الحل بسيط جدا على فكرة
الحل اننا نسيب البلد و نهاجر
ملهاش حل غير كده
عرض للطباعة
الحل بسيط جدا على فكرة
الحل اننا نسيب البلد و نهاجر
ملهاش حل غير كده
من الأخر ملهاش حل
بص يادكتور عايز تستمتع بالعربيه بتاعتك وتمشي برحتك حول كل شغلك انه يبتدي الساعه 1صباحا حتي السادسه صباحا انا مبخرجش دلوقتي الا الساعه 1 صباحا ومعظم عملائي خدوا علي كده وبيستنوني اعتقد انه ده الحل الأمثل بس يارب محدش ياخد باله من اللي انا قلته ويعمل كده احسن مش هانعرف نمشي صبح ولا ليل
حضرتك أنا جيت القاهرة من كام يوم لقيت السواقة صعبة أنا أصلا من طنطا..
لقيت الناس مش واخدة السواقة بلطجة لا حرب و كل واحد يلحق مكان ..
لا حول ولا قوة إلا بالله
دى ثقافة شعب ......
الدور علينا نتغير ونغير الاجيال الجية ....
الحل انك تشترى عربية تكون ناشفة وتكون قديمة ويفضل موديلات الجولف وامشى بنفس مبداهم حيتلموا على طول
دية هى الخلاصة بقدر الآمكان نحاول نتكيف نحاول نتعايش نحاول منتعصبش علشان الضغط وصحتنا ما تروحش بلاش . أنا بقول الكلام دة وللأسف بردة الواحد ما بيقدرش يمسك نفسة قوى فى كل المواقف لكن بعض المواقف الواحد بينفض والباقى حاجات بتفور الآعصاب لكن ما فيش أحسن من أن الواحد يحاول بقدر الآمكان يضبط نفسة ومايتعصبش
بعض الحلول
1 - بقدر الآمكان أحاول أمشى بدرى الصبح يعنى قبل الساعة 7 وأرجع وقت المغرب بعد المغرب بالكتير قوى تكون الدنيا هديت شوية
2 - أحاول أدور وأمشى فى شوارع هادية شوية بعيد عن الزحام بقدر الآمكان بالتأكيد هيكون فى زحمة بس تكون معقولة هو ممكن تكون أطول شوية لكن أحسن وأروق أنا فى طريق المريوطية وبتجنب أمشى من فيصل أو الهرم وبمشى مريوطية دائرى المنيب وبعد ما عملوا المحور المريوطية بقيت أطلع علية علشان أرتاح شوية من أرف المريوطية بس للأسف بمشى علية مشوار طويل شوية لغية نزلت صفط اللبن على الدائرى القديم وألف من تحت وأرجع تانى أخد نزلت المريوطية لآن للأسف محور المريوطية مش عملين علية نزلة على المريوطية
الخلاصة بقدر الآمكان الهروب من الزحام . والله المستعان