الموضوع: اللي متضايق منها يتفضل يمشي بسلام

جيت على الجرح

المشاركة الأصلية كتبت بواسطة magomago

الاخ الفاضل abdo_eldesokey

مشاركة حضرتك جميله وكلام سليم جدا
بس الكلمتين اللى فالاخر دول فلتو منك ومكانش ليهم لازمه
تقبل اعتراضى

.

اعتراض حضرتك مقبول :b4_611:

بس حضرتك قصدك على أنهي كلمة بالظبط

المشاركة الأصلية كتبت بواسطة esam_comm

لوكلنا فكرنا بطريقه حضرتك الايجابيه دي والله هايتصلح حالنا هي المسأله ان الموضوع محتاج عزيمه وشوفوا تجربه تركيا ومن قبلها الصين ومن قبلهم اليابان اسمحلي احييك واشد علي يديك واتمني ان نكون جميعا بهذه الايجابيه:10d5c8w1107::b4_611:

جزاكم الله خيراً على كلامك

وفعلاً نفسي بقى الناس تفوق ونلحق الدول الي سبقتنا دي

المشاركة الأصلية كتبت بواسطة esam_comm

لوكلنا فكرنا بطريقه حضرتك الايجابيه دي والله هايتصلح حالنا هي المسأله ان الموضوع محتاج عزيمه وشوفوا تجربه تركيا ومن قبلها الصين ومن قبلهم اليابان اسمحلي احييك واشد علي يديك واتمني ان نكون جميعا بهذه الايجابيه:10d5c8w1107::b4_611:

الاخ عصام حضرتك سبت مصر ورحت الدوحه واتغربت وسبت ناسك وصحابك يا ترى ليه ؟؟!!!!!!!!!!!!!

الاخ عبده الدسوقى حضرتك هتتصرف بايجابيه وتسافر فتره
سؤال كام واحد زى حضرتك عنده نفس التفكير الايجابى بس ما عندوش مصاريف السفر
حتى ولو فكر يسلف مش هيلاقى اللى هيسلفه !!!

انا بعد 20 سنه شغل وفى شركه كويسه علشان اجيب عربيه نتنقل فيها انا واسرتى بكرامه
بعيد عن المواصلات العامه عملت قرض من البنك ومن اهلى ومن .... ولسه قدامى اكتر من 5 سنين
علشان اسدد اللى عليا هل ده له معنى عند حضرتك


ده مجرد افكار وخواطر عندى وجايز اكون غلطان

المشاركة الأصلية كتبت بواسطة se_coralsea

أخي الكريم ... أستاذ/ عصام

أشكرك جدا علي غيرتك و حبك لمصر و ياريت ال 80 مليون مصري يكون عندهم نفس هذا القدر من الحب و الغيرة

لكن ....

الناس اللي بتنقد في مصر لايقلون عن حضرتك حب ووطنية و غيرة فهم يتمنون و يمنون أنفسهم بأن تكون مصر (أم الدنيا) أفضل بلد في كل شئ و هذا النقد اللاذع ماهو ألا حزن شديد علي ماوصل أليه حال بلدهم

ثم أن هناك كما قلنا من قبل فرق بين مصر (الوطن) و مصر (الشعب) و مصر (الحكومة)

مصر (الوطن) ..
هي الارض برمالها و ترابها و صحرائها و سمائها و نيلها و شجرها و نخلها و بحرها و هرمها و اثارها , و كل هذا جميل و خلاب و ليس به مايستحق النقد

مصر (الشعب) ..
الطيب و الكريم و الحنون و الشهم و المتدين ذو المعدن الاصيل الذي يبدو بريقه و لمعانه وقت اللزوم و هذا الشعب محكوم لا حاكم و مغلوب علي امره

مصر (الحكومة) ..
و هنا بيت القصيد ... نحن ننقد الحكومة التي أل حال مصر الي ماهو فيه بسبب أفعالها و عدم افعالها و قراراتها الخاطئة و الكلام هنا يطول و يطول

و نايل موتورز منتدي مصري بالاساس و يعيش معظم أعضائه علي أرض مصر و يشعرون بألامها و أحزانها فمن الطبيعي ان ينعكس ذلك علي كتاباتهم و مشاركاتهم

أخي الكريم ...
تذكر ان المنتدي هنا هو الطاقة التي نتنفس جميعا من خلالها و ناتي أليها كي نرمي همومنا و نتشارك فيما يصيبنا و مانعنيه علنا نجد الحل و المخرج مما نحن فيه , اهذا بكثير علينا ان يكون لنا صوت و لو خافت نهمس به في اذان بعضنا عبر هذا المنتدي طالما ان لا احد يريد ان يسمع صراخنا و انيننا خارجه

مع خالص تحياتي
م/ سمير الشهاوي

ممتاز

معرفشي مين اللى قال الكلام التالى بس جميل وعاجبنى


بلدى وان جارت عليا عزيزه
اهلى وان غدروا كرام

ان شاء الله قريب

المشاركة الأصلية كتبت بواسطة abdo_eldesokey

حضرتك فعلاً عندك حق .. بس بردوا حضرتك طول مانت برا مصر هيبقى الشعور المسيطر عليك هو الحنين إلى الوطن

ومش هتلتفت لأي حاجة وحشة تتقال على البلد

بالظبط كأن مصر دي فرن فيه ناس طالع عينها ، وحضرتك واقف برا الفرن بتقول يعني أكيد هو مش حر للدرجة دي

بس فيه ناس فعلاً بتعمل الي عليها وبتغير نفسها ، لكن المحيط الي حواليك كله فاسد ، فانت بيحصلك ضرر فظيع جداً

والحل في الحالة دي حاجة من الاتنين ، يا إما تحاول تصلح الناس وتستحمل الأذى والبهدلة (صعبة دي لواحد في بداية حياته)

أو تسافر فترة لحد ما تاخد كفايتك من الحياة وبعدين ترجع تحاول تصلح في بلدك

لكن أنا مش مع الي بيقعد يقول مصر دي كذا وكذا ، مصر وحشة بينا ، وحشة بالشعب السلبي ده

أنا بالنسبة لي ناوي أسافر فترة برة أكمل تعليمي عشان أبقى فعلاً حاجة مغيدة وأبقى بدأت بنفسي ، وبعدين أرجع بلدي أصلحها على قد ما أقدر

+1111111111111
نفس اللي ناوي اعمله بالضبط ان شاء الله

حضرتك معظم النقد بيكون بناء يعنى الواحد شايف حاجة غلط فى بلدة فطبيعى حيعبر عن استياؤة وغضبة ورغبتة فى تغيير السيئ الى احسن لكن

عمرى مثلا مشوفت ان الدولة عملت حاجة صح وفى واحد راح شاتم ونقد الصح اللى اتعمل ....

فانا شايف ان كل الكلام والنقد حتى لو وصل الى حد التجريح فى الوطن فهو نظرا لاستمرار الحال على ماهو علية ان لم يكن الى اسوأ وعدم وجود امل فى انصلاح الحال
والحكومة فى وادى والشعب فى وادى .