حرارة الدوجان .....لا تراجع ولا استسلام (:

**Sherifmt** · 24-06-2010 08:39 PM

عربيتي دوجان 1600 من اسبوعين و العربية بتسخن لما بجري بالعربية ولما تسخن مبتبردش بسهولة ابدا علي طول المروحة شغالة وطبعا هي الأصلية وشديدة جدا و بتكون الحرارة بين 87 و89 الثرموستات بتشتغل عند ال90 وتفصل عند 85 يعني كويسة
بتاع الردياتير قالي حوان وش السلندر بينفس علي بسيط علشان كان فية فقاقيع صغيرة جدا ومش باينة علي وش مية الردياتير يمكن من 3 سنين وهي كدة انا حتي كنت فاكرها عادية وقالي ممكن الميكانيكي يقرط علية لو منفعش ابقي غير جوان وش السلندر

الميكانيكي قرط وزي ما هي قلتله غير جوان وامري لله وفغلا فك علشان يغير جوان وكان راكب جوانين شالهم ونضف مكانهم كويس قوي وحط اتنين زيهم وغير طرمبة مياة وغير بوجيهات وقرط وظبط تاكيهات ودور مفيش فرق !!!
تاني يوم تاني استنيت لغاية ما الموتور يبرد والميكانيكي قرط تاني علي وش السلندر وهي هي.

طلعت علي بتاع الردياتيرات فكه وسلكة وغسلة هو سربنتينة التكييف وهو قالي انه اساسا لقاة نضيف وسالك !!! وركبة تاني وحطيت مياة خضرا ( وهو دة الطبيعي من 3 سنين دايما خضرا نضيفة )وهي هي !!!
طلعت علي بتاع الشكمانات قالي الشكمان كويس مقتنعتش فولتلة يخرم الشكمان فبل العلب علشان اطمن !!! وفعلا خرم الشكمان والحرارة زادت أكتر
وهي كدة طلعت علي متخصص تاكيهات وبعد الكشف علي الموتور قالي كلة تمام التاكيهات مظبوط ومفيهاش مشكلة وموتورك ممتاز هو في تنفيس ضعيف جدا لا يذكر من جوان وش السلند (ومش ممكن يكون السبب !!!) بس يمكن دة علشان جديد واحتمال كبير يطبع مع المشي وطالاما الحرارة مش بتعدي 95 متقلقش امشي بيها اسبوعين ونشوف !!! رجعت علي بتاع الشكمانات لحمت الخرم وركنت العربية
وجيت طالب مشورتكم العربية معايا بقالها 3 سنين مكانتش بتعدي ال 90 غير لما اشغل التكييف وفي الطوالي كانت نادر لما المروحة تشتفل الزيت جديد وفلاتر جديدة وسير دينامو جديد ومشدود وموتور نضيف مفيش زيوت ولا شحومات وسحب العربية كويس مفيش فية مشاكل ببنزين 80 هي بس الحرارة بتسخن لما بجري بالعربية ولما تسخن مبتبردش بسهولة ابدا علي طول المروحة شغالة انا عارف ان الجو كان حر جدا الفترة اللي فاتت بس النهاردة كان الجو كويس جدا جريت بيها شوية علي الدائري وزي ما هي اية ممكن يتعمل تاني ؟؟؟؟؟

**م.محمد علاء** · 24-06-2010 08:53 PM

طيب هيا لما بتسخن...بتسخن عند كام؟؟؟
و الطبيعي بتاعها...إن حرارة المكنه بتكون كام؟؟؟؟

**smsm_nabawy** · 24-06-2010 10:19 PM

على فكرة أنا عربيتي شاهين 1400 و قريبة الى حد ما من الدوجان مع فرق القوة في الدوجان ، بس ده حصل معايا برده الأيام دي

سيدي الفاضل مرحباً في الحر ،، غالباً هو الحر اللي عامل كده

و الله أعلم ،، ربنا يوفقك و ان شاء الله سليمة

**smsm_nabawy** · 24-06-2010 10:34 PM

المشاركة الأصلية كتبت بواسطة sherifmt

شكرا لتفاعلك .... هي بتسخن لغاية 95 وتثبت علي كدة طو ل مانا علي السريع لكن وسط البلد بين 87 و92 في حين مروحة التبريد بتشتغل عند 90

طيب ما شاء الله ،، مهو ده اللي بيحصل معايا في وسط البلد ،، مجربتش أجري بيها جامد غير بلييل أوي أمباريح على الساعة 3 على البحر و كان الجو حمييل أوي و مسخنتش معايا جامد ،،
لكن في العادي الايام دي بتعمل معايا

الله يخليك أنت طمنتني على عربيتي أنا كنت قلقا عليها

**tananybasha** · 25-06-2010 12:11 AM

لو فيها ترموستات كوعه راجع عليه
يكون بايظ و قافل المية

**Sherifmt** · 25-06-2010 09:44 AM

لأ مفيهاش ترموستات كوعه انا حتي لاغي السخن الراجع يعني كل المية لازم تعدي علي الردياتير تبرد وبعدين تخش علي الموتور تاني !!!

**a_shanawany** · 25-06-2010 10:06 AM

هوا الحر
الشاهين بتاعتي دلوقتي مبتمشيش غير ودرجة الحرارة 100

-

الموضوع: حرارة الدوجان .....لا تراجع ولا استسلام (:

LinkBack

أدوات الموضوع

عرض

-

-

-

-

المواضيع المتشابهه

لا تراجع و لا استسلام ( القبضه الداميه )

لا تراجع ولا استسلام (بيجو 205 mi16 ) معدلة اخيرا

حاسسس انها بيئه ولا بيتهيالي - عتريس ومغامرة جديده - لا تراجع ولا استسلام

للي شاف فيلم لا تراجع ولا استسلام

حرارة الموتور الخارجية (حرارة عالية خارجة من الكبوت).........

الكلمات الدلالية لهذا الموضوع

المفضلات

المفضلات

ضوابط المشاركة