اقتباس:
المشاركة الأصلية كتبت بواسطة AngelicCore
للاسف اختلف معاك يا محمد باشا
ماهي لو الصنايعية عندها معرفة كان اللي غير فلتر التكييف أو الهوا خد ثانيتين زيادة من وقته عشان يثبت الخرطوم.
أو حتى ضمير.
دى ضريبة انك روحت لواحد بطيخة من الاول... لو كنت رحت للى اخد 20 جنية فى تركيب الخرطوم عشان يغيرلك الفلتر كان حياخد ال20 جنية برضة
انت روحت لواحد مبيفهمش فا اخد منك فلوس على شغلة و عملها غلط... و بعد كدة انت روحت لواحد بيفهم عملك الصح... مينفعش تلوم علية انه اخد فلوس فى تصليح وضع غلط كان السبب فيه واحد تانى... انت عايزة يركبلك الخرطوم ببلاش؟
(قل هل يستوي الذين يعلمون والذين لا يعلمون إنما يتذكّر أولو الألباب)
صدق الله العظيم
اقتباس:
كمان لو اخدنا المثل ده زيادة كان يبقى ياخد منك 1000 جنيه عشان يغير طقم دبرياج مثلا. عشان 99.9% من اللي عندهم عربية معندهمش معرفة إزاي يغيروه.. في حاجة اسمها معرفة وحاجة اسمها اخلاقيات المهنة.
يا باشا فيه فرق كبير اوى بين "يعرفوش يغيروة" و "ميعرفوش العيب فين"... هو انت مكنتش عارف تركب الخرطوم ولا مش عارف المشكلة فين؟؟
و انا معاك ان جزء من الفلوس اللى بندفعها للميكانيكى بتبقى نتيجة ان فيه حاجات منعلافش نغيرها اما نتيجة ضعف الامكانات (عدد و ادوات) او نقص خبرة او ضيق الوقت... الميكانيكى من حقة ياخد فلوس على شغلة... و الفلوس حسب الشغل و المجهود
تغيير طقم الدبرياج بياخد وقت و مجهود... بس مفيهوش اختراعات و عيوب الدبرياج واضحة زى الشمس
لو بقى روحت لميكانيكى بالعربية و هى فيها عيب بعد ما لفيت على 99 ميكانيكى قبلة لمدة شهرين و محدش عرف يحل المشكلة و هو مسك العربية هراها فحص و تجارب و نكش لحد ما حل العيب دة و قالك عايز 100 جنية... حتديها له ولا لا؟؟؟... اكيد حتديها له لانة وصل لعيب محدش عرف يوصلة و انت نفسك كنت فقدت الامل فى الحل و الراجل فضل ورا المشكلة لحد ما حلها
هل تفرق معاك بقى ان الحل طلع انة ركب صامولة 10 فوق مسمار ب3 شلن؟؟؟... المهم ان مشكلتك اتحلت و هو اللى جاب الحل
اقتباس:
يعني لو كان عمل حاجة بجد مكنتش ترددت إني اديله فلوسه.:ma:
سؤالين بيطرحوا نفسهم بشدة:
1- طالما معملش حاجة بجد و القصة طلعت هايفة... الراجل الاولانى معملهاش ليه؟
الاجابة: لانة حمار
2- و طالما الموضوع بالهيافة دى... معملتهاش انت ليه
الاجابة: لانك متعرفش المشكلة فين
احمد ربنا انه قالك على المشكلة او على الاقل سابك تعرف المشكلة فين... واحد غيرة كان قالك "سيب العربية ساعة و تعالى خدها" و ركب الخرطوم فى 3 ثوانى و قالك انا عملت و سويت و اخد منك 100 جنية... و لما يحصل الحوار دة تانى حتروحلة تانى و تدفع 100 جنية تانى و حتقول ان الراجل دة استاذ و حال مشكلة التكييف العويصة
بلاش نبخس حق الناس ولا مجهودهم ولا معرفتهم
MMamdouh