حتى دول مش برفكت وفيهم عيوب من وجهة نظر بعض الناسالاخوه الاعزاء انا اشتريت صنى 2010 منيوال من اسبوعين وفيه شويه حاجات لاحظتها ما كانتش موجوده عندى فى العربيه الصنى القديمه ( كانت موديل 1999 منيوال يابانى )
اولا الف مبروك وربنا يحفظك ويحفظهالك
وعايز كل واحد معاه صنى منيوال يدخل ويشارك علشان تعم الفائده ان شاء الله
فكرة كويسه انا برضة عربيتى مانيوال 2010
اولا
التدوير صباحا
بدأ الاداره صباحا عمليه المفروض انها بسيطه لكن عمرها ما بتدور من اول مره علما بانى مش لاقى فى الكتالوج اى معلومه عن بدا الادراه ( العربيه القديمه كنت تكارك مرتين وترفع رجلك عن البدال لو بارده -- وتدوس دوسه خفيفه لو سخنه )
العربية بتدور من اول مرة ولا بكارك ولا حاجة وبتدور لوحدها واعتقد متجيش جنب البنزين اساسا قبل متدور لان ممكن دة هوة الى بيعملك المشكلة اما لو استمرت المشكلة دى خلى التوكيل يشوفهالك
ثانيا
البنزين
العربيه بالتجربه فايقه اكتر فى بنزين 90 عكس المتوقع -- لما باحط 92 باحس ان العربيه بترعش وبتعمل كيلومترات اقل فى ال 92 مع ملاحظه ان مافيش معلومه فى الكتالوج عن الاوكتين الموصى به
انا بحط 92 ولا بترعش ولا حاجة و مجربتش ال90 معاها بس فعلا ملحوظة ان ال90 بيستهلك بنزين اقل انا لاحظتها فى عربيتى القديمة السوزوكى سويفت وعموما لو ال90 ماشى معاك فل يبقى قشطة
ثالثا
التكييف
لما بيشتغل بيعمل صوت ونه مسموعه لما بتكون ماشى على الاول او واقف فى اشاره تختفى عنى توقف الكباس ( الكمبريسور ) عن العمل وتعود بصوت مسموع عند اعاده تشغيل الكباس -- فى السرعات العاليه لا يظهر هذا الصوت لان صوت الموتور بيكون عالى
هو طبعا عادى ان الكباس لما يشتغل يبقى فيه صوت بس لو حاسس ان الصوت ده مش طبيعى خلى التوكيل يشوفهولك
رابعا
العفشه
العفشه متماسكه بس ناشفه جدا خصوصا قدام وبتحس بترزيع -- زى مايكون فيه حاجه مفكوكه فى علبه الدركسيون
فية فرق ان العافشة ناشفة دة معناه ان لما بتقع فى مطب بتحس بخبطة المطب ودة سببة ان المساعدين و السست لسة جديدة كل ملاك الصنى اجمعوا ان العفشة بتلين بعد 5000 او 10000كم اما انك تحس بحاجة مفكوكة فى علبة الدركسيون لا طبعا دة ملوش دعوة بالعفشة الناشفة
خامسا
الانوار الاماميه
حاسس انها عاليه جدل لدرجه ان النور العالى لما افتحه مش باشوف الطريق من كتر ما هو عالى بزياده
النور لة درجتين الواطى علشان يكشفلك قدامك والعالى علشان المسافات البعيدة والاتنين دول نورهم كبير طبعا دة بخلاف النور الصغير عموما تظبيط الانوار سهل
سادسا
الدبرياج
حاسس انه عالى عن الطبيعى -- وشفت كذا شكوى من ناس عندهم عيب اسطوانه - فهل هم ما اخدوش بالهم من عدم ضبط الدبرياج من اول ما اشتروا ؟
وهل يمكن ضبط ده عند صيانه الاف المجانيه ؟
طبعا الواحد المفروض بيشترى عربية جديدة يعنى مختبرة ومظبوطة مفيش حاجة اسمها اظبط دبرياج بعد ماشترى عربية زيرو وموضوع ان الدبرياج عالى او واطى مفهوش مشكلة كل عربية مانيوال حتسوقها حتحس ان دبرياجها مختلف انت لما حتاخد علية حتحس انه عادى وانا مشفتش حد عندة عيب فى اسطوانة بصراحة يمكن علشان معظم الى اعرفهم جايبين اوتوماتيك يمكن
سابعا
صيانه الالف
انا عملت 1500 كم للان ولسه ما عملتش صيانه الالف- قلت استنى لما اطلع كل الملحوظات قبل ما اروح -- تنصحونى اعملها فيه احسن مكان ؟
قريت من الاخوة الاعضاء فى المنتدى ان السبع كويس بس انا من اسكندرية فمعنديش تجربة شخصية معاه واحسن تروح تعمل الصيانة دلوقت علشان لو فيةمشكلة تتعالج ولا تتفاقم
وهل فيه مشكله انى استنى لغايه 2000 كم ؟
يعنى مش عايزين التوكيل يتلكك بس هو توكيل نيسان محترم جدا وبعد الصيانة بيكلموك على المحمول ويسالوك عن مدى رضائك عن الخدمة
ياريت اللى عنده تعقيب او رد على النقاط المطروحه يرد ويعرفنى ممكن اعمل ايه وخصوصا المهندس سبعاوى والناس الخبره فى منتى نيسان الرائع
على فكره انا مش متضايق من العربيه بالرغم من الملاحظات الصغيره لانى كل شىء بسعره واللى عايز ياخد حاجه برفكت يشترى كرولا او اوكتافيا ب 150 الف -- ده للناس اللى ناويه تدخل تقطم فى العربيه وتطلعها مالهاش لازمه
تحياتى
طبعا متضايقش انا عن نفسى شايف انها احسن عربية فى السوق ضمن فئتها بسعرهايعنى افضل قيمة تحصل عليها مقابل ما تدفعه
المفضلات