اللي متضايق منها يتفضل يمشي بسلام

**esam_comm** · 24-06-2010 08:38 PM

بسم الله الرحمن الرحيم

والله ياجماعه انا مستغرب جدا من اللي بيحصل المنتدي بتاعنا متخصص في السيارات ولا حظت ان مداخلات الناس بقت عباره عن سب في مصر وقرفها والكل بيشتكي من مصر اللي مش عجباه مصر يتفضل يمشي وخلاص ويحمد ربنا انه نجي منها اما اللي قاعد فيها يحاول يتعود ويبدأ بنفسه مش كل واحد يدخل يحسسنا انه ملاك او قديس والناس كلها هي اللي غلطانه وفي حاجه كمان لاحظتها مبدا التهويل يعني انا شغال في الدوحه ومقيم فيها وبسوق هناك ولما بنزل مصر بسوق مانكرش ان في فرق بس والله ياجماعه مافيش حاجه مطلقه يعني كل بلد لازم يكون فيها الكويس والوحش وبالنسبه للناس اللي كرهه مصر ومسافره بره ليه بتدخلوا علي المنتديات المصريه بزمتكم مش علشان نفسكم اي حاجه من رائحه مصر ؟ معلش طولت عليكم مجرد خواطر

**م.محمد علاء** · 24-06-2010 08:42 PM

كل اللي حصل..هو مجرد نقد...ومفيش كلام...فيه سلبيات كتيره جدا جدا فى مصر....
و الإخوه بتناقشها و إن شابت المناقشات نوع من الحده..
فده راجع لغيره عليها مش أكتر...

**r0xer** · 24-06-2010 08:43 PM

لو أتكلمت غالبا هاخد إيقاف . فانا هكتفي بإني أقولك بارك الله فيك و ياريت الناس تفهم وتعي كلامك اللي على حق.

**د.محمود صلاح** · 24-06-2010 09:22 PM

اللي براها نفسه يرجع واالي جوه نفسه يطلع .. ايه الحل ؟

**Abdo_Eldesokey** · 24-06-2010 09:36 PM

حضرتك فعلاً عندك حق .. بس بردوا حضرتك طول مانت برا مصر هيبقى الشعور المسيطر عليك هو الحنين إلى الوطن

ومش هتلتفت لأي حاجة وحشة تتقال على البلد

بالظبط كأن مصر دي فرن فيه ناس طالع عينها ، وحضرتك واقف برا الفرن بتقول يعني أكيد هو مش حر للدرجة دي

بس فيه ناس فعلاً بتعمل الي عليها وبتغير نفسها ، لكن المحيط الي حواليك كله فاسد ، فانت بيحصلك ضرر فظيع جداً

والحل في الحالة دي حاجة من الاتنين ، يا إما تحاول تصلح الناس وتستحمل الأذى والبهدلة (صعبة دي لواحد في بداية حياته)

أو تسافر فترة لحد ما تاخد كفايتك من الحياة وبعدين ترجع تحاول تصلح في بلدك

لكن أنا مش مع الي بيقعد يقول مصر دي كذا وكذا ، مصر وحشة بينا ، وحشة بالشعب السلبي ده

أنا بالنسبة لي ناوي أسافر فترة برة أكمل تعليمي عشان أبقى فعلاً حاجة مغيدة وأبقى بدأت بنفسي ، وبعدين أرجع بلدي أصلحها على قد ما أقدر ، بس مش هنسيبها ..........

يرجى مراعاة الاداب العامة للحوار
3:30am 25/6/2010
مشرف القسم 9ب

**esam_comm** · 24-06-2010 09:43 PM

المشاركة الأصلية كتبت بواسطة Abdo_Eldesokey

حضرتك فعلاً عندك حق .. بس بردوا حضرتك طول مانت برا مصر هيبقى الشعور المسيطر عليك هو الحنين إلى الوطن

ومش هتلتفت لأي حاجة وحشة تتقال على البلد

بالظبط كأن مصر دي فرن فيه ناس طالع عينها ، وحضرتك واقف برا الفرن بتقول يعني أكيد هو مش حر للدرجة دي

بس فيه ناس فعلاً بتعمل الي عليها وبتغير نفسها ، لكن المحيط الي حواليك كله فاسد ، فانت بيحصلك ضرر فظيع جداً

والحل في الحالة دي حاجة من الاتنين ، يا إما تحاول تصلح الناس وتستحمل الأذى والبهدلة (صعبة دي لواحد في بداية حياته)

أو تسافر فترة لحد ما تاخد كفايتك من الحياة وبعدين ترجع تحاول تصلح في بلدك

لكن أنا مش مع الي بيقعد يقول مصر دي كذا وكذا ، مصر وحشة بينا ، وحشة بالشعب السلبي ده

أنا بالنسبة لي ناوي أسافر فترة برة أكمل تعليمي عشان أبقى فعلاً حاجة مغيدة وأبقى بدأت بنفسي ، وبعدين أرجع بلدي أصلحها على قد ما أقدر ، بس مش هنسيبها .........

لوكلنا فكرنا بطريقه حضرتك الايجابيه دي والله هايتصلح حالنا هي المسأله ان الموضوع محتاج عزيمه وشوفوا تجربه تركيا ومن قبلها الصين ومن قبلهم اليابان اسمحلي احييك واشد علي يديك واتمني ان نكون جميعا بهذه الايجابيه

**amrc5** · 24-06-2010 09:49 PM

مع احترامى الشديد لكلام حضرتك لكن احب اقولك حاجة

اللى ايده فى الميه مش زى اللى ايده فى النار

**osama.m** · 24-06-2010 09:50 PM

مهما كان طريقة كلامنا و مهما قلنا عليها احنا متأكدين ان مصر برغم اي حاجة من احسن البلاد الحمد لله ... بس انا شخصيا نفسي حاجات كتير تتغير .. فا كلامي من دافع الغيرة مش اكتر

**Samir Elshahawy** · 24-06-2010 09:51 PM

أخي الكريم ... أستاذ/ عصام

أشكرك جدا علي غيرتك و حبك لمصر و ياريت ال 80 مليون مصري يكون عندهم نفس هذا القدر من الحب و الغيرة

لكن ....

الناس اللي بتنقد في مصر لايقلون عن حضرتك حب ووطنية و غيرة فهم يتمنون و يمنون أنفسهم بأن تكون مصر (أم الدنيا) أفضل بلد في كل شئ و هذا النقد اللاذع ماهو ألا حزن شديد علي ماوصل أليه حال بلدهم

ثم أن هناك كما قلنا من قبل فرق بين مصر (الوطن) و مصر (الشعب) و مصر (الحكومة)

مصر (الوطن) ..
هي الارض برمالها و ترابها و صحرائها و سمائها و نيلها و شجرها و نخلها و بحرها و هرمها و اثارها , و كل هذا جميل و خلاب و ليس به مايستحق النقد

مصر (الشعب) ..
الطيب و الكريم و الحنون و الشهم و المتدين ذو المعدن الاصيل الذي يبدو بريقه و لمعانه وقت اللزوم و هذا الشعب محكوم لا حاكم و مغلوب علي امره

مصر (الحكومة) ..
و هنا بيت القصيد ... نحن ننقد الحكومة التي أل حال مصر الي ماهو فيه بسبب أفعالها و عدم افعالها و قراراتها الخاطئة و الكلام هنا يطول و يطول

و نايل موتورز منتدي مصري بالاساس و يعيش معظم أعضائه علي أرض مصر و يشعرون بألامها و أحزانها فمن الطبيعي ان ينعكس ذلك علي كتاباتهم و مشاركاتهم

أخي الكريم ...
تذكر ان المنتدي هنا هو الطاقة التي نتنفس جميعا من خلالها و ناتي أليها كي نرمي همومنا و نتشارك فيما يصيبنا و مانعنيه علنا نجد الحل و المخرج مما نحن فيه , اهذا بكثير علينا ان يكون لنا صوت و لو خافت نهمس به في اذان بعضنا عبر هذا المنتدي طالما ان لا احد يريد ان يسمع صراخنا و انيننا خارجه

مع خالص تحياتي
م/ سمير الشهاوي

الموضوع: اللي متضايق منها يتفضل يمشي بسلام

LinkBack

أدوات الموضوع

عرض

-

-

-

-

-

المواضيع المتشابهه

و دي اخره اللي يمشي ورا كلام الناس ( للرجال فقط )

انا لقيت كنز..اللي عايز يشاركني يتفضل

اللي بيحب السرعة يتفضل هنا

اللي بيعرف كويس في عده الصوت يتفضل هنا

الكلمات الدلالية لهذا الموضوع

المفضلات

المفضلات

ضوابط المشاركة