مش ممكن كده؟؟؟؟؟؟؟ عايزين نعمل حاجه.....

**emam** · 20-02-2008 10:56 AM

المشاركة الأصلية كتبت بواسطة hamdy

اكيد يا دكتور فيه حل تملي
اننا نبيع العربيات و نقضيها مشي و خلاص بس انا ساعتها خايف يفرضو ضريبة علي مقاس الكوتشي اللي احنا لابسينه ويرجعوا يقولو الدعم لكوتشيات المصريين مستمر :d

:D:D:D:D متخفش يا استاذ حمدى ساعتها هيصرفوا (قبقاب) لكل مواطن عشان يستحمل الاسفلت وكمان يعمل طرقعة بدل الكلاكسات - بالمناسبة هو حضرتك شغال فى باتا ولا ايه

- بهزر طبعا اوعه تزعل

**hamdy** · 20-02-2008 11:02 AM

مقبولة منك يا امام باشا
ولو عايز كمان جوز صيني موجود في باتا :D
:D:d

**emam** · 20-02-2008 11:07 AM

:d:d ومالة يا حمدى باشا ياريت تخليه جوز هند احسن - عشان عيزين نعمل صينية كنافة فى البيت أصل الواد مصطفى نفسه فيها:d:d

**aif** · 20-02-2008 01:51 PM

بجد يا جماعة الموضوع مش غامق اوي كدة
اعتقد اننا كلنا كمصريين وعايشين في مصر قد تكيفنا الي حد بعيد مع كل ما يجري حولنا سواء من المرور او النظافة او النظام او الحياة بشكل عام وخاصة سكان القاهرة
انا رأيي ان الانسان كائن متكيف خلقة الله وخلق معه المقدرة علي التكيف والتأقلم علي اي ظروف وده عن تجارب كتير
المهم اننا نعمل اللي علينا ونحاول نتأقلم ونتكيف ولا نتعصب اكثر من اللازم علشان نحافظ علي انفسنا من امراض العصر الحديث

**Xpert** · 20-02-2008 02:22 PM

هع هع .. الموضوع كل مدي في الشددان ..
تعليقاً علي الاخت علا .. احب اقول لاء .. مش سواقيت الميكروباص و اللنقل و التاكسي و بتوع المحور بس .. ده انا كمان خطرعلي الامن العام ... يوم ما بنزل بعربيه باشيًب الطريق كله ههه
تعليقاً علي الاخ توتعنخ امون .. احب اقول .. يا باشا دي كانت فكرتي برضه فكره القنبله النوويه .. مع اختلاف التطبيق .. انا كنت عاوز قنبله نوويه تشيل الشعب المصري كله .. و بعد كدخ نستورد شعب جدبد (يكون ماركه .. مش صيني ..) .. لاءن اللي ربك ابتلاك بيه .. ابتلاني بيه برضه ههههه ..

**dr.amr** · 13-02-2010 04:02 PM

up up up
هل رأي الاعضاء تغير بعد حوالي سنتين ؟ :)

**aymenseef** · 13-02-2010 04:53 PM

المشاركة الأصلية كتبت بواسطة dr.amr

up up up
هل رأي الاعضاء تغير بعد حوالي سنتين ؟ :)

انا شفت حل ممكن نطبقه
شويه شباب ف مصر الجديده عملو كمين مع نفسهم فى شارع جانبي بيدخل منه الميكروباصات لما الشارع بره يكون واقف وطبعا كانو بيحكو فى العربيات اللى راكنه وكلاكسات وقرفهم اللى كلنا عارفينه
الشباب دي عملت حواجز لمده اسبوع واي ميكروباص يعدي ينزلو السواق وهاتك يا ضرب ومن ساعتها مفيش ميكروباص بيعدي من هناك
احنا ممكن نعمل كده فى اوقات الفراغ نتفق وننزل نعمل كمين واللى مش ماشي مزبوط يضرب ولو مش عاجبه تتكسر عربيته

**romeo_6887** · 13-02-2010 05:10 PM

ابتسم انت في المحروسه
و الله يا دكتور هو في حل
اننا نغير من نفسنا هنتلاقي كل حاجه بقت تمام
" و الله لا يغير ما بقوم حتي يغيروا ما بأنفسهم "

**M.Mosaad** · 13-02-2010 05:27 PM

طول ما الشعب المصري كله مهم و وراه مشاوير مهمه عايز يلحقها مفيش حل
طول ما اي حد عايز رخصة يطلعها و يمشي يسوق مفيش حل
طول ما في مسئولين معندهمشي اي دراسه او خبرة او شهادات و هما المسئولين عن اتخاذ القرارات الغبية مفيش حل
طول ما كل الوزارات و المصالح الحكوميه في وسط البلد مفيش حل
طول ما كل واحد راكب عربيه بكام الف ملطوش فاكر انه راكب فيراري و ان العربيه وظيفتها انها تجري و تجري و يبقي اسرع من الكل مافيش حل
طول ما في ناس مش فاهمه فايدة حزام الامان و الاير باج و عوامل الامان مفيش حل
طول ما فايدة قانون المرور انه يجمع فلوس بدون توعيه او تربيه حس مروري عند الناس مفيش حل

-

الموضوع: مش ممكن كده؟؟؟؟؟؟؟ عايزين نعمل حاجه.....

LinkBack

أدوات الموضوع

عرض

-

-

-

-

-

-

المواضيع المتشابهه

عايزين نعمل فطار جماعى

عايزين نعمل مقابلة

عايزين نعمل دروس تعليميه

عايزين نعمل مشروع مع بعض

عايزين نعمل شات (حمله عايزين شات في نايل موتورز)

الكلمات الدلالية لهذا الموضوع

المفضلات

المفضلات

ضوابط المشاركة