ابو الفتوح اسوء توكيل
العربية محتاجة تغييرعلبة دركسيون والبهوات من شهر وبيقولوا مش متوفرة وبعتنا نجبها...وحسبى اللة ونعم الوكيل
عرض للطباعة
ابو الفتوح اسوء توكيل
العربية محتاجة تغييرعلبة دركسيون والبهوات من شهر وبيقولوا مش متوفرة وبعتنا نجبها...وحسبى اللة ونعم الوكيل
تم بحمد الله استلام السيارة ... من 4 ايام ... و ان شاء الله يكون وشها حلو علينا ... انا مش هوعد بتقرير عنها لأنها بتاعت الوالدة ... بس في أقرب فرصة لو حصل تجربة هكتبلكو عن تجربتها
الف مبروك .. و باذن الله حتسعدكو
الحمد لله انا عملت صيانة ال 10000 امبارح .. العربية مش محتاجة حاجة غير زيت و فلتر
و الله اقسم بالله بعد ما ظبطو زيت الفتيس و شحموا العصاية في الصيانة اللي فاتت .. الراجل المره دي بيسأل ( فيه حاجة ) بدور علي حاجة اقولهاله مالقيتش . . رحت بيها اسكندرية و الاستهلاك كان باين طبعا في كمبيوتر الرحلات 7.4 و فعلا لأني ماعملتش مشاوير جوه اسكندرية رحت وجيت من غير لمبة التنك ما تنور ( نورت أول ما وصلت ) يعني بتاع 270 في الصفيحة..هو طبعا الميجان بتاعتي بتعمل 310 علي السفر .. بس طبعا فيه فرق ايروديناميكس و حاجات تانية
ياجماعة لو العربية دي حلوة في بلدها ابو الفتوح تلفها في مصر وانا ملاحظ ان ناس كتير جدا بتبيع العربيات دي وهي عاملة عدد كليومترات قليل جدا ودة مش من فراغ هي يمكن يكون شكلها ظريف بس أداء ضعيف ودة أكيد وربنا يخلي حماية المستهلك
رابع شخص يعمل اشتراك ف نايل موتورز مخصوص عشان يدخل يشتم في العربية!!! ممممم ...فين ايام ما الادارة كانت بتلغي العضويات امزدوجة
كلام سليم جدا و ميهمكش قول رائيك بصراحة وبلا نفاق
المنتدى ده فى حرية راى تحترم مش تابع لجهه معينة او افراد بعينهم
فعلا لولا حماية المستهلك كان ابو الفتوح برتع فيها مش كفاية رسائل قطع الغيار المستورده البايظة اللى لولا الله ثم الجهاز --- كان زمنا فى خبر كان :ask:
انا مش راكب العربية دى ولا اعرف حاجة عنها غير من المنتدى بس هى حاجة بالعقل ان الناس الى بتشتكى دى كلها حاجة واحدة بيجتمعو عليها ان التوكيل سىء غير ان سعر العربية مبرر جامد للشكاوى من العربية وانا عموما مش بثق فى العربيات الصينى الى بتيجى مصر علشان الوكلاء بيجيبو التعبان ابو فلوس قليلة علشان الناس تجرى وتشترى. وبعدين يتصدمو بالعربيات الجديدة. وبعدين فى عربية جديدة يتقال فيها الكلام ده بسمع تزييق وعلبة الدركسيون باظت على 1600 ك والعفشة وحشة واسنهلاك بنزين اية ده انا اجيب عربية مستعملة وهتبقى احسن مليون مرة وارخص. واكيد ان كل الناس الى بتشتكى مش بيتبلو على العربية علشان كلهم راكبين عربيلت تانية خايفين ان سعرها يتحرق بسبب الصينى الناجح فى بلدنا:mahf(5):
طيب انا باغة فانوس اللانوس برضه عملت كده بعد شوية برضه ومحدش شتم فى اللانوس بالعكس من انجح العربيات فى مصر عادى العيوب بتحصل لاننا فى مصر مفيش مراقبة جودة و بعدين سورى انت مش راكب بى ام دبليو عشان تبقى راكب عربية على الفرازة يعنى معلش متدفعش 80 الف و عايز تحس انك راكب عربية بمليون كل شئ له تمنه واللى مش عاجبه الصينى يركب بى ام او مرسيدس محدش هيمنعه و اللى فلوسه مش جايبة غير صينى يبقى نقوله ربنا يباركلك فيه و يرزقك باللى احسن منه بعد كده و بعدين اى عربية ليها عمر افتراضى انا مش بجيب عربية للعمر كل مرحلة و بجيبلها عربية ببتدى بالقليل و اكبر مش لازم اكون راكب يابانى يعنى يا سيدى ربنا يدينا و نركب كلنا مرسيدس