ماهو تقييمك للداتشيا سوبر نوفا فى السعر و فى الميكانيكا و الشكل الشبابى نسبيا

http://img534.imageshack.us/img534/7060/basmala1.gif



كنت بقارنها مع فيات 132 و قولت بما أن الأتنين الميكانيكا بتاعتهم أسعارهم غاليه دى ليها ميزاتها و دى ليها ميزاتها
أنا مش هتكلم كتير عن الفيات 132 لأنها معروفة بالتأكيد و أنا من عشاقها و سعرها من (10 إلى 12 ألف) و موديلات السبعينات
لكن بصراحه الداتشيا سوبر نوفا شكلها شبابى أكتر مليون مرة و موديلات التسعينات و سعرها (15 ألف جنيه)



صورها



http://www.dezmembrarimasini.ro/medi...at--sxtirj.jpg






و دى حته معدله كدة

http://masini.ro/images/concurs/traf...31096571_m.jpg

http://autopixx.de/bilder/9463/dacia-super-nova.jpg









المطلوب أنى عايز أخد رأيكم
1- هل تستحمل كويس على سعرها ؟
2- هل قطع غيارها متوافرة فى أسكندرية ؟ و سمعت ان توكيل الرينو برضة ماسكها وحتى الأن عنده قطع غيارها بس دا فى القاهره فى عزبة شلبى
3- أنت شاب تجيبها ولا تجيب أية بنفس المبلغ و يكون شبابى لو دى مش كويسة ؟
4- أية الكماليات إلى فيها يعنى ينفع يتركب فيها تكييف أو يتركب فيها أزاز كهربا و هكـذا؟










و على فكرة لحسن حد يفكرنى بجيب الأسعار من دماغى
دا أعلان ليها فى منتدى نايل موتورز كانت بـ16 ألف هنـــــــــــــــا
و دا أعلان مصور من موقع مصراوى بـ15 ألف جنيه

http://img205.imageshack.us/img205/1...ultdatshia.jpg







يا ريت الرد يا جماعة ضــــــــرورى :Oc_sun1[1]:

الداتشيا نوفا شكلها أجمل من ال132 وشكلها أيضا أجمل من الداتشيا العادية
وأنا عربيتي داتشيا عادية
وهي حمالة قسية وتستحمل كثيير وأعتقد أنه ينفع يركبلها تكييف وزجاج وكل اللي نفسك فيه

والله اعتقد ان قطع غيارها قليله اوى دة الرينو بردة يعتبر قليل واحد او اتنين فى صلاح الدين اللى شغالين فيه و طبعآ اسعارهم نار

ديه شكلها شبابى!!!!!!!!!!!!11

اقتباس:

---

المشاركة الأصلية كتبت بواسطة ahmedbeirut123

ديه شكلها شبابى!!!!!!!!!!!!11

---

يعنى أكتر من الـ132
أنا عارف أن الـ132 لو أتصرف عليها هتبقى تحفه جدا و عندى كام تعديل ليها بأمانه حاجات تجنن
لكن محتاجة صرف كتير أوى أوى عشان تبقى زى كدة (بالأخص السودا داخله دماغى جدا)


http://img146.imageshack.us/img146/9...t132tuning.jpg





و ركز مع الداتشيا سوبر نوفا فى الكام صورة المعدلين بالأكصدامات السيلفر هتلاقيها بقيت شبابيه جدا
يعنى برضة محتاجة صرف أنا مقولتيش هتتجاب كدة بس الصرف هيبقى فى الشكل بس لأنها كمان موديل جديد
و كمان يا سيدى كل برغوت على أد دمه :L_bhuhhh[1]:




و ربنا يرجعك بالسلامه من أيقاف العضوية لو كان مؤقت

اقتباس:

---

المشاركة الأصلية كتبت بواسطة الصيداح

الداتشيا نوفا شكلها أجمل من ال132 وشكلها أيضا أجمل من الداتشيا العادية
وأنا عربيتي داتشيا عادية
وهي حمالة قسية وتستحمل كثيير وأعتقد أنه ينفع يركبلها تكييف وزجاج وكل اللي نفسك فيه

---

طيب بص يا باشمهندس أنا عمتا مش بحب الشد و الكلام دة بس عمتا ميمنعش أنه ممكن يحصل فى سفر أو فى يوم زى العيد يعنى انا بحب أسوق و أنا ملتزم جدا
يبقى بالطبع بتاع السواقةدة لما نيجى نبص الداتشيا سوبر نوفا إلى بتكلم عليها متعرفش أية أخبار قطع الغيار لأنى من أسكندرية و طبعا أهم حاجة فى السيارة تواجد قطع الغيار حتى لو من أماكن معينه و طبعا ميبقاش سعرها مبالغ و كدة كدة فيات 132 قطع غيارها غاليه
فهل فيه محلات قطع غيار متوافرة ؟
و هل قطع الغيار دى أغلى ولا قطع غيار 132 ؟
و هل فيه ميكانيكيه كتير بيشتغلوا فيها ؟
و أية اخبار عفشتها يعنى تستحمل زى الـ132 ؟
و سؤال أخيـــــــــر
ليه حضرتك جيبت الداتشيا العاديه و مجبتش النوفا ؟

اقتباس:

---

المشاركة الأصلية كتبت بواسطة elewey

والله اعتقد ان قطع غيارها قليله اوى دة الرينو بردة يعتبر قليل واحد او اتنين فى صلاح الدين اللى شغالين فيه و طبعآ اسعارهم نار

---

ماهو دة إلى مخلينى خايف حاجات بسيطة لكن مع الفرق الكبير فى التصميم و الموديل حاسس أن أكيد فيه توافر فى قطع الغيار إن شاء الله








و أية مفيش حد فى المنتدى كله معاه العربيه دى أو مع حد صاحبه أو حتى سمع عنها
صحوا النـــــــــــوم :majd(2):
منتظر ردودكم يا رجاله إن شاء الله

فى رأيى شكلها مش حلو قوى بس أحسن من 132
و بعدين صور ال132 اللى حطتها مش عاجبنى أصلا, لأنها عربية كلاسيك و أحسن حاجة ليها هى البساطة, يعنى يركبلها جنط و تتهبط شوية و بس كدة
أى لعب زيادة بيقلب بتوكتوك على طول

مش عايز أفضحك بقى و أقول على صور الفيات الكوبيه

والله العربية قطع غيارها متوفرة في القاهرة لكن في الإسكندرية لا أعلم لأن الداتشيا منتشرة في القاهرة في سيارات الأجرة
أما عن الميكانيكية فهي ليست بذلك التعقيد الذي يجعلك تقلق من هذا الشأن فهي بسيطة جدا وأي صنايعي يشتغل عادي فيها
أما عن سبب شرائي لها فهي سيارة الوالد وهو من إشتراها أنذاك وهي كانت بحالة الزيرو كانت عاملة فقط 1000 كيلو وكانت حالتها ممتازة فقط هذا هو السبب ولم نكن نعلم وقتها أن هناك شيئا اسمه النوفا فالعملية كانت بحث عن سيارة جيدة أيا كان نوعها

اقتباس:

---

المشاركة الأصلية كتبت بواسطة moe86

مش عايز أفضحك بقى و أقول على صور الفيات الكوبيه

---

أوعـــــــــــــى أبوس ايدك أستر عليا ههههههههههههههههههههههه
أنا من ساعتها أصلا و انا قاعد متعقد أدام الكمبيوتر :36_1_31:
و نفسى أى مشرف يمسح الموضوع دة


أنا شكلى مش هجيب عربيه بسبب وحش الكوبيه إلى بيطاردنى و الردود إلى لقيتها دى ههههههههههههه

اقتباس:

---

المشاركة الأصلية كتبت بواسطة الصيداح

والله العربية قطع غيارها متوفرة في القاهرة لكن في الإسكندرية لا أعلم لأن الداتشيا منتشرة في القاهرة في سيارات الأجرة
أما عن الميكانيكية فهي ليست بذلك التعقيد الذي يجعلك تقلق من هذا الشأن فهي بسيطة جدا وأي صنايعي يشتغل عادي فيها
أما عن سبب شرائي لها فهي سيارة الوالد وهو من إشتراها أنذاك وهي كانت بحالة الزيرو كانت عاملة فقط 1000 كيلو وكانت حالتها ممتازة فقط هذا هو السبب ولم نكن نعلم وقتها أن هناك شيئا اسمه النوفا فالعملية كانت بحث عن سيارة جيدة أيا كان نوعها

---

طيب حضرتك بتتكلم عن الداتشيا العاديه
طيب هل نفس الميكانيكا فى الداتشيا العاديه هيا هيا الداتشيا نوفا ؟
و هل الداتشيا نوفا متوافرة برضة فى القاهره كدة تاكسيهات ولا الداتشيا العاديه ؟


أصل للأسف دورت على مواضيع كتيرة للداتشيا نوفا ملقتش خااااااااالص و كأنها مالهاش أثر
يعنى ولا حد بيشكر فيها ولا حد بيشتم فيها

أنا شوفت فيديوهات ليها يا جماعة أبصم بالعشره إنها زى الفل
بس إلى راعبنى دلوقتى و مخوفنى فى مصر هنا قطع الغيـــــــــــــار






أول فيديو و دا بيوضح سرعتها و هيا ماشيه على 180 كيلو

YouTube - Dacia Supernova




تانى فيديو كانت فى سباق مع BMW 525 و سبقتها عشان أخف فى الوزن

YouTube - dacia super nova vs BMW 525 (98')




تالت فيديو فى سباق مع فولكس فاجن باسات و برضة سبقتها

YouTube - Dacia Nova vs. Vw Passat



بس هيا دفع أمامى ولا خلفى ؟؟؟؟؟؟

أعتقد أن جميع محلات الداتشيا شغالة في كله يعني نوفا ولا غيره وكله قطع غيار تركي أساسا
في محل اسمه البساطي رينو في رمسيس تخصص داتشيا ورينو فقط ممكن أعطيك رقمه لو عايز تكلمه
الداتشيا العادية هي الأكثر انتشارا من النوفا رغم أني رأيت النوفا كثيرا

اقتباس:

---

المشاركة الأصلية كتبت بواسطة الصيداح

أعتقد أن جميع محلات الداتشيا شغالة في كله يعني نوفا ولا غيره وكله قطع غيار تركي أساسا
في محل اسمه البساطي رينو في رمسيس تخصص داتشيا ورينو فقط ممكن أعطيك رقمه لو عايز تكلمه
الداتشيا العادية هي الأكثر انتشارا من النوفا رغم أني رأيت النوفا كثيرا

---

المشكلة أننا من أسكندرية و مش بشوف محلات رينو عندنا خاااااااالص غير محل واحد فى فيكتوريا عند كافيتريا أسمها بح بح و معرفش دا شغال فى الداتشيا نوفا ولا لأ
فهل أنا من أسكندرية عادى لما أروح القاهره كل مرة عشان قطع غيار ماهو مش معقول لو العربية عايزة يتغيرلها حاجة هقدر أوصلها للقاهره :T_thum1[1]:




بس الجميل فى الداتشيا نوفا بعد ماسئلت ناس كتيرة جدا عنها قالوا إنها مش بتسحب بنزين خااااااالص و بتعمل حوالى 350 كيلو فى التمويله الكامله أو أكتر لكن للأسف محدش كان فيهم عارف حاجة عن قطع الغيار لأنهم قالوا إنها معمرة جداااااااااااااا





بس إلى رعبنى جدااااااااااا دلوقتى و لسه شايفها حالا الموضوع دة هنــــــــــا
بيتكلم أن سحب العربية لما غير الكاربيراتير بقى مش كويس خااالص

بص يا جميل انا اجيب ليك اخر الموضوع من واقع خبره لا يوجد ما يوزيها
عندنا في البيت 4 داتشيا ايوه 4 داتشيا 95 96 97 98
والله ما بهزر فعلا زي ما بقول كده
طيب ايه اللي ليها وايه اللي عليها
1.الصاج والعافشه دول بيتحملو جدااااااااااااا وفعلا حماله قسيه وصاجها نااااشف جدابكل موديلتها العافشه ممكن تكون مش بنعومه وحنيه الكوري والياباني بس برده في فرق سعر بتاع 20 الف :)
2.الماتور بصراحه قوي جدا ويتفوق في النوفا عن القديمه وانا شخصيا العربيه اللي معايا جريا والله وجميله جدا (انا مغير الكاربيراتير بالباب الواحد السحب قل بنسبه 10 % بس نسبه استهلاك البنزين رهيبه في التوفير
3.الصالون الداخلي في النوفا جميل وشيك جدا
4..النقطه المهمه واللي كل الناس بتسال عليه قطع الغيار
دي انا رايي انت تسال عليها بنفسك يعني تخيل انك هتشد العربيه وتعمل عمره متور كامله وهتغير كبالن وهتغير مساعدين زطلمبه بنزين وزيت وما الي ذالك
البساطي شارع الترعه رمسيس
رينو هوم ميشيال حليم
رينو اولاد جلال 0127761053
رينو كار 0120279695
رينو جاد الله 27641964

طيب ايه اللي عليها
1.العربيه تقيله في البيع شوييتين
2.قطع الغيار عند ناس معينه ودا بيخلي قطعه الغيار ممكن سعرها يتفاوت بدرجات كبيره من المحل للتاني



حل تاني ودا ممكن يغير كل معايير العربيه دي تغير الماتور بماتور الرينو ال9 ال1400 الكامل تكييف وباور
او الحل السوبر بتغيير بماتور 1700 ودا بقي تحفه وحبه خرااااااااااااااافه

المهم الخيارات كلها قدامك فكر وصلي استخاره وانشاء الله ربنا يوصلك للي فيه الخير

اقتباس:

---

المشاركة الأصلية كتبت بواسطة tamer_a7

بص يا جميل انا اجيب ليك اخر الموضوع من واقع خبره لا يوجد ما يوزيها
عندنا في البيت 4 داتشيا ايوه 4 داتشيا 95 96 97 98
والله ما بهزر فعلا زي ما بقول كده
طيب ايه اللي ليها وايه اللي عليها
1.الصاج والعافشه دول بيتحملو جدااااااااااااا وفعلا حماله قسيه وصاجها نااااشف جدابكل موديلتها العافشه ممكن تكون مش بنعومه وحنيه الكوري والياباني بس برده في فرق سعر بتاع 20 الف :)
2.الماتور بصراحه قوي جدا ويتفوق في النوفا عن القديمه وانا شخصيا العربيه اللي معايا جريا والله وجميله جدا (انا مغير الكاربيراتير بالباب الواحد السحب قل بنسبه 10 % بس نسبه استهلاك البنزين رهيبه في التوفير
3.الصالون الداخلي في النوفا جميل وشيك جدا
4..النقطه المهمه واللي كل الناس بتسال عليه قطع الغيار
دي انا رايي انت تسال عليها بنفسك يعني تخيل انك هتشد العربيه وتعمل عمره متور كامله وهتغير كبالن وهتغير مساعدين زطلمبه بنزين وزيت وما الي ذالك
البساطي شارع الترعه رمسيس
رينو هوم ميشيال حليم
رينو اولاد جلال 0127761053
رينو كار 0120279695
رينو جاد الله 27641964

طيب ايه اللي عليها
1.العربيه تقيله في البيع شوييتين
2.قطع الغيار عند ناس معينه ودا بيخلي قطعه الغيار ممكن سعرها يتفاوت بدرجات كبيره من المحل للتاني



حل تاني ودا ممكن يغير كل معايير العربيه دي تغير الماتور بماتور الرينو ال9 ال1400 الكامل تكييف وباور
او الحل السوبر بتغيير بماتور 1700 ودا بقي تحفه وحبه خرااااااااااااااافه

المهم الخيارات كلها قدامك فكر وصلي استخاره وانشاء الله ربنا يوصلك للي فيه الخير

---

يا سلام عليك يا باشمهندس تامر ربنا يطمنك :satelite:
و بجد رد جميل جدا و تسلم أيدك عليه و ألف ألف ألف ألف شكر ليك للمرة المليون يا باشمهندس تامر
بس هوا مفيش محل خالص فى أسكندرية :ask:
أصل مش معقول مثلا تكون العربيه محتاجة حاجة وأوديها من أسكندرية للقاهره
(إلا لو كماليات مش تصليح وقطع غيار)

دى أغنيه راب للعربية هههههههههههههههه
بس مفهمتش حاجة خالص إلا وهوا بيقول داتشيا (و شكلى سمعت غلط ولا أية)

YouTube - fosta mea Dacia Nova

4 داتشيا دا أنتم عاشقين للداتشيا بقى
أنا داتشتي 97 بس بصراحة جراية جدا جدا وفظيعة في التحمل
بصراحة البساطي في قطع الغيار لا يعلى عليه راجل دكتور في كلية أداب ومحترم جدا

السيارة دفع أمامي
والموتور بالطول

اقتباس:

---

المشاركة الأصلية كتبت بواسطة الصيداح

4 داتشيا دا أنتم عاشقين للداتشيا بقى
أنا داتشتي 97 بس بصراحة جراية جدا جدا وفظيعة في التحمل
بصراحة البساطي في قطع الغيار لا يعلى عليه راجل دكتور في كلية أداب ومحترم جدا

---

بصراحه فعلا البساطي دكتور شريف دا راجل قمه من قمم الاحترام والادب

اقتباس:

---

المشاركة الأصلية كتبت بواسطة الصيداح

4 داتشيا دا أنتم عاشقين للداتشيا بقى
أنا داتشتي 97 بس بصراحة جراية جدا جدا وفظيعة في التحمل
بصراحة البساطي في قطع الغيار لا يعلى عليه راجل دكتور في كلية أداب ومحترم جدا

---

ربنا يباركلهم إن شاء الله يا باشمهندس و يباركلك إن شاء الله فيها
و أنا كنت حاطيت فيديو ليها من اليوتيوب وصلت للـ180 كيلو
بس البساطى دة يا جماعة مالوش فرع فى أسكندرية أو أى حد فى أسكندرية مثلا ؟؟؟

اقتباس:

---

المشاركة الأصلية كتبت بواسطة الصيداح

السيارة دفع أمامي
والموتور بالطول

---

ماهو أكيد بالطول عشان دفع أمامى بس الدفع الأمامى دة ناس كتير خوفتنى منه جدا مش عارف ليه
بيقولوا عليه مش مريح يعنى فى الجرى أو فيه مشاكل دا صح ولا أيـــه ؟
بس فيها باور ولا لأ ؟ :3mla:

اقتباس:

---

المشاركة الأصلية كتبت بواسطة tamer_a7

بصراحه فعلا البساطي دكتور شريف دا راجل قمه من قمم الاحترام والادب

---

شكله راجل فعلا محترم جدا و رئيس قسم فى الداتشيا بس مفيش فرع فى أسكندرية أو حاجة
و كمان على فكرة العربيه قليل جدا لما بشوفها فى أسكندرية فهل دة بسبب قطع الغيار و عدم تواجدها هنا ؟

اقتباس:

---

المشاركة الأصلية كتبت بواسطة ama

ربنا يباركلهم إن شاء الله يا باشمهندس و يباركلك إن شاء الله فيها
و أنا كنت حاطيت فيديو ليها من اليوتيوب وصلت للـ180 كيلو
بس البساطى دة يا جماعة مالوش فرع فى أسكندرية أو أى حد فى أسكندرية مثلا ؟؟؟




ماهو أكيد بالطول عشان دفع أمامى بس الدفع الأمامى دة ناس كتير خوفتنى منه جدا مش عارف ليه
بيقولوا عليه مش مريح يعنى فى الجرى أو فيه مشاكل دا صح ولا أيـــه ؟
بس فيها باور ولا لأ ؟ :3mla:


شكله راجل فعلا محترم جدا و رئيس قسم فى الداتشيا بس مفيش فرع فى أسكندرية أو حاجة
و كمان على فكرة العربيه قليل جدا لما بشوفها فى أسكندرية فهل دة بسبب قطع الغيار و عدم تواجدها هنا ؟

---

1- معتقدش أن ليها قطع غيار متوافرة في الإسكندرية زي القاهرة
2-والبساطي ليس له أية أفرع غير هذا فقط على ما أعتقد
3-الدفع أمامي ليس له مشاكل كما تفضلت عادي جدا والموتور بالطول تكثر مع الدفع الخلفي وليس الأمامي
أما الموتور بالعرض فهذا أكثر من الأمامي
4-هي مشكلتك كلها دلوقتي في قطع الغيار
5-أنا أسكن بجوار بنها وقبل ما أنزل أشتري حاجة للسيارة بكلم البساطي قبلها بيومين يوفرها وأكلمه قبل ما أنزل القاهرة بساعة أتأكد أن كل حاجة تمام وأنزل أخذها وأرجع علشان منزلش على الفاضي
أنت ممكن تعمل كدة هي طبعا تفرق بنها للقاهرة من إسكندرية للقاهرة بس ده حل كويس وواحدة واحدة ممكن تكتشف ناس بتوع رينو في اسكندرية

اقتباس:

---

المشاركة الأصلية كتبت بواسطة الصيداح

1- معتقدش أن ليها قطع غيار متوافرة في الإسكندرية زي القاهرة
2-والبساطي ليس له أية أفرع غير هذا فقط على ما أعتقد
3-الدفع أمامي ليس له مشاكل كما تفضلت عادي جدا والموتور بالطول تكثر مع الدفع الخلفي وليس الأمامي
أما الموتور بالعرض فهذا أكثر من الأمامي
4-هي مشكلتك كلها دلوقتي في قطع الغيار
5-أنا أسكن بجوار بنها وقبل ما أنزل أشتري حاجة للسيارة بكلم البساطي قبلها بيومين يوفرها وأكلمه قبل ما أنزل القاهرة بساعة أتأكد أن كل حاجة تمام وأنزل أخذها وأرجع علشان منزلش على الفاضي
أنت ممكن تعمل كدة هي طبعا تفرق بنها للقاهرة من إسكندرية للقاهرة بس ده حل كويس وواحدة واحدة ممكن تكتشف ناس بتوع رينو في اسكندرية

---

ألف شكر يا باشمهندس والله جبت المفيد و إن شاء الله لو ليا نصيب فى الداتشيا نوفا هعمل زى ماحضرتك بتعمل بالظبط
بس سؤالى بقى فى الداتشيا نوفا بالأخص عشان كدة نفهم كل حاجة برضة
العربيه صوت ماتورها عالى ولا العازل فيها كويس ؟
لأنى شوفت فيديوهات كتير على اليوتيوب للداتشيا نوفا صوتها عالى هل دة جاكمان ولا دة صوتها

لأ صوت الموتور عادي يعني ليس بهدوء السيارات الجديدة وليس جرارا زراعيا
صوت الموتور عادي جدا ومتقلقش

اقتباس:

---

المشاركة الأصلية كتبت بواسطة الصيداح

لأ صوت الموتور عادي يعني ليس بهدوء السيارات الجديدة وليس جرارا زراعيا
صوت الموتور عادي جدا ومتقلقش

---

طيب الحمد لله و ألف مليون شكر يا باشا على الرد والمتابعة
و على فكرة أحنا عايزين بقى قسم للداتشيا و أحنا هنخليه مليان مواضيع بس هما يعملوا
أنا أكتشفت كام صورة على كام فيديو للداتشيا نفسى احطهم
لو متعملش قسم ليها نخلينا فى الموضوع دة هوريكم شوية حاجات عجيبه :satelite:

صحيح يا جماعة الداتشيا نوفا كانت زيرو بكام سنه 98 ؟

هو يا جماعة العربية دي سعرها العادل كام دلوقتي لو مش محتاجة شغل و هل الصاج فيها متعالج ضد البرومة من المصنع

الداتشيا تبع قسم رينو بس ممكن يبقى قسم فرعي للداتشيا داخل قسم رينو زي اللوجان كدة
وسعرها دلوقتي هو في حدود 15 أو 16 ألف

اقتباس:

---

المشاركة الأصلية كتبت بواسطة eg_falcon

هو يا جماعة العربية دي سعرها العادل كام دلوقتي لو مش محتاجة شغل و هل الصاج فيها متعالج ضد البرومة من المصنع

---

الداتشيا نوفا موديل 1998 شوفت أعلان ليها بـ15 ألف جنيه و حاطيت صورتة فى اول الموضوع
و فيه موضوع تانى فى المنتدى هنا كان سعرها 16 ألف جنيه
و فيه أعلان تانى شوفته قريب فى عربية داتشيا نوفا حمرا سعرها 14 ألف جنيه

و الـ3 بيأكدوا إنها فابريكه جوة و برة و مش محتاجة أى مصاريف
فأنت و شطارتك بقى لأن قلة عددها بيخلى فيه تفاوت فى السعر

اقتباس:

---

المشاركة الأصلية كتبت بواسطة الصيداح

الداتشيا تبع قسم رينو بس ممكن يبقى قسم فرعي للداتشيا داخل قسم رينو زي اللوجان كدة
وسعرها دلوقتي هو في حدود 15 أو 16 ألف

---

على فكرة أكتشفت أن فيه داتشيا لوجان أصلا زى رينو لوجان و فعلا أحنا محتاجين قسم للداتشيا و إن شاء الله نقول للادارة تعملنا قسم فرعى و نقترح عليهم الأقتراح دة بس أنا نازل دلوقتى لما أجى بقى هبقى أعمل الموضوع فى الشكاوى و الأقتراحات

اللوجان ما هي إلا داتشيا وتنزل بأسماء داتشيا أو رينو على حسب سمعة العلامة في البد

من يومين كنت بعاين سيارة داتشيا موديل 98 كان صاحبها عامل اعلان على اساس انه يبادلها بسيارة ريجاتا المهم طلبت منه لو عايز يبيع عايز كام و الراجل قال طالب 18 و لم يقل انه سعر نهائي و اتفقنا على ميعاد المعاينة و العربية صراحة شكلها حلو و قريبة من شكل الموديلات الحديثة السيدان زي البرايد السيدان و السمارة السيدان الجديدة و صراحة الراجل كان شكله محافظ عليها و الصاج مطلي بطبقة ضد البرومة من بلادها و انا كنت عامل حسابي على رنج فصال في حدود الف ولا اتنين و قلت دا تقريبا توبها من متابعتي للاسعار و قلت انا و حظي باه في موضوع قطع الغيار المهم قلت نكلم في السعر قبل ما نطلع على البنزينة فوجئت بانه بيقول عايز 20000 و كانت حجته ان هو فيه عربية موديل 98 بالسعر ده و انه عايز يجيب حاجة جيب 4 *4 طبعا حسيت ان الموضوع افور اوي يعني هيا توبها 16000 ولا حاجة يقوم طالب 20000 و بالطبع لم نتفق و حمدت الله ان لم اكع تمن فحص البنزينة و بعد كده نختلف

اقتباس:

---

المشاركة الأصلية كتبت بواسطة الصيداح

اللوجان ما هي إلا داتشيا وتنزل بأسماء داتشيا أو رينو على حسب سمعة العلامة في البد

---

ألف شكر على التوضيح يا باشمهندس

اقتباس:

---

المشاركة الأصلية كتبت بواسطة eg_falcon

من يومين كنت بعاين سيارة داتشيا موديل 98 كان صاحبها عامل اعلان على اساس انه يبادلها بسيارة ريجاتا المهم طلبت منه لو عايز يبيع عايز كام و الراجل قال طالب 18 و لم يقل انه سعر نهائي و اتفقنا على ميعاد المعاينة و العربية صراحة شكلها حلو و قريبة من شكل الموديلات الحديثة السيدان زي البرايد السيدان و السمارة السيدان الجديدة و صراحة الراجل كان شكله محافظ عليها و الصاج مطلي بطبقة ضد البرومة من بلادها و انا كنت عامل حسابي على رنج فصال في حدود الف ولا اتنين و قلت دا تقريبا توبها من متابعتي للاسعار و قلت انا و حظي باه في موضوع قطع الغيار المهم قلت نكلم في السعر قبل ما نطلع على البنزينة فوجئت بانه بيقول عايز 20000 و كانت حجته ان هو فيه عربية موديل 98 بالسعر ده و انه عايز يجيب حاجة جيب 4 *4 طبعا حسيت ان الموضوع افور اوي يعني هيا توبها 16000 ولا حاجة يقوم طالب 20000 و بالطبع لم نتفق و حمدت الله ان لم اكع تمن فحص البنزينة و بعد كده نختلف

---

على فكرة العربيه الداتشيا نوفا سعرها من 14 إلى 16 لو كانت مش محتاجة شئ نهائيا أكتر من كدة يبقى بص على تاريخ الأعلان هتلاقيه قديم
و على فكرة أى عربية موديل جديد بتكون أساسا مدهونه دهان ضد الصدا أو البارومه يعنى دى مش حاجة مميزة فى السيارة دى بالأخص والحمد لله أن حضرتك ولا دفعت تمن كشف البنزينه ولا حتى لبست مقلب فيها و كمان أنه يغيرها بعربية جيب دى مشكلته هوا أنت مالكش دعوه بيها و ربنا إن شاء الله يكرمك بالى أحسن منها أو بعربيه زيها حالتها تكون زى الفل

متـــــابـع

دا موضوع للداتشيا نوفا جديدة عملته فى شكل البى أم دبليو
-----------------------------



أتغير فى العربيه كالأتى
الكبوت و الشبكه الاماميه + فوانيس بى أم دبليو و ممكن تتصب أو تتعمل باغة
ليس أكثــــــر ولا أقـــــــــــــــــــــل


الموضوع من هنـــــــــــــــــــــــ ـــا

عملت أقتراح زى ماقولت لحضراتكم عن أفتتاح قسم للداتشيا
و الموضوع من هنـــــــــــــــــــــــ ـا

دا موضوع عن سباق للداتشيا نوفا مع الفولكس فاجن باسات

الموضوع من هنــــــــــــــا

الله ينور عليك
انا متابع العربية دى من زمان وكنت خايف منها علشان قطع الغيار وشعبيتها الضعيفة اوى
بس لما شفت الموضوع دة قررت ان شاء الله ابيع عربيتى الريتمو وادور على داتشا نوفا تكون موديل 98

اقتباس:

---

المشاركة الأصلية كتبت بواسطة elbadry99

الله ينور عليك
انا متابع العربية دى من زمان وكنت خايف منها علشان قطع الغيار وشعبيتها الضعيفة اوى
بس لما شفت الموضوع دة قررت ان شاء الله ابيع عربيتى الريتمو وادور على داتشا نوفا تكون موديل 98

---

طيب خلى بالك من تفاوت الأسعار و على فكرة لسه كنت داخل أمبارح على مصراوى و شوفت نفس صاحب الأعلان و عرفته من رقم موبايله إلى أنا عامل عليه نغمشه حمرا ده إلى حاطة و بيعرضها تانى بـ14 ألف جنيه عشان سوقها نايم أوى بسبب ثقافة المستهلك المصرى الضعيفة و السوق كدة كدة نايم فخلى بالك بقى متدفعش أكتر من كدة


و إن شاء الله برضة أظبط حالى الأيام إلى جايه و أدورلى على واحدة برضة معاكم
و ربنا يكرمك إن شاء الله و تنضم للداتشاويه إلى فى المنتدى