حضرتك ابعد عن للمصرى و غنيله :mahf(5):
بس للحق شارب مصانع العربى بجد كويس
عرض للطباعة
طيب ليه حضرتك مستبعد كارير ؟؟
انا عندي تكيفات البيت كلها شارب اكثر من رائع لكن ماجربتش السامسونج
اهم حاجه في شارب 5 سنوات ضمان حقيقي وفي دخلة الصيف بكلمهم بيعملو التنظيف مجانا ولكن في موجة الحر السابقه كل التكيفات كانت مش عامله تبريد قوي زي الايام العاديه .....الحقيقه مش عارف اللي عندهم سامسونج حسو بالفرق ده ام لا؟؟؟؟؟؟؟؟؟؟؟
مش مستبعده ولا حاجة
بس بعد السؤال لقيت دول احسن نوعين في السوق
مهندس التكييف اللي بيبيع السامسنج والشارب
قال ان السامسنج كان الوحيد اللى قدر على موجة الحر الرهيبة الاخيرة
دخلت على الانترنت لاقيت مكتوب ان التكيف فيه كباس استوائى بيتعامل مع درجة حرارة توصل الى 60 درجة
بس انا عايز رأي ناس جربت بنفسها لان دايما كلام الدعاية جميل
الشارب مكتوج في المانيوال أنه يعمل بكفاءة لحد 55 درجة مئوية وكان شغال بشكل ممتاز في موجه الحر اللي فاتت وخدوا بالكم أني في أمواج حر جاية خاصة من الهند ويمكن تكون أقوى من اللي قبلها .
ممكن حضرتك أعرف الفرق بين موديل 2009 و 2010 فى شارب 2.25 حصان (بارد/ساخن) اسبليت؟ وايهما أفضل؟
والأفضل "البارد بس" أم "البارد/ساخن"؟
وايه موضوع التنظيف الذاتى؟ ولا دعايه تسويق وبس؟
طيب هو تكهيف كارير او يونيون اير مش بيدو تبريد افتكر مصر كلها مركبة كاريير او يونيون و بيدي برودة شديدة و حضرتك لو بصيت علي المحلات هتلاقي اغلبها كاريير او يونيون اير
مفيش فرق شاسع كل الأختلاف في خاصية توزيع الهواء على مناطق معينة وشاشة أل سي دي بيبقى عليها درجة الحرارة ودي موجودة على الريموت عادي يعني حاجات مش هتفرق مع حد وتوفري 400 جنيه فرق في جيبك بس المشكلة دلوقتي هل هتلاقي الموديل القديم ولا لأ لأن الضغط كان جامد على المكيفات السنة دي بالذات فأنتي ونصيبك ولو ملقيتيش هاتي الجديد عادي أهي تكنولوجيا جديدة بردوا .
بالنسبة لسؤالك هل البارد بس أفضل ام البارد ساخن دي حاجة ترجعلك طبعاً ومتنسيش أختلاف الأسعار ولو دورتي كويس هتلاقي أسعار كويسة أنا كان ممكن آخد جهاز شارب 3 حصان بارد سخن ب 5200 جنيه يعني فرق عن جهازي 200 جنيه ومع ذلك محبتش الفكرة دي خاصة أن ممكن في الجو في الشتاء ممكن يكون ساقع وأحنا نقعد في البيت في جو دافيء بعد كدة نيجي نطلع في الساقعة يجيلنا برد على طول .
بالنسبة للتنظيف الذاتي أول مرة أسمع المصطلح دة منك ولكن مفيش حاجة أسمها تنظيف ذاتي أنتي بكل بساطة كل أسبوعين هتفكي حتتين بلاستيك كدة وهتشتطفيهم بمياة دافيه كويس وتسيبيهم ينشفوا في حتة ظل وتركبيهم غير كدة في نظافة دورية تقريباً كل سيزون صيف بيجي بتوع الصيانة يعملوهالك ببلاش في ربع ساعة .
شكراً جزيلاً على رد حضرتك AshTurbo
كلام الشركة: فرق السعر بين 2009 و 2010 لشارب 2.25 حصان سبليت حوالى (300 ~ 350) جنيه ، الميزه فى الـ 2010: يحتوى على تنظيف ذاتى !
انا مش عارفه ايه التنظيف الذاتى ؟ وهل يستاهل دفع الفرق ؟ ولا مجرد دعايا تسويقية؟
بالنسبه للبارد و البارد/ساخن ، انا سمعت أن الساخن نوعين:
1- يعتمد على عكس دوره الهواء فى التكييف: وهذا يؤدى الى قصر العمر الافتراضى للتكييف ! انا مش عارفه الكلام دا صح ولا مش صح؟
2- يعتمد على وجود Heater أو مسخن أو دفايه ، لتسخين الهواء: وهذا لا يؤثر على العمر الافتراضى للتكييف؟
يا ترى شارب 2.25 اى واحد من هؤلاء؟ وهل فعلاً الساخن يؤثر بالسلب على كفاءة وعمر التكييف؟
انا عندى كاريير سبليت 3 حصان سخن/بارد سبليت ، شغال معايا شتا وصيف كويس، بس كل سنه مع بدء الصيف لازم اعمله صيانه وتزويد فيريون، لكن الحقيقه بيكمل معايا الصيف بدون أى مشاكل، صوتع عالى شويا!
الكل بينصح بشارب وانا ناويه اشترى شارب إن شاء الله
الشكره لما سألت على 2.25 اسبلت كان المتاح عندهم:
1- بارد فقط موديل 2009
2- بارد/ساخن موديل 2009
3- بارد فقط موديل 2010 - بخاصية التنظيف
4- بارد/ساخن موديل 2010 - بخاصية التنظيف
وانا محتاره بين هذه الموديلات؟
سؤال كمان: كمبروسور الشارب صناعه ايه؟ أنا سامعه أن الى فى السوق حالياً صينى؟ ولو صينى كفائته ايه؟
والله اخر مره كنت باضبط حاجه عندي في التكييف الراجل الفني قاللي ان شارب مش زي الأول لأنهم غيروا مكوناته و كان مبسوط اوي من تكييف ال جي