اطارات النسر, وجهة نظر مغايرة.

**فادى** · 19-02-2008 11:47 PM

"ما هذا يا بشمهندس فادى، عهدى بك الوطنية والإعتزاز بكل ما هو مصرى

ليه بتتكلم لغة الشوام طيب؟

الشوام بستعملو الغين مكان كل جيم غير معطشة فى ترجمة الكلمات الأجنبية علشان نطقهم لا يحوى الجيم الغير معطشة مثلنا، فهم ينطقون الجيم معطشة والقاف ألف وبالتالى لسانهم لا يستطيع التعامل مع هذا الحرف-بنفس فكرة صعوبة نطق الثاء والذال والP علينا كمصريين لعدم وجودها فى لهجتنا اليومية- فبدلوه غينا ليمكنهم نطقها ، وبالتالى فهو عجز منهم وليس حداثة ولا تطور ولا ريادة نسير خلفهم فيها

متهيألى انك لو حاولت تنطق كلمة جوديير بالجيم القاهرية غير المعطشة ستستطيع نطقها، فلماذا تكتبها بالغين؟"

تعودت أن أقرأها هكذا "غوديير" من عدة مجلات و جرائد عربية (شامية و خليجية ) و ربما حتى مصرية المهم أننى كنت حتى فترة قصيرة جدا أعتقد أن هذا هو اسمها الأعجمى "Ghoodyear" (تعرف أن هذا النوع من الاطارات يفتقد للشهرة فى مصر) الى أن اكتشفت أنها تعنى سنة سعيدة "Good Year" و لكن تعودت عليها "غوديير" و كتبتها هكذا بدون تفكير و عموما عندك حق فى دى متزعلش "جوديير":)

"أستاذ فادي لا أتفق معك في موضوع سواق التاكسي حر
أي سائق ليس حر فيما يفعل في السيارة مما يؤثر على من هم خارج السيارة
و مفيش حاجة أسمها يأكل عيش
في حاجة أسمها متطلبات حماية أرواح الناس
و إن كان هو هايكل عيش على قفى من سيتم تدمير سيارتهم أو تدمير حياتهم
يبقى يغور في داهية و ميكولش عيش أحسن
يعني لو واحد بتاع تاكسي ماشي بسرعة 100 كم على الدائري و بعدين الطريق وقف فجأة و ده حاول أنه يقف بالعربية و موقفتش .... و راح داخل فيك من الخلف و دمرلك العربية فقط ( يعني كل الل في العربية طلعوا سلام مثلا )
قولي هاتعمل فيه أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟"

كلامك صحيح و لكن يجب أن نلتمس العذر و نراعى الظروف السيئة, ليس سائق التاكسى فقط و لكن السائق المصرى عموما, جميل أن نراعى عوامل الأمان و السلامة فى السيارة و لكن لا يمكن أن نطبق قوانين صارمة فى هذا الشأن الا بعد أن يرتفع مستوى المعيشة الى حد معين.لعلك تتفق معى فى هذا.

**PRO-DRIVE** · 20-02-2008 05:12 AM

تعودت أن أقرأها هكذا "غوديير" من عدة مجلات و جرائد عربية (شامية و خليجية ) و ربما حتى مصرية المهم أننى كنت حتى فترة قصيرة جدا أعتقد أن هذا هو اسمها الأعجمى "Ghoodyear" (تعرف أن هذا النوع من الاطارات يفتقد للشهرة فى مصر) الى أن اكتشفت أنها تعنى سنة سعيدة "Good Year" و لكن تعودت عليها "غوديير" و كتبتها هكذا بدون تفكير و عموما عندك حق فى دى متزعلش "جوديير":)

جوود يير هو في الاصل الاسم ل"تشارلز جوود يير"

انجليزي الاصل و عاش في البرازيل

اول من اخترع اضافه الكربون علي المطاط الطبيعي اللي بيطلع من شجره كدا :)

مش فاكر اسمها بصراحه

**MMamdouh** · 20-02-2008 11:06 AM

المشاركة الأصلية كتبت بواسطة فادى

"انا بس خايف حد من الاخوة الافاضل اللى معلوماتة مش كبيرة و معندوش خبرة يصدقة"

معلومات ايه بس و يصدق ايه؟! والله انا لو كنت كاتب عن كاوتش اسرائيلى ماكنش حيحصل الهجوم الجارف ده!
أنا مركبه و بقالو أكتر من 40 ألف و مفيش أى مشكلة عندى فى العربية, و أى كاوتش تانى كان بيجيب سلك معايا عند ال20-30 ألف بالكتير.
و بعدين حضرتك قولت معلومة غريبة انو الكاوتش يتغير كل 40 ألف!
الكلام ده حضرتك تقولو لواحد راكب مرسيدس مش فارقة معاه يدفع 3 ألاف فى كاوتش, لان العربية نفسها بنص مليون, انما مش أى واحد ممكن يغير كاوتش كل 40 ألف و الكاوتش سليم, الكاوتش بيتغير حضرتك لما يتاكل أو يجيب سلك و على فكرة عمره الافتراضى 50 ألف مش 40, و ده لو حضرتك من النوع ال"لارج" الى مبيهمكش الفلوس, أما أنا فمش هغير الكاوتش الا لما يهلك.و فيه ناس بتقعد على الكاوتش لمدد طويلة جدا, و الله أعرف واحد صاحبى معاه بولونيز فيها كاوتش نسر عامل معاه 100 ألف بالتمام و الكمال, و مش بيفكر يغيره لأنه مبيغرش أى حاجة فى العربية الا لما تبوظ.

القصة لا فيها اسرائيل ولا غيرة... لو منتج من اسرائيل مش حشترية و لو كان احسن منتجد فى الدنيا ... و لو كان المنتج الاوحد فى الدنيا برضة مش حشترية... بس هل عشان مصر عملت منتج يبقى لازم اشترية؟؟؟ انا بشترى الكويس و بس... لما مصر تعمل منتج كويس و بسعر مناسب لنعية المنتج يبقى اشترى بدون نقاش لكن لما يبقى منتج فى الضياع و عندى مليون بديل بسعر مناسب و نوعيه احسن بكتيير يبقى القرار المنطقى للعقل هو شراء المنتج الافضل بغض النظر عن بلد المشاء (بس مش اسرائيل برضة)

مرة تانية ايه قصة 3000 جنية دى؟ انا بجيب 4 فرد ب 1000 جنية و اللى راكب عربية اكيد يقدر يدبر 1000 كل 3 او 4 سنين... وانا ولا لارج و لا ميديم ولا سمول حتى... انا راجل عادى زيى زى اى واحد هنا بس انا على الاقل بخاف على نفسى و عائلتى و عربيتى و بالتالى عمرى ما حمشى على فردة لحد ما تجيب سلك و بعدين اغيرها لان دة جنان رسمى... انت كدة اكنك بتقول "انا مش حبطل سجاير الا لما يجيلى سرطان"

اسال اى حد بيفهم فى الكاوتش يقولك ان الفرد لازم تتغير بعد 40000 بغض النظر عن شكلها او مدى تاكل النقشة و انا قلت الاسباب قبل كدة... كمان واضح انك متعرفش ان الكاوتش لة فترة صلاحية و برضة لو خلصت صلاحيتة لازم تغيرة و لو عامل بية 50 كيلو فقط... الا اذا كنت مركب نسر و فى الحالة دى تغير الكاوتش لما العربية تبقى كهنة و تبيع الفرد لسواق تاكسى عشان يعمل بلوه و ياخد فى رجلية ناس ملهاش ذنب

و بناسبة التكسجية: يعنى ايه نراعى ظروف سواق التاكسى؟ يعنى لما سواق تاكسى يعمل مصيبة و يموت واحد و لا اكتر نقول معلش اصلة غلبان؟؟؟؟؟؟؟؟؟؟؟؟

انا شفت تاكسجى بيصلح فردة ليس لها اي معالم لا نقشة ولا ماركة و مرقعة من كل ناحية... يعنى فردة تودى فى داهية و لما يحصل كارثة بسبب الكاوتش دة نقول اصلة غلبان و مشلاقى؟؟ لو مش لاقى يبقى ميجبش تاكسى طالما مش قد مصاريفة... هو احنا لازم نبقى شعب فهلوى و ندوس على الناس و ساعة الجد نبقى غلابة؟؟؟؟؟

الموضوع اللى بتفاصلوا فيه واضح زى الشمس و مش محتاج اننا نتكلم فيه تانى... النسر وحش

اللى معترض على كلامى يجيب دليل عملى: مسافات توقف على اسفلت ناشف و مبلول و المواصفات الفنية للفردة و نقارنها باى فردة كورى او اندونيسى او اى حاجة فى الدنيا

MMamdouh

**ahmedateya** · 20-02-2008 12:20 PM

على فكرة انا سمعت موضوع في ال Cnn من شوية :

"و بعد موضوع (اطارات النسر,وجهة نظر مغايرة) على منتدى نايل موتورز قام فريق الفيراري بطل سباق الفورميلا بطلب شحنة من اطارات النسر لتساعده على الاحتفاظ بصدارة سباقات الفورميلا........
حيث انه اثبت علميا ان فردة النسر لا تبلى و هو بالقطع العامل الوحيد الذي يحدد جودة الاطار
كما قام مايكل شوماخر بإلغاء تعاقده الدعائي لشركة ميشلان و تعاقد مع شركة نسر المصرية للإطارات
وحاليا تعكف شركة نسر و مصانعها بالسنبلاوين على الشحنة المرتقبة لسباقات الفورميلا 1
و سيتم تغيير الفيراري و المكلارين الى سيارات الخدمة الشاقة دوجان و شاهين نظرا لأنهما يعتمدان على الاطارات الرياضية الاداء ........ نسر "

و نوافيكم بباقي التفاصيل لاحقا