-
اخر مشاكل الريجاتا
السلام عليكم ورحمة الله وبركاته
والله يا جماعة الواحد بقي مكسوف كل شوية حاجة بايظة واسئلة ومواضيع معلش استحملونا ولكم الاجر عند ربكم
اخر ( ويا مسهل يارب تكون اخر) مشكلة دلوقتي في الريجاتا
العربية علي الدائري والطريق مفتوح بتيجي لحد سرعة 80 وتتقل جدا ومش عايزة تعديها وبالعافية تجيب 90 وادوس بنزين اكتر تفضل تعافر معايا والموتور تحس ان صوته مكتوم دون اي تقدم في السرعة يستمر الحال علي كده يمكن دقيقة اقل او اكثر وفجأة صوت خبطة وصوت الموتور يتعدل والعربية تشد وتجيب ال 100 و 110 بمنتهي السهولة
تفتكرو ايه صوت الخبطة دي ؟
وايه السبب في كتمة العربية كده ؟
مع العلم اني لسة مغير فلتر هوا وبنزين من اقل من شهر
ولكم جزيل الشكر علي تعاونكم
وجزاكم الله خيرا
والسلام عليكم ورحمة الله وبركاتة
-
-
ايه اللي في الشكمان يأثر علي السحب
شكرا علي مرورك الكريم ومحاولتك في حل اللغز الغامض الذي استعصي علي 21 عضو حتي الان
-
-
كانت عندى نفس المشكلة السيارة تمشى حلو الاولانى والثانى والثالث كويس بجيب به بسرعه 80 كيلو لكن لما اجيب الرابع علشان ازود السرعه متجيبش حتى لو زوت بنزين لما فتحت الكبوت وجدت احد البوجيهات مفكوك ركبته السيارة مشيت كويس
ابدأ تنظيف البوجيهات كويس وشوف النتيجة او غيرهم وريح دماغك
-
على فكرة سيارتى ريجاتا برضه
كان من الافضل وضع مداخلتك فى مالكى ومحبى الريجاتا هيفيدوك افضل نظرا لان السيارات واحدة
-
بص على البوجيهات
ونظف الكربراتير بالمره
-
اول حاجة بس باريت تحدد صوت الخبطة دية بتيجى منين ؟
فى الاول والتانى هل العربية سحبها كويس ؟
ياريت تشوف فية سخونة على الجنط ولا لأ ؟
وهل بتعمل معاك كل مرة كدة يعنى تفضل ماشى وبعدين فجأة تروح مدية صوت الخبطة دة والعربية بتسحب بعديها ؟
-
بيكات السلانسيه والكربيراتير عموما مش مظبوطه او الكوندينسر والأبلاتين والبواجى والسلوك بتاعتها لازم تتفحص
و الخبطه دى مش خبطه ولا حاجه دى بيقولو عليها بلهجه الميكانيكيه بتعطس وبعد العطسه بتفتح
-
نضف دورة البنزين بداية من التنك واغسله كويس ونضف بكات الكاربتير وان شاء الله تتحل مشكلتك
Content Relevant URLs by
vBSEO 3.6.0 PL2