لو مش معاك تمن عربيه جديده - يا ترى تشتري قسط ولا مستعمل؟؟!!

**mohamedhmk** · 24-06-2010 11:36 PM

السلام عليكم جميعا

أكيد في ناس كتير في نفس حيرتي وأتمنى إن الموضوع ده يقلل من الحيرة دي بعض الشيء ونحاول نساعد بعض على اتخاذ القرار المناسب.

لو أنت إمكانياتك متسمحش انك تجيب عربيه زيرو - يعني المبلغ الي معاك لو حطيته في عربيه تحصلك أزمة اقتصادية وجايز متعرفش تسوق العربيه اصلا

طيب يا ترى هتشتري عربيه مستعمله وتقعد تدور على حالات نادرة وبره وجوه وترفع العربيات وتكبس مواتير وتخش السوق؟

ولا تدفع مقدمه حلوه وتقسط الباقي؟

يا ريت كل حد يقولنا اسبابه واختياراته وايه افضل نظام بيفضله

وان شاء الله نستفيد من آراء بعض

**Ayman-Ahmed** · 24-06-2010 11:55 PM

والله الاختيار صعب.بس انا هقولك وجهة نظرى:

-لو العربية الزيرو عاجبانى اوى ومش هاقدر اتنازل عن الموديل ده.يبقى اجيبها قسط بس ادور على احسن بنك وهابعد عن السيتى بنك عشان غراماته عالية اوى وفوايده عالية كمان

-ممكن لو عندى فلوس فى بنك ومش عاوز افكها,يبقى اخد قرض بضمانها من البنك وبتبقى فايدته اقل بكتير

-طالما فكرت فى القسط يبقى ادور على عربية حنينة.يعنى قطع غيار-صيانة-اكسسورات.وميمنيش الناس راكبة ايه,اد ما يهمنى انا هاقدر على ايه.

لكن انا فى داخلى دايما فكرة بلاش القسط لانه جزء من مالى بيروح كل شهر وابقى شايل همه.

**eng.octooo** · 25-06-2010 12:54 AM

لو انت موظف ..ومرتبك ثابت ....ولو قلنا انك هاتقسط على سنتين مثلا ..لو انت ضامن انك تفضل فى الوظيفة لسنتين ( بدون مشاكل لا قدر الله ) يبقى هاتها تقسيط ..طبعا بعد ما تتتأكد ان باقى المرتب بعد خصم القسط هايكفيك

اما لو شغلك خاص او دخلك مش ثابت ...هات حاجة مستعملة او كسر زيو

**x512** · 25-06-2010 01:32 AM

انا افضل المستعمل....لان القسط حتي لو الظروف هتسمح الواحد بيحس انو بيتقلب...يعني كل مده يتاخد منك فلوس....انما المستعمل هدفع مره واحده و اخلص

**gazzar91** · 25-06-2010 07:55 AM

مستعمل.... بس لازم يبقى خلقك واااااااااااااااااسع... و صبوووووووووووور....
و ممكن ربنا يكرمك بحاجة حلوة من أول مرة...
في رعاية الله...

**amr.elsayed** · 25-06-2010 08:52 AM

على حسب المبلغ اللى معاك .... يعنى لو معاك فوق ال 50 الف يبقى تجيب زيرو حاجة صغيرة مش لازم عربية 7 متر ولو فى قسط يكون قليل جدا
لو اقل من 50000 يبقى مستعمل وتدور على حالة نضيفة قبل ما تدور على نوع العربية
..................................
بصراحة انا بكره حاجة اسمها تقسيط وبردو بكره حاجة اسمها مستعمل .... انا شايف ان اللى معاك هات بيه عربية زيرو حتى لو سوزوكى ماروتى احسن عندى من انى ادخل فى متاهات التقسيط او مشاكل المستعمل
واى عربية حتوصلك من النقطة أ للنقطة ب سواء بقى ماروتى او بى ام وربنا يوفق الجميع

**mohamedhmk** · 25-06-2010 11:47 AM

شكرا جزيلا لوحوش الموقع على المشاركه الجميله دي والآراء الفعالة

**Ayman-Ahmed** · 25-06-2010 12:44 PM

المشاركة الأصلية كتبت بواسطة mohamedhmk

شكرا جزيلا لوحوش الموقع على المشاركه الجميله دي والآراء الفعالة

ربنا يوفقك

**ecko120** · 25-06-2010 02:17 PM

يمكن يكون رأيى مختلف عن بقيه الاراء وده لعده اسباب
ان الزيرو زيرو مهما كانت العواقب على الاقل بيكون الاعطال اقل
ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
وفى الاخر ربنا يوفقك فى الحيره دى

**mohamedhmk** · 25-06-2010 10:10 PM

المشاركة الأصلية كتبت بواسطة ecko120

يمكن يكون رأيى مختلف عن بقيه الاراء وده لعده اسباب
ان الزيرو زيرو مهما كانت العواقب على الاقل بيكون الاعطال اقل
ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
وفى الاخر ربنا يوفقك فى الحيره دى

شكرا جزيلا على النصيحه الجميله دي
ربنا يكرمك ويوفقك

تحياتي ليك

مشاهدة نتائج الإستطلاع: تشتري مستعمل ولا جديد بالتقسيط؟؟

الموضوع: لو مش معاك تمن عربيه جديده - يا ترى تشتري قسط ولا مستعمل؟؟!!

LinkBack

أدوات الموضوع

عرض

-

-

-

-

المواضيع المتشابهه

لو معاك 150 الف.....تشتري عربيه مفيهاش esp

لو معاك 80 الف تشتري كوري حديث ولا ياباني أقدم ؟؟؟

خلي بالك قبل ما تشتري مستعمل

لو غني يبقي معاك مستعمل

لو معاك 80 الف تشتري ايه ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة