هو صحيح فيه طريقة لتصليح الكاوتش غير الخابور

**mohamedrefaay** · 26-06-2010 04:52 PM

المشاركة الأصلية كتبت بواسطة heshamzaky

طبعا يا باشا الراجل بيفك الفردة و بيلحمها عن طريق لحام سريع زى رقعة حمراء مدورة بتتلزق فى الفردة من الداخل اسمها بالبلدى لحام سريع و دة كويسة بس بتاع الكاوتش بيطر يفك الفردة من الجنط و يركبة تانى و طبعا بتاع الكاوتش عاوز يسيسهل فبيعمل الخابور حتى ممكن و العجلة راكبة فى العربية كسل منة و استسهال

هى دى الطريقة اللى شفتها

**omaroof** · 27-06-2010 01:03 AM

مرة الفرده عندى اتخرمت فى الزاويه والاستاز بعد ماعملها بالخابور قالى ابقى غير العجله دى قريب عشان التيل اللى فى الزاويه ده ممكن يطير من العجله اى وقت وخصوصا على السرعات العاليه!!!!!!!!!!!!!!!!!!!!!!!!!!!!!!!!!!!! !!!

**night_phoenix** · 28-06-2010 12:56 AM

المشاركة الأصلية كتبت بواسطة islam_galal

الخابور وسيلة تدمير و ليس تصليح و خصوصا لو الكشف علي العجلة يتم و هي في مكانها
كما قال الأفاضل أعلاه و هناك لاصق في شركة النيل (بريدجستون) اسمه تيب توب - ألماني أغلي و لكن أعتقد أفضل

انا جربت التيب توب ده مرتين و هوة رائع وموصي بيه من بردجستون و بيكلف من 15-30 جنيه حسب قطر الخرم ال 3 مم ب 15 تقريبا و 6 مم ب 30 جنيه و لو معاك الاستيكر هيكلف افتكر 20
انا عملته مرتين في المعادي في البنزينه الي علي الكورنيش بجد تحفه و تكنيك محترم بعيد عن قرف بتوع الكاوتش

**mshamy** · 28-06-2010 09:37 AM

لسه الفردة اليمين الخلفيه واخدة مسمار صغير في الزاويه اليمنى العليا "المقص"
وبما إن العجلة من بريدجستون قولت طبعا أذهب إلى المركز الخاص بهم في الغردقة
ولما وصلت الراجل شاف المسمار و الثقب و قالي ده "صغير" و مش محتاج "خابور"
في نوع لحام إسمه "المكوه" بس لم يكن متوافر عندهم و ذهبت إلى محطة وطنية لأنهم الوحيدون في الغردقة اللي عندهم لحام "المكوة"
الراجل فك الجنط وطلع الكاوتش و استخرج المسمار "الصغير فعلا"
ثم قام بتنظيف مكان الثقب من داخل الإطار باستخدام فرشة معدنية كهربائية
ثم قام باستخراج "لفافة" من المطاط الطري و قام بفردها و قطع جزء منها بالمقص
ثم لصقها على الثقب من داخل الإطار
ثم قام بوضع الإطار داخل جهاز يشبة "المكواة" و نزلت المكواة بواسطة الضغط الهيدروليكي على قطعة المطاط
وقام بظبط درجة الحرارة و استمرت لمدة 10 دقائق في هذه الوضعية
بعدها رفع "المكواة" و وجدت ان قطعة المطاط اصبحت هي و الإطار شئ واحد ...فقط اللون مختلف شوية
وتم تركيب العجلة و كل شئ الحمدلله زي الفل ..

**el_hagrasy** · 29-06-2010 11:39 AM

المشاركة الأصلية كتبت بواسطة waleedseng

هل في طريقة لتصليح الكاوتش غير الخابور علشان كنت قرأت هنا في المنتدى إنه بيبوظ الكاوتش.

طبعا يا باشا فى دايرة حمرة بتتلزق على الخرم بس من جوة الفردة
ذى الى كانت بتتلزق على الداخلى زمان

**el_hagrasy** · 29-06-2010 11:47 AM

المشاركة الأصلية كتبت بواسطة heshamzaky

على فكرة انا و الله ضحكت بسبب ان الصنايعى بيحاول يكشف على الفردة عن طريق زجاجة الماء و الصابون دى قولتلة اية دة يا ابنى انا حا تعقم الفردة و تعملها عملية سيبك من شغل الهبل دة و ضع الفردة بأكملها فى حوض الماء للكشف و بالمناسبة لو الراجل كشف لك على الفردة بالماء و الصابون حتلاقى فقاقيع هواء كتير و بالتالى عدد الاخرام و الشغل حا يبقى كتير خلى بالك دة نصب لان العجلة بتبقى سخنة و الصابون حا يطلع فقاقيع فية زميل فى المنتدى اتنصب علية و الراجل اخذ منة مبلغ محترم بلاش موضوع زجاجة الصابون هو صنايعى ولا فاكر نفسة انصح خلق الله خلو بالكم

المشكلة انك لما تدخل محطة بنزين تلاقى الراجل بتاع الكاوتش يولق اكشفلك على االكاوتش فيريت اى حد يدخل محطة بنزين بلاش يخلى الراجل يكشف على العجل لان بيبقى فى ايدة حاجة زى مسمار وبيخرم بيها الاوتش او زى مبيقول الزميل لما الفردة بتبقى سخنة فبطلع بقلايل وكدة بيزود عدد الاخرام وبيزود الفلوس
على فكرة انا مرة وقعت فى اديهم وطلعلى فى الردة 15 خرم مع انها كانت جديدة
فقولتله سبها وركب الاستبن وعوضى على الله فيها جبتلها داخلى وعملتها استبن

**أبو_يوسف** · 29-06-2010 12:13 PM

المشاركة الأصلية كتبت بواسطة akram

زمان كانت طريقة اللحام ان الفردة تتفك من العربية و يفك الكاوتش عن الجنط و يجيب قطعة مطاط و بعد وضع الكولة يتم وضع الكاوتش تحت سخان لتسييح المطاط و قفل الخرم ,

مازالت الطريقة دي موجودة واسمها لحام مكواه وبفضلها عن اي طريقة لان القطعة المطاط والكاوتش بيبقوا حتة واحدة وبتكلف حوالي من 7 -10 ج
اما الاستيكر لو متلزقش كويس ممكن يفك..
لان في صنايعية بيعملوه بكُلة بس من غير مكبس ولا حاجة..