هل في طريقة لتصليح الكاوتش غير الخابور علشان كنت قرأت هنا في المنتدى إنه بيبوظ الكاوتش.
عرض للطباعة
هل في طريقة لتصليح الكاوتش غير الخابور علشان كنت قرأت هنا في المنتدى إنه بيبوظ الكاوتش.
طبعا يا باشا الراجل بيفك الفردة و بيلحمها عن طريق لحام سريع زى رقعة حمراء مدورة بتتلزق فى الفردة من الداخل اسمها بالبلدى لحام سريع و دة كويسة بس بتاع الكاوتش بيطر يفك الفردة من الجنط و يركبة تانى و طبعا بتاع الكاوتش عاوز يسيسهل فبيعمل الخابور حتى ممكن و العجلة راكبة فى العربية كسل منة و استسهال
زمان كانت طريقة اللحام ان الفردة تتفك من العربية و يفك الكاوتش عن الجنط و يجيب قطعة مطاط و بعد وضع الكولة يتم وضع الكاوتش تحت سخان لتسييح المطاط و قفل الخرم ,
و الان بيتم استبدال المطاط بلازق جاهز و فبه انواع امريكي مثلاً و فيه مقاسات ,
أما موضوع الخابور فده بيضعف بنية الكاوتش و لا يفضل غير في الطوارء ,,
بس زي مابيقول الزميل أ-هشام:
الخابور وسيلة تدمير و ليس تصليح و خصوصا لو الكشف علي العجلة يتم و هي في مكانها
كما قال الأفاضل أعلاه و هناك لاصق في شركة النيل (بريدجستون) اسمه تيب توب - ألماني أغلي و لكن أعتقد أفضل
والله يا جماعة الواحد ما بقاش عارف الصح من الغلط انا بصراحة مبحبش موضوع الخابور ده لكن مرة حصل في فرده من الكاوتش العربية خرم ولما رحت لبتاع الكاوتش اعد يحلفلي بكل حاجه ان الجابور افضل حاجه وسيبك من بقول غير كده انا شغال في الموضوع ده وعارف ولو عايز نلحم الفردة مافيش مشكله فياريت نعرف اكثر عن هذا الموضوع والاضرار الناتجه من الخابور وشكرا
متابعععععع
طب ياجماعة الاخرام اللى بتبقى فى الزاوية بينفع معاها تشخين ولا دى لازم خابور
في مواضيع كتير عن أضرار الخوابير هنا في المنتدي
فردة الكاوتش هيكلها من شبكة من السلك و الخابور هو في الأساس توسيع للفتحة الموجودة في الاطار لوضع الفتيل و هذا التوسيع هو تدمير للشبكة السلكية و مع تكرار الخوابير تلتوي الشبكة السلكية يعني بالبلدي الفردة بتتلوح حتي لو كانت لسة جديدة
طبعا الصنايعيه معدومي الضمير كمان بيكشفوا علي العجلة عن طريق رفع ضغطها بشدة و سكب محلول الصابون عليها و هي في مكانها و يطلع فيها 6 أو 7 أو أكثر و يظبطها خوابير في دقيقتين و صاحب العربية يدفع مش أقل من 100 جم إلي 300 جم و بعد شهر ترمي فردة الكاوتش
على فكرة انا و الله ضحكت بسبب ان الصنايعى بيحاول يكشف على الفردة عن طريق زجاجة الماء و الصابون دى قولتلة اية دة يا ابنى انا حا تعقم الفردة و تعملها عملية سيبك من شغل الهبل دة و ضع الفردة بأكملها فى حوض الماء للكشف و بالمناسبة لو الراجل كشف لك على الفردة بالماء و الصابون حتلاقى فقاقيع هواء كتير و بالتالى عدد الاخرام و الشغل حا يبقى كتير خلى بالك دة نصب لان العجلة بتبقى سخنة و الصابون حا يطلع فقاقيع فية زميل فى المنتدى اتنصب علية و الراجل اخذ منة مبلغ محترم بلاش موضوع زجاجة الصابون هو صنايعى ولا فاكر نفسة انصح خلق الله خلو بالكم