الموضوع: مش ممكن كده؟؟؟؟؟؟؟ عايزين نعمل حاجه.....

فيه حلول بس مستحيلة التنفيذ

اولا 90% من اللى معاهم رخص طلعوها بالواسطة و بالتالى مبيعرفوش يسوقوا اساسا يبقى لازم يتعمل اختبارات سواقة للكل من اول و جديد و باصول صحيحة عشان اللى مبيعرفش يسوق يقعد في بيتهم و ميبليش الناس

90% من شوارعنا معمولة غلط اساسا.. لاحظ مثلا كوبرى الفردوس على صلاح سالم و انت ماشى فى اتجاة القلعة... منزل الكوبرى مواجة للاتجاة العكسى اساسا و بالتالى اول ما تنزل من الكوبرى تلاقى الرصيف اكل الحارة الشمال و دى بتسبب مشاكل كتير على الطريق

90% من شوارعنا مفيهاش اشارات مرور و بالتالى المرور بيبقى بالفهلوة ساعات و بالدراع غالبا

90% من اشارات المرور لا تعمل و ان كانت تعمل تلاقيها لا تحترم و الناس اما ماشية بمزاجها او حسب تعليمات العسكرى اللى ميعرفش الاشارة من كوز الذرة

90% من المشاه ماشيين فى نهر الطريق و بالتالى اللى سايق بيبقى تركيذة فى مليون شخص ماشى على رجليه... اللى بيعدى و االى بيرغى واالى بينط من اتوبيس و اللى بيعدى عشان يلحق ميكروباص و اللى عامل عبيط... الخ

90% من اللى سايقين اما ماشيين اكتر من السرعة القانونية بكتير زى المكروباصنجية او الشباب الصغير و اما اقل من السرعة القانونية بكتير زى الكبار فى السن و التكسجية اللى راكبين عربيات توفت من زمااااااان

تفتكروا بعد ما 90% من كل حاجة غلط... ممكن يبقى فيه حاجة صح؟؟؟؟؟؟؟؟؟؟؟؟؟

اما نظريات السواقة اللى قولتوها فا صح جدا... زمان بالبيتلز كنت برمى على ناس بشيروكى و اتوبيسات ولا بيهمنى... دلوقتى الناس بترمى بلاها عليا

لما بسوق محترم و ابن ناس الاقى الكل عايز يطلع فوقيا و اللى يرمى و اللى يهبب... لكن لما بعمل مجنون فى وسط الشارع الكل بيبقى زى الفران

الستات بطبيعتها مبتعرفش تقدر مسافات كويس خصوصا للاجسام المتحركة و دة مش كلامى دى كانت دراسة علمية... بس فى النهاية احنا مش فى سباق فا الالتزام بقواعد المرور حيسهل الموضوع على الكل و الرجالة بصراحه (خصوصا المكروباصنجية و التكسجية) بيتعمدوا يدايقوا الستات فى السواقة

MMamdouh