المشاركة الأصلية كتبت بواسطة al_manara
بس المشكلة مش في احمد او المزارع الله يرحمة . المشكلة ان الحومة المباركة بتاعتنا عملت طريق دائري طويل وعريض ونسيت ان في ناس موجودة علي جانبي الطريق . ونسيت ان في جامعات ومدارس علي جانبي الطريق والناس بتحتاج تعدي . يعني مفيش ولا كوبري ولا نفق . وشوفوا الطريق دة من ساعة اما اتعمل كام روح راحت علية . والحكومة لسة نايمة .
تعالوا نفكر.. واحد عاوز يعدي عشان يركب ويروح من الشغل بتاعة ؟ يعمل اية ؟ دة الناس فاعلة الخير جابوا ميكروباص بيعدي الناس مجانا من كارفور الي الناحية التانية منطقة الجامعات لان المكان مكتظ بالناس . وبرضة الحكومة لسة مش دريانة ؟ والنهارد عربية مقطورة خبطت سواق موتوسيكل ومات وكل يوم نسمع عن مصيبة من العربيات المقطورة . انا مش عارف هي الحكومة عاوزة تصفي الشعب كلة ولا اية ؟
وشكرا للراجل المحترم انة راح نقل الراجل المستشفي
وربنا يرحم المزارع ويصبر اهلة . انا لله وانا الية راجعون