الموضوع: أحمد المسلمانى يكتب: مصر الكبرى.. من النيل إلى الفرات

المشاركة الأصلية كتبت بواسطة kemoelord

ماهو حضرتك التغيير هو الي بيجلب تغيير في القواعد والاسس والمبادئ السليمة لكن مع الاخذ في الاعتبار ان اساسا احنا فاهمين مفهموم التغيير بشكل خاطئ جدا بمعنى اننا ماشيين بمبدا ان كل مسؤول يتولى منصب ما لازم يحذف ويلغى كل ما تبقى من قواعد واسس ويضع من البدايه ومن وجهة نظره فقط اسس يجب اتباعها والاخذ بها ودي في اساسها مشكله قائمها بذاتها , في الخارج المبادي والاسس واحده والي بتغير فقط الشخص القائم على هذه الاسس ويكون فقط الاختلاف في ادارة هذه القواعد بمهاره وبدهاء وبعلم واذا كان ينفع اضافة اشياء مفيدة فلا باس , لكن عندنا الامور بتتاخد بالاهواء
وبالكيف وبالمصالح (وحطي تحت كلمة المصالح 5 مليار خط)

انا معاك يا كيمو ان مفهوم التغيير عندنا خاطئ انه تغيير اشخاص حتى لو نفس الاسس المتبعة غلط ،
و غالبا بيكون التغيير حاليا لتصفية حسابات و مصالح ليس لها علاقة بصالح الشعب و العامة .
اللى اقصده اننا نكون فاهمين احنا عايزين ايه و عايزين نغير ليه ، " يعنى عايزين عدل و نزاهة و كرامة و عمل ...
مش زهق و قرف و نغير و خلاص ، نظام شالوا الضو وجابوا شاهين
لانى شايفة التغيير عندنا لازم يكون جوهرى مش شرط تغيير شخصيات لكن تغيير المبادئ الرديئة بالصالحة و الافكار الهدامة بالبناءة و احلال العدل محل الظلم فى كافة المصالح و الاجراءات و احترام القوانين و رفع الاستثناءات .
فى الدول المتقدمة مبادئ و استراتيجيات كل دولة واضحة ومحددة و كل المنتخبين لادارة هذه المؤسسات عليهم التنفيذ و التغيير يكون للتطلع لاداء افضل ، نفسنا الاول نوصل للمبادئ والاستراتيجيات السليمة لبلدنا وبعدين تغيير الاشخاص لاداء افضل فيما بعد .
السؤال بقى مين اللى يضع هذه المبادئ والاستراتيجيات و يصحح الموجود حاليا ؟؟؟