ارجوكوااا وسعوااا للاسعاف !!!!!!!!!!

**الغزالى** · 25-06-2010 03:50 AM

انا لاحظت الفترة الى فاتت دى ان لما يكون فى عربية
اسعاف الناس مش بتوسعلها بل بالعكس دول ممكن
يزنقواا عليها عشان يعدوا هما الاول
والموقف دة حصل قدامى شخصيا سواق ميكروباص زنق الاسعاف
عشان يعدى هوا الاول ودة انا بشوقة قمة الغباء
اولا ممكن الاسعاف يبئى جاى طاير لو فى حالة طارئة او مستعجلة
واكيد ان الاسعاف هايجيى طاير عشان يلحق الحالة الى معاه او الى رياح يجبها يعنى ممكن يطيرك انت وعربيتك والى فى عربيتك ( بعد الشر يعنى )
المفروض لو احنا دولة محترمة سواء الاسعاف او الشرطة او متسمع السارينة بتاعتها تركن على جنب على طول متفركش اساسا تعمل حاجة غير كدة لان انت لو فى يوم من الايام رحت دولة الناس فيها بتحترم قوانين المرور وبتخاف على راوح مواطنيها وانت مركنتش انت هاتتنفخ
بس بما اننا هنا الحمد مش بنتحرم اى حاجة فى اى حاجة
ياريت دى تكون الحاجة الوحيدة الى نحترمها ونقدر حالة الى موجود فيها لان ممكن فى يوم من الايام انا ,, انت ,, هو ,, هى
اى حد يكون مكان الى نايم تعبان فيها
ارجوكم يوم اما تشوفوااا الاسعاف وفيها حالة او مشغل السرينة
اركن على جنب وان مأمكنش انك تركن عديها عديها بأى طريقة
وفى الاخر طبعا بعد الشر على اى حد بس فعلا بيكون موقف مستفز ورخم جدا
واسف لو طولت عليكم

**2faster** · 25-06-2010 04:10 AM

الصراح دا المفروض يحصل بس ولا حياة لمن تنادي

الناس دي مكبرة دماغها بشكل فظيع

يعني هو ميعرفش اللي في العربية ده مين ممكن يكون ابوه او امه او عمه او خالته

وهو في الشغل مايعرفش ايه اللي حصل في البيت مثلا

فياريت الناس تخلي عندها شوية دم وتوسع للاسعــــــــــــــــــــ ـاف

وشكرا لطولة بالكم علي كلامي

**amr.elsayed** · 25-06-2010 04:28 AM

انا عملت حادثة علشان وسعت للاسعاف ... ويوم ما عملت الحادثة قولت لنفسى بعد كدة مش حوسع لاسعاف
لكن طبعا مش بقدر موسعلهاش لانى بفكر فى المريض اللى جواها ممكن ثانية تاثر معاه
اهم ما فى الموضوع انك ما تستعجلش وتوسع لأ وسعلها بتأنى وعلى مهلك علشان مايكنش اللى راكب فيها اتنين

**د.محمود صلاح** · 25-06-2010 07:16 AM

في عمان ... الناس بتوسع بكل وعي وبتركن على جنب كمان ... والطرق اللي بيمشي عليها الإسعاف بيتشال من عليها أي مطب .

بحكم عملي ركبت مرة جنب سواق اسعاف ومعي حالة هوصلها لمستشفى

والدنيا كانت زحام موت في عز الظهر , وبكل ادب واحترام شغل السارينة شوية والناس وسعت تماما وتوقف الطريق تماما ليدعنا نمر , والله عيني دمعت على حال مصر

**ahmedbasto** · 25-06-2010 09:23 AM

كلام صح مليون فى المية يارب نعمل بى

**محمد بلال** · 25-06-2010 10:13 AM

كلام سليم 100%
انا حصلتلى حادثة وكانت بنتى هى اللى اتصابت وكنت فى الاسعاف وشفت منتهى اللامبالاه من الناس الغير متحضرة

**Eng.Geo** · 25-06-2010 11:08 AM

عندك حق طبعا
و أتخبطت قاصد عشان أوسعلهم
تخيل ان في واحد ممكن يموت بسبب لحظات تأخير منك
كنت في شارع ابو قير في أسكندرية وعلي اليمين وعلي شمالي عربية والأسعاف ورا والشارع واقف فكان لازم الأسعاف يا خدله سكة من الشمال
فدخلت أقصي يمين عندي وكان يميني في ميكروباص دخلت لمسته سنه وبتاع الميكروباص هو اللي كان بيشاور
واللي علي يميني جه عليا جامد بس الالمسافة متعديش الأسعاف برده
قمت قايله أخبطها وخلاص مش مشكله بالنسبالي
وبرده هو كان راجل متفاهم وحاسس باالموقف ودخل خبطهالي حاجة بسيطة وأتصلحت ب20 جنيه
والأسعاف عدي الحمد لله
بس انا بقي عليا حاجة مش عارف هي صح ولا غلط
لما يبقي في اسعاف بيجري
أقوم لازق وراه ..... بيبقي الطريق وراه لووووز ..... طيارة :)

**الغزالى** · 25-06-2010 07:43 PM

المشاركة الأصلية كتبت بواسطة Anxs111

صح مليون في المية

شكرا على مرورك يا باشا وشكرا على موافقتك الراى معى

المشاركة الأصلية كتبت بواسطة 2faster

الصراح دا المفروض يحصل بس ولا حياة لمن تنادي

الناس دي مكبرة دماغها بشكل فظيع

يعني هو ميعرفش اللي في العربية ده مين ممكن يكون ابوه او امه او عمه او خالته

وهو في الشغل مايعرفش ايه اللي حصل في البيت مثلا

فياريت الناس تخلي عندها شوية دم وتوسع للاسعــــــــــــــــــــ ـاف

وشكرا لطولة بالكم علي كلامي

معظم الناس فعلا بئت مكبرة دماغها الا من رحم ربى
غير كدة والله ولا الدموع
وشكرا على مرورك