انا عفشة الكورولا اتدمرت بسبب كاوتش النسر ربنا يجازي ولاد ؟؟؟؟؟؟؟؟؟؟ الي دلوني علية
عرض للطباعة
انا عفشة الكورولا اتدمرت بسبب كاوتش النسر ربنا يجازي ولاد ؟؟؟؟؟؟؟؟؟؟ الي دلوني علية
أهو رجع تانى
خليفة خلف خلف الله خلف خلاف المحامى
عايزين نعمل أغنية (حمال الهموم ياصغير) خلفية للمواضيع دى يا اخواننا
"والله أنا حزين جدا لأني كان نفسي بجد أشجع واساند الكاوتش النسر معاك يا فادي لكن للاسف مش لاقي أي حاجة أشجعه معاك بيها
كان نفسي بجد أفخر به كصناعة مصرية لكن الموضوع ده كمان طلع منك أوت يا فادي
الظاهر كدة انك دايما ماشي ضد التيار لأن الحقيقة الواقعة بتقول فعلا إن الكاوتش النسر لا يرقى لمستوى الجودة اللي موجودة في ماركات عالمية كتير "
لا يا صديقى أنا لم أقل أن النسر أحسن من الماركات العالمية يعنى أنا مقارنتش النسر بميشلان أو بيريللى مثلا أنا بقارن النسر مع الاطارات المجهولة الهوية الموجودة فى أسواقنا كورى و صينى و تايوانى و اندونيسى. و متقنعنيش انو دول بيدرسوا نقشة الكاوتش و أداءه فى المطر!!
"بس انا اعتقد ان بحكم سن حضرتك، انك مجربتش الكاوتش فى الظروف القصوى علشان سواقتك هتكون هاديه، لاكن الكاوتش بيبان فعلا وقت الملفات الديقه على سرعات عاليه، و حتى بيفرق فى السحب و تحس بيها اوى فى المواتير القويه."
سن ايه بس أنا مش كبير أوى كده:) و قيادتى تكون متطلبة فى بعض الأحيان لما بكون مش تعبان.
كانت لدى الشاهين
وكنت شاريها من الزيرو
وكان فيها النسر فخر الصناعة المصرية
ومغيرتوش ولا حاجة
وماذا كانت النتيجة
بعد 7 آلاف كيلومتر فقط ، الكاوتش طبعا نقشته زى الفل ، لكن العربية بتتصرف تصرفات غريبة جدا، ماشية زى ما تكون راكب جمل عمالة تطلع وتنزل
مش نافعلها ظبط زوايا ولا ترصيص، وبعد 90 الغربلة على ودنه والعومان ولا كأنك فى محيط
جوز المساعدين اللى قدام باظوا والعربية احتاجت زرجينة علشان اضبط الزوايا
قلت لنفسى عليك من ده بإيه يابنى
وبعت النسر اللى فيها بمبلغ طائل بعد 7آلاف كيلومتر ومع انه فيه عالى وواطى (بعد 7آلاف كيلومتر فقط عمل عالى وواطى) لأن البلد مليئة بسائقى التاكسى الذين يدفعون مبلغ لا بأس به فى فردة نسر برسمتها وملعون ابو الراحة على ابو العفشة على ابو الزوايا ، مهوا آخرهم 40 وللا 50 كيلومتر فى الساعة
جبت كاوتش جى تى
اولا :حسيت ان انا ركيت عربية تانية خالص ، كأنى ركبت مرسيدس بعد ما كنت راكب مرجيحة،
ثانيا: انتهى الى غير رجعة العومان على 80 والغربلة من 60 وطالع
ثالثا: المساعدين عاشت بلا نهاية ونسيت سكة بتاع الزوايا
رابعا: الكاوتش الجى تى خرج من العربية بعد 60 ألف وغيرته نزاهة واخويا خد الكاوتش القديم ولسة شغال بيه لحد ديلوقتى مع انى بعت العربية من سنة بعد ما غيرت الكاوتش بسنة أخرى
خامسا: ان كنت ناسى افكرك ان اول ما نزلت العربيتا الإكسيل تجميع محلى كان لها سمعة زى الزفت انها بتنقلب، السمعة دى انتهت مع التخلى عن الكاوتش النسر فى الإكسيل المحلى وبعدها الأكسنت وطرحها بكاوتش مستورد
سادسا: كان لى شرف التعامل مع شركة النقل والهندسة التى تصنع كاوتش النسر ومقرها سموحة بالإسكندرية، وشفت مدى تخلف العمليات التصنيعية عندهم لدرجة ان طبخة المطاط بتاع الكاوتش كانوا بستخسروا يشتروا جهاز بتلاتة تعريفة ينظم الجدول الزمنى بتاعها ويسيبوا الموضوع لإحساس عم عبده ماسك فى إيده ساعة وهو اللى بيظبط درجات حرارة الفرن بالوايام كدة بدون اى جهاز قياس او تحكم
انا من اكبر مشجعى الصناعة المصرية، لكن لحد كاوتش النسر ومقدرش اقول سوى ان آخره تاكسى 1300 او عربية سيات مش هيمشى اكتر من 40 كم/س
بص، حاول تجرب تستعمل كاوتش نضيف ، مش هقول لك بريدجستون او ميشلان ، لكن اضعف الإيمان حاجة زى الجى تى، على نفس عربيتك مش عربية تانية، هتكتشف ان فيه حاجة فى الدنيا اسمها نعومة وحاجة تانية اسمها هدوء وحاجة تالتة اسمها راحة
ملحوظة صغيرة: ازاى يا بشمهندس تقول على عربيتك "اثقل وزنا" انت ناسى انها 950 كيلو جرام فقط ؟يعنى اخف من الفيرنا واللانوس بحوالى 100 كيلوجرام تقريبا ، هى بتبقى خفيفة ساعة لما تكون عايز تبين لنا ميزاتها وثقيلة ساعة لما تكون عايز تمجد فى كاوتش النسر؟
مش معاك في كلامك يا استاذ فادي
النسر حلو للتاكسي اللي ماشي جوه البلد انما عربيه علي طريق و كده لاء طبعا
يالهوى نسر محدش يقول الكلمة ديه قدامى عذبنى معاه فى ال 128 راكب جمل فعلا ويوميا فى 3 اخرام والله مرة بآخد ملف جامد شوية الكاوتش فسى بعد 7000 كم فردة جالها دمامل غريبة زى إنفخات فى الكاوتش وفرده جنبها اتمسح تماما جالهم حمى يعنى
"ملحوظة صغيرة: ازاى يا بشمهندس تقول على عربيتك "اثقل وزنا" انت ناسى انها 950 كيلو جرام فقط ؟يعنى اخف من الفيرنا واللانوس بحوالى 100 كيلوجرام تقريبا ، هى بتبقى خفيفة ساعة لما تكون عايز تبين لنا ميزاتها وثقيلة ساعة لما تكون عايز تمجد فى كاوتش النسر؟"
يا أستاذ سبعاوى ما هذا التصيد؟, المعنى كان واضحا, الشاهين أثقل من ال128, و لكنى لم أقل "ثقيلة".
المزيد من المقالات المعارضة الماشية ضد التيار يا مستر فادي
عارف لو كنت اتكلمت عن بطارياتالنسر فارتا
كنت هاقول ماشي وعن تجربة حلوة
لكن جاي للكاوتش النسر
اعتقد ردود الاعضاء كفاية وبلاش ردي انا:(:(:(
وهدي اعصابك يا سيادة اللواء حسام انت عندك بنت وعايز تربيها
ممكن تقراه كنوع من مقالات صدق او لا تصدق مش اكتر من كدة
لكن انك تاخد الموضوع بجدية حرام عليك اعصابك;)
تشرب ايرل جراي احسن من الكلام عن العربيات يا استاذ فادي؟:cool::cool:
يا كيمو حرقة الدم لو الواحد سمع خطبة لبوش لكن الفرجة على القذافى تضحك و تفرفش