي دا

بجد العربية دي هيا روح بي ام دبليو


و انا فرحت جدا جدا بالخبر دا..................... و من نجاح الي نجاح يا اجمل شركة سيارات فالعالم

انا اما شفتها لاول مره صور فقط على النت كان عندى بعض التحفظات ،
لكن اما شفتها فى التوكيل حاجه تانيه خالص !! و كل ما بشوفها بأعجب بيها اكتر.

هى فعلا تصميمها جامد اوى بره و خصوصا الداخل.

العربية جامدة جدا و فعلا اللي يشوفها في الصور مش هيحبها لكن في الواقع تحفة
بس انا حاسس انهم كانوا مقللين انتاجها

معظم سيارات bmw الموديلات الحديثة مينفعش تتشاف في صور ، لازم تشوفها في الحقيقة عشان تسحرك

شركة تستحق كل احترام وتقدير......

شركة محترمة طبعا مافيش شك! لكن توكيلها هنا فى مصر مش فى المستوى خالص بل بالعكس بيكره اى واحد يتعامل معاه و يخلى الزبون يفكر 1000 مرة قيل ما يكرر يجيب بى إم مرة تانيه - انا واحد من الناس لما هابيع عربيتى مستحيل أجيب بي إم تانى من البافارية - نار مرسيدس ولا جنة بي إم بصراحه

اقتباس:

---

المشاركة الأصلية كتبت بواسطة elmohandes1

شركة محترمة طبعا مافيش شك! لكن توكيلها هنا فى مصر مش فى المستوى خالص بل بالعكس بيكره اى واحد يتعامل معاه و يخلى الزبون يفكر 1000 مرة قيل ما يكرر يجيب بى إم مرة تانيه - انا واحد من الناس لما هابيع عربيتى مستحيل أجيب بي إم تانى من البافارية - نار مرسيدس ولا جنة بي إم بصراحه

---

نفس رأي و رغم شدة إعجابى بالفئة الخامسة الشكل القديم قبل التجديد الاخير و تفكيري الحجدي فى تغيير سيارتى بواحدة مستعملة استعمال خفيف تراجعت لا بى ام بعد اليوم كفاية السعر الى بيبقى في الارض المرسيدس رغم انى مش من هواتها خالص و رغم أن المرسيدس ال سي تتنافس مع السيراتو في وجودها فى شوارعنا لكن كفاية انى مش بخسر الخسارة الفظيعة زي ال بى أم