الموضوع: المرور: سرعة "الإسكندرية الصحراوي" لا تزال 100 كم/ساعة

معقوله دانا هريته جرى رايح جاى وفى الاخر يطلع حتى موش دولى؟
مصر بلد العجائب

ههههههههههه

كنت راكب مشروع تيوتا وكان ماشي 180


وعدينا ع الكمين ولا قال اي حاجة

واخدين منى 450 جنيه فى تلات مرات

يشار إلى أن غرامة تجاوز السرعة المقررة على الطريق الصحراوي تبلغ 1500 جنيه كحد أقصى و300 جنيه كحد أدنى مع إمكانية التصالح الفوري ودفع 150 جنيه غرامة فورية، وهي نصف الحد الأدنى للغرامة بشرط سدادها خلال ثلاثة أيام من تاريخ ارتكاب المخالفة.

150 جنيه تصالح فوري ....همممم مفهوم طبعا

وبالنسبة للسيارات النقل بمقطورة فتبلغ السرعة المقررة لها 60 كم/ساعة فقط، بينما تبلغ 90 كم/ساعة لوسائل نقل الأفراد مثل الأتوبيسات و الميكروباصات.

واضح .....

فعلا كله تمام و حاجة زي الفل ...... أه كفاية بقي حرااااااااام

المشاركة الأصلية كتبت بواسطة 2faster

ههههههههههه

كنت راكب مشروع تيوتا وكان ماشي 180


وعدينا ع الكمين ولا قال اي حاجة

يا باشا التويوتات دول عفاريت الاسفلت بصحيح - لانهم بيبلغوا بعض بالموبيلات علطول لو فيه رادار لذلك تلاقيه كان عارف مكان الردار فين و هدي شوية بس حضرتك لم تلاحظ
لاني انا لما ببقي مسافر برشق ورا اي حد فيهم و بيكون هو المنقذ صح لدرجة اني مرة كنت مسافر في عز الظهر علي 160 و كنت مستعجل جدا و كان فيه 4 رادارات و الحمد لله عديت منهم كلهم بسلام الله ثم بخبرة سواق التويوتا اللي قدامي و لما وصلت لمحطة الرسوم في القاهرة شكرته علي جميله بالكلاكسات

فى رحلتى لمطروح عديت من كل الرادارات بسلام بسبب فاعلى الخير اللى جايين فى المقابل وبيبرشوا بالعالى بمسافة معقولة قبل الرادار وقبل اللجان

الحاجة الوحيدة الحلوة على الطريق إن فيه اتفاق تعاون بين كل السواقين ... على مخالفة القانون

المشاركة الأصلية كتبت بواسطة hondawy_2008

يا جماعة الميكروبصات دول ولاد تييييت بيكونوا مظبطين مع بتوع الرادار و بيسخنوا بتوع الملاكي علشان يجروا و يتقفشوا و يدفعوا وده حصل معايا شخصيا والميكروباص مدفعش وعدا و أنا دفعت 150 جندي رغم أني كنت وراه على طول بنفس السرعة

بصراحة انا بسافر دايما و ما حصلتش معايا الحمد لله بس يمكن حضرتك سرحت شوية ولا حاجة لان الواحد لازم تبقي عينه علي الاستوب بتاع التويوتا و بعدين برضه لازم تحسسه انك معاه يعني مثلا تديله كلاكس و تعدي من جنبه و تحييه عشان بيعتبروا اللي ما بيعملش كده انه بيستكردهم

المشاركة الأصلية كتبت بواسطة dr ahmed

فى رحلتى لمطروح عديت من كل الرادارات بسلام بسبب فاعلى الخير اللى جايين فى المقابل وبيبرشوا بالعالى بمسافة معقولة قبل الرادار وقبل اللجان

الحاجة الوحيدة الحلوة على الطريق إن فيه اتفاق تعاون بين كل السواقين ... على مخالفة القانون

حمدا لله علي سلامتك يا دكتور انتم السابقون و نحن اللاحقون ان شاء الله انا رايح يوم 25/7 بس يا دكتور طريق مرسي مطروح بيساعد علي التعاون ده لان الناحيتين جنب بعض عكس طريق الاسكندرية القاهرة اللي فيه اجزاء كبيرة منه بتبقي مش شايف المقابل و ربنا يسترها علي الجميع