الموضوع: عدة مشاكل وياريت الحل علشان لو ملهاش حل هبيع العربيه

على فكرة انا بتكلم بجد هبيع العربيه لو مفيش حل المشكلة الاولى :

العربية على السلانسية يوجد بها رجه علما بان لسه مغير فلتر هواء وبنزين ونظفت الحساس الايدل وعملت ايدل ليرن ولسه مغير بوجيهات ngk وسلك بوجيهات و مغير كمان موبينه وعلى فكرة الموضوع ده مكنش موجود قبل كده والعربيه موديل 2003 فول اوبشن وعاملة 95000 كيلو متر ياريت الحل لان الموضوع مضيقنى جدا جدا.

المشكلة الثانية : صوت الموتور عالى مع العلم العربية كان صوتها قبل ما اغير ديسك واسطوانة كان اهدى بكتير وطبعا تابع هذا الميكانيكى لعب فى الغيارات واصبح الغيارات تقيله والمشوار بينهم كبير ياريت اعرف الحل لان انا مابحبش امشى بالعربية وصوتها عالى.

المشكلة الثالثة : انا لسه مغير كاوتش هانكوك كورى نفس المقاس الاصلى للعربية وكمان غير بطحات وبرات دريكسيون بعد ده العربية قعدت كام يوم كويسه وحسيت انى راكب تويوتا ناعمة اوووووووى بس بعد كده لقيت العربيه خشنة فى المشى وساعات بسمع صوت خبط من الامام والخلف فى بعض المطبات والبعض الاخر لا مع وجود تقل فى العجله الشمال وصوت نحر فيها ياريت الافاده لان اكتر حاجة فعلا بتضيقنى العفشة بتاعت العربيه ويمكن هو ده السبب الرئيسى فى بيع العربيه.

ارجوا الرد واكون متشكر جدا لكل الاعضاء بس ياريت الرد يكون من واقع تجربة ومعرفة جيدا بالاعطال وانا اعلم ان المنتدى به استاذه فعلا وهذا ليس مجامله وارجوا ان اكون قد لا اطلت عليكم انا فى انتظار الرد ولو يوجد اخصائى فى اى مشكله من المشاكل ارجوا اعطائى العنوان واكون متشكر.

المشاركة الأصلية كتبت بواسطة محمد الشامي

والله انا شايف ان المشاكل دي مش مستاهله انك تبيع العربيه ولا حاجه !! وبعدين مفيش حاجه ملهاش حل بإذن الله :-)


انا هقولك رأيي في كلام حضرتك واحده واحده , وده مجرد رأي



ده ممكن يبقا الأيدل باظ او البوبينه الجديده فيها مشكله مثلا , ولو روحت لكهربائي كويس هيقدر يعمل اختبارات على الاتنين ويقولك على الحل



اعتقد ان حضرتك جبت المفيد لما قولت العربيه كانت غير كده قبل تغيير الديسك والأسطوانه , وده معناه ان احتمال الميكانيكي افتى شويه في التركيب او شغله مش نضيف وبالتالي قفل شغله غلط , وغالبا لو رجعتله عشان يشوفلك ايه المشكله ممكن يقدر يحلها , مع افضل انك تغير الميكانيكي خالص لو امكن في حال انك تتأكد من قله نضافه شغله



الأصوات وكل الكلام ده ربما يكون العفشه محتاجه تربيط , لكن بالنسبه لتقل العجله الشمال فإحتمال تكون زوايا , وبردو ممكن عفشجي كويس يبصلك بصه على الدنيا ويقولك ايه الحكايه

الموضوع والله مش محتاج بيع ولا اي حاجه , كل اللي حضرتك بتقوله بسيط ومقدور عليه بإذن الله

الف شكر يا باشا انا عارف انك استاذ لانك انت الوحيد اللى رديت عليا فى موضوع علبة الكانستر بتعاتى افتكرتنى بس كلمك موضوعى الى حد ما بس لو عندك حد ثقة تقدر توصفهولى اكون متشكر ليك جدا واستفسار على الماشى ايه رايك فى زيت موتور شيل هيليكس اتش اكس 5 وشكرا