الموضوع: محتاج علاج للحر !!!

طيب ليه حضرتك مستبعد كارير ؟؟

المشاركة الأصلية كتبت بواسطة kangaro

طيب ليه حضرتك مستبعد كارير ؟؟

مش مستبعده ولا حاجة

بس بعد السؤال لقيت دول احسن نوعين في السوق

المشاركة الأصلية كتبت بواسطة dramir1

انا عندي تكيفات البيت كلها شارب اكثر من رائع لكن ماجربتش السامسونج
اهم حاجه في شارب 5 سنوات ضمان حقيقي وفي دخلة الصيف بكلمهم بيعملو التنظيف مجانا ولكن في موجة الحر السابقه كل التكيفات كانت مش عامله تبريد قوي زي الايام العاديه .....الحقيقه مش عارف اللي عندهم سامسونج حسو بالفرق ده ام لا؟؟؟؟؟؟؟؟؟؟؟

مهندس التكييف اللي بيبيع السامسنج والشارب

قال ان السامسنج كان الوحيد اللى قدر على موجة الحر الرهيبة الاخيرة

دخلت على الانترنت لاقيت مكتوب ان التكيف فيه كباس استوائى بيتعامل مع درجة حرارة توصل الى 60 درجة

بس انا عايز رأي ناس جربت بنفسها لان دايما كلام الدعاية جميل

الشارب مكتوج في المانيوال أنه يعمل بكفاءة لحد 55 درجة مئوية وكان شغال بشكل ممتاز في موجه الحر اللي فاتت وخدوا بالكم أني في أمواج حر جاية خاصة من الهند ويمكن تكون أقوى من اللي قبلها .

طيب هو تكهيف كارير او يونيون اير مش بيدو تبريد افتكر مصر كلها مركبة كاريير او يونيون و بيدي برودة شديدة و حضرتك لو بصيت علي المحلات هتلاقي اغلبها كاريير او يونيون اير

المشاركة الأصلية كتبت بواسطة noramagdy

ممكن حضرتك أعرف الفرق بين موديل 2009 و 2010 فى شارب 2.25 حصان (بارد/ساخن) اسبليت؟ وايهما أفضل؟
والأفضل "البارد بس" أم "البارد/ساخن"؟
وايه موضوع التنظيف الذاتى؟ ولا دعايه تسويق وبس؟

مفيش فرق شاسع كل الأختلاف في خاصية توزيع الهواء على مناطق معينة وشاشة أل سي دي بيبقى عليها درجة الحرارة ودي موجودة على الريموت عادي يعني حاجات مش هتفرق مع حد وتوفري 400 جنيه فرق في جيبك بس المشكلة دلوقتي هل هتلاقي الموديل القديم ولا لأ لأن الضغط كان جامد على المكيفات السنة دي بالذات فأنتي ونصيبك ولو ملقيتيش هاتي الجديد عادي أهي تكنولوجيا جديدة بردوا .

بالنسبة لسؤالك هل البارد بس أفضل ام البارد ساخن دي حاجة ترجعلك طبعاً ومتنسيش أختلاف الأسعار ولو دورتي كويس هتلاقي أسعار كويسة أنا كان ممكن آخد جهاز شارب 3 حصان بارد سخن ب 5200 جنيه يعني فرق عن جهازي 200 جنيه ومع ذلك محبتش الفكرة دي خاصة أن ممكن في الجو في الشتاء ممكن يكون ساقع وأحنا نقعد في البيت في جو دافيء بعد كدة نيجي نطلع في الساقعة يجيلنا برد على طول .

بالنسبة للتنظيف الذاتي أول مرة أسمع المصطلح دة منك ولكن مفيش حاجة أسمها تنظيف ذاتي أنتي بكل بساطة كل أسبوعين هتفكي حتتين بلاستيك كدة وهتشتطفيهم بمياة دافيه كويس وتسيبيهم ينشفوا في حتة ظل وتركبيهم غير كدة في نظافة دورية تقريباً كل سيزون صيف بيجي بتوع الصيانة يعملوهالك ببلاش في ربع ساعة .