ياشباب انا نوبت ان شاء الله اشترى الصنى 2010 بكرة فى الغالب
محتاج اعرف منكم اتاكد من ايه فى العربية وايه اللى بستلمه معاها وكل التفاصيل
يعنى فى وصلات للكاسيت وعدة وكل حاجة لو سمحتم والحاجات اللى اعملها واشيك عليها وانا بستلم :shyy:
عرض للطباعة
ياشباب انا نوبت ان شاء الله اشترى الصنى 2010 بكرة فى الغالب
محتاج اعرف منكم اتاكد من ايه فى العربية وايه اللى بستلمه معاها وكل التفاصيل
يعنى فى وصلات للكاسيت وعدة وكل حاجة لو سمحتم والحاجات اللى اعملها واشيك عليها وانا بستلم :shyy:
هتستلم الاتي مع العربيه :
1. كاوتش استبن.
2. شنطة عدة.
3. كوريك.
4. وش كاسيت و العلبة بتاعته.
5. ريموت كونترول واحد و عدد 2 مفتاح.
6. كتالوج العربية و كتالوج الكاسيت.
7. الضمان للعربية و البطاريه و الكاسيت.
8. ورق المرور.
9. لو العربية ex saloon هتستلم عدد 4 طاسات.
لازم و انت بتستلم العربيه تبص عليها كويس من برة و تشوف البوية فيها جروح او خرابيش او نقر و لذلك يفضل انك تستلمها بالنهار. و في حاجة كمان مهمة ان الصني في منها دواخل بيج و رصاصي اتاكد ان العربيه اللي هتاخدها تكون زي ما انت عايز من جوه عشان ما تتفاجأش باللون من جوه مش اللي انت عايزه.
بص علي عداد الكيلومتر عشان تشوف العربيه عامله كام كيلو و لما تمشي بيها اتاكد ان عداد السرعة شغال عشان فين توكيلات بتفصله عشان لو العربيه مشيت كتير مايبنش في العداد.
نظرة عامه علي الموتور و دواخل العربيه و الشنطه و روح حط في العربيه بنزين
و الف مبروك مقدما
وايه رايكم ياشباب اوتو ايجيبت ولا السبع
انا اتعرض عليا من السبع 83000 فى ex مانيوال بس لسه متكلمتش معاه يعنى بما انى ناوى اجيب كاش وهاخد معاها دفتر كوبونات الصيانة تبعهم بالف جنيه هدية
انا كنت ناوي اجيب العاديه في الاول بنفس السعر 83 الف ومعاها بدل الكوبونات وحدات رفع وسنسور ودوسات نيسان
يعني هي هي نفس العرض بس انا مش عايز ارتبط بالصيانه بمكان محدد الي هو السبع عشان عندي مودرن موتورز واخد عليهم واتعملت معاهم
بس قررت اجيب المانيوال اعلي فئه الي هي فيها البريك اسست والabs , abd ب 85500 ومعاها العروض الي قلتلك عليها
الف مبروك مقدما
اخى الكريم كل المعارض اللى ذكرتها محترمة جدا فى تسليم العربية , بس شوف اى واحد فيهم عامل عرض عن التانى افضل ومناسب لك
فعندك مودرن وعندك اتوايجيبت والسبع
وكمان راجع اللينك ده فى حاجات مهمة عن الحاجات اللى تخلى بالك منها وانت بتستلم العربية
http://www.nilemotors.net/Nile/158434-a.html