الحمد لله أخيرا وبعد طول انتظار
حدث بالأمس الحدث التاريخى ولأول مره فى تاريخى ايضا
استلمت الساجا من توكيل عز العرب فرع مدينة نصر
وذلك ظهر يوم الخميس الموافق 24 / 6 /2010
العربيه لونها أسود ميتالك أوتوماتيك
طبعا الحمد لله

بصراحة العربيه جميله وكويسه جدا فى المطبات وسحبها كويس
طبعا انا مش هقدر اقول تفاصيل لانى لسه ما مشيتش بيها
بس الحمد لله شيكت على التكييف و الاشارات والكاسيت ومعظ الزراير
استلمتها كانت عامله خمسين كيلو
طبعا اخدتها فولتها
والحمد لله سوقتها اول ما خرجت بيها من التوكيل كانت جميله
مشيت بيها شويه واديتها لصديقى أشرف الجوهرى يكمل بصراحه انا تعبته معايا جامد

واتوجه بالشكر لكل الناس اللى ساعدتنى سواء من المنتدى هنا او من بره

واخص بالشكر
ا/ايمن طبعا بعد ما شيك عليها بنفسه ومتابعته لينا
وطبعا أ/عمرو اللى فعلا جه معايا وعمل تشيك جامد للعربيه رغم انه كان مشغول

ومقدرش انسى محمد عماد اللى كان متابع موضوع العربيه عن قرب واهتمام
وطبعا كان هيجى معايا لولا ظروف سفره

واحمد فتحى السجاوى السابق
واللى كان نفسى ونفسه اننا نكون مع بعض واحنا بنستلم
لكن ظروف الشغل ومواعيد التوكيل بقى الله يسامحهم
لكن الراجل كان متابع معايا خطوه خطوه لحد ما ركن عربيته جنب عربيتى وسابهم يونسو بعض

وطبعا مقدرش انسى ""مش بمزاجى يعنى "" العضو mosho محمد عبد الصبور
واللى كان معايا مش خطوه بخطوه لأ مللى بمللى واللى كنت مطلع عينه لحد ما جبت العربيه ""وهفضل مطلعها برضه يعنى """ قدرك بقى ولا فى اى اعتراض

وطبعا باتوجه بالشكر لكل اعضاء بروتون لأنهم كلهم ساعدونى سواء بطريقه مباشره او غير مباشره
بجد انا بشكركم كلكم وجزاكم الله خير الجزاء

وأدعولى كلكم ربنا يباركلى فيها ويكفينى شرها
وتكون معين دايما ليا على الخير و تبعدنى عن الشر
الحمد لله رب العالمين


وان شاء الله اتابعكم بانطباعى عنها يوم بعد يوم